الموضوع: التفسير المنطقى للمكالمة الشهيرة

المشاركة الأصلية كتبت بواسطة mada121977

انا ليا تفسير منطقى تانى هو ان البنت دى مش ساذجه ولا حاجه دى خبررررررررررررره من هنا للصبح علشان قدرت تضحك على البيه الكابتن اللى بيتشدق بالكلام عن الاخلاق والتدين وهو ابعد ما يكون عنهما وجرجرته فى الكلام زى العبيط لغايه ماقدرت توقعه وتثبت عليه وقائع معينه وهو ولا هنا وطبعا الجرجره فى الكلام دى ماكانتش ببلاش لا دى تلاقيها قبضت مبلغ محترم علشان بقت كارت محروق ومش هايتلعب بيه تانى
الخلاصه ان احنا فى البلد دى فعلا بقينا فى عصر الرويبضه وعصر التافهين والفهلاوتيه والوصوليين والمتسلقين الى اخر الصفات المشابهه
وللاسف الناس المحترمه مفيش حد بيحس بيها ولا بيقدرها فى البلد دى

البنت وصولية جدا واهدافها مادية بس اما بالحصول على الفلوس بشكل مباشر عشان خبر او خبطة صحفية تخليها فوق والثقافة دى اكتسبتها من واقع عملها فى الجريدة لفترة وشايفة كل من حولها بيفكر بنفس الطريقة او انها تكبر فى عالم الصحافة وتتلمع زى غيرها وتقب بسرعة على وش المجتمع والكابتن كان بالنسبة لها بسبب موقعه ومركزه فى المجتمع وكاعلامى ممكن يوصلها لبعض من هذه الاهداف بسهولة اما ان كنت تقصد انها خبرة من وجهة اخرى لا داعى لذكرها احتراما للمنتدى فكان الامر سهل جدا وكانت الرسالة المقصودة من المكالمة وصلت بسرعة واذا كان هو مستكتر 10000 جنيه فى الليلة كان يمكن الاتفاق على مبلغ اقل من كدة شوية ويمشى الحال وراجع المكالمة تانى هتتاكد من وجهة نظرى وخاصة ان البنت دى مين علشان تاخد السى دى من رجل زى مرتضى منصور ؟
وكمان راجع لما سالها انتى زعلتى من كلامى ؟
اعتقد الامور منطقية وواضحة

لا تأكل الحرة بـ . . . . .

المشاركة الأصلية كتبت بواسطة lonedoctor

البنت وصولية جدا واهدافها مادية بس اما بالحصول على الفلوس بشكل مباشر عشان خبر او خبطة صحفية تخليها فوق والثقافة دى اكتسبتها من واقع عملها فى الجريدة لفترة وشايفة كل من حولها بيفكر بنفس الطريقة او انها تكبر فى عالم الصحافة وتتلمع زى غيرها وتقب بسرعة على وش المجتمع والكابتن كان بالنسبة لها بسبب موقعه ومركزه فى المجتمع وكاعلامى ممكن يوصلها لبعض من هذه الاهداف بسهولة اما ان كنت تقصد انها خبرة من وجهة اخرى لا داعى لذكرها احتراما للمنتدى فكان الامر سهل جدا وكانت الرسالة المقصودة من المكالمة وصلت بسرعة واذا كان هو مستكتر 10000 جنيه فى الليلة كان يمكن الاتفاق على مبلغ اقل من كدة شوية ويمشى الحال وراجع المكالمة تانى هتتاكد من وجهة نظرى وخاصة ان البنت دى مين علشان تاخد السى دى من رجل زى مرتضى منصور ؟
وكمان راجع لما سالها انتى زعلتى من كلامى ؟
اعتقد الامور منطقية وواضحة

انا ماقصدش من كلمه خبره امور لا اخلاقيه
انا اقصد انها بتعرف ازاى توقع اللى قدامها فى الكلام وتاخد اللى هيا عاوزاه وماتديش حاجه فى المقابل ... بس من الواضح من كلامها انها على علاقه وثيقه بمرتضى او بمعنى اخر مرتضى زقها على البيه الكابتن علشان يحصل اللى حصل ده
المهم ان الاطراف الثلاثه من طينه واحده وربنا ينتقم منهم ويريحنا من وشهم

المشاركة الأصلية كتبت بواسطة kasten

شوبير .. الكبير كبير
ومن منا بلا خطيئه
واعتقد ان بنت تسمع كلام زى ده من مرتضى ومن شوبير وتتحاور فيه .. اعتقد انها محترمه جدا
والكلام اللى اتقال ده عادى جدا من شوبير واكيد مرتضى بيقول اكتر منه كمان ..
محسسنى انكم بتتكلموا عن ملايكه
دول بنى ادمين ..وكل ابن ادم خطاء

شوبير عمره ماكان كبير ولا يمكن اى انسان عنده ذرة عقل وحكمة ينبهر بشخص من هذه النوعية ابداحتى لو اصبح شوبير رئيس الوزراء موش عضو فى مجلس الشعب
الكبير كبير باخلاقه ودينه ومبادئه ومن باب اولى مرتضى هو الكبير على الاقل كان مستشار واستقال فى سابقة لم تحدث من قبل عندما وضعت عليه ضغوط ليحكم بغير الحق كما انه لم يعرف عنه اى سوابق اخلاقية او اعمال غير مشروعة او استغلال نفوذ ه لتحقيق مصالح شخصية

المشاركة الأصلية كتبت بواسطة ahmedgen2

هى ايه المكالمة دى بالظبط عاوز أسمعها حد عنده لينك؟

المكالمة في حد ذاتها كلها ألفاظ بذيئة ومينفعش نحطها هنا.

ممكن تتفرج على الفيديو الموجود هنا حتسمع المكالمة بس معمول صفارة على الألفاظ البذيئة.