| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 10 من 10

  1. #1

    الصورة الرمزية abo_hosni

    رقم العضوية : 13185

    تاريخ التسجيل : 18Jun2008

    المشاركات : 875

    النوع : ذكر

    الاقامة : Minia El-Kamh

    السيارة: Cellphone: Samsung G810

    السيارة[2]: Peugeot 504 GL 1977

    دراجة بخارية: none

    الحالة : abo_hosni غير متواجد حالياً

    افتراضي خبطتين في الرأس توجع؟ طيب ثلاثة بقى (فرامل+دبرياج+رادياتير) - Facebook Twitter whatsapp انشر الموضوع فى :

    hasad">

    صحيح أن العربية بقالها زمن ما عملتش حركات نقص، لكن الأسبوع اللي فات في نفس الوقت اللي محتاج فيه العربية بشدة، حصل لي كام موقف مش تمام لكن كله بيعدي

    1- الفرامل قفشت
    - مسافرين عادي و العربية كاملة الحمولة 5 ركاب بالغين و الشنطة متستفة عالآخر و فجأة كده ألاقي العربية ثقلت شوية، ضحكت على نفسي و قلت ممكن من الحمولة بس الوضع مش طبيعي. أشد بالعربية و حاسس أن في حد بيشدها من ورا. أمور العربية و أنا ماشي ألاقيها بتهدي أسرع من المعتاد، أبص على مؤشر الحرارة لقيته أعلى بدرجة عن المعتاد، أضحك على نفسي و أقول لما نوصل ربنا يحلها بقى. أشم ريحة تيل و أقول في نفسي أهلاً أهلاً ما هي يا فرامل يا دبرياج. أسمع زمارة سائق أجرة جنبي و بيقول لي "العجلة الورانية شمال بتدخن" شكراً يا حبيبي.
    ركنت على جنب و ألاقي دخان أبيض برائحة التيل المعروفة خارج من الطنبورة (الفرامل الخلفية طنابير) و ألاقي هباب أسود خفيف على الجنط. لقيت والدي قلقان كده قمت قلت له و أنا باضحك "عادي يعني، الفرامل قفشت" مافيش حل إلا أننا نمشي بالعربية لحد ما نلاقي ميكانيكي (على طريق مصر-إسكندرية الزراعي + يوم جمعة) ميكانيكي ورا التاني كلهم قافلين يوم الجمعة لحد ما لقينا واحد و طبعاً قلقان منه لأنه على الطريق يعني سهل يعمل علينا شغل أو يعك أو ينصب.
    في المرحلة دي الجنط كان اتملى هباب و لونه بقى ذهبي بدون مبالغة + دخان أبيض مستمر. الراجل فك الجنط و ساعة ما فك غطاء الطنبورة حصل صوت انفجار بووووووووووووووم و كمية دخان و هباب غريبة طلعت.
    التلفيات بقى:
    1- كل ما هو غير معدني زي جلد الماستر
    2- السوست نشفت
    3- التيل اتمسح طبعاً

    الراجل الكفتجي كان عايز يحط مياه علشان تبرد بسرعة لكن رجع لما قلت له "هي مش هتقفع كده ولا إيه"
    المهم كان قدامنا حلين:
    1- يصلحها و ده كان رأي والدي
    2- يقفلها على كده و يلغي فرامل العجلة دي على ما نبقى نروح و نعملها بمزاجنا و ده كان رأيي
    المهم قلنا نصلحها راح الميكانيكي أخد عربيته الماروتي و غاب شوية كده و رجع جايب معاه جلد ماستر و سوست فرامل و ملأ التيل و خرط الطنبورة إلخ..
    ركب كل حاجة و جربت الفرامل على الأسفلت و كله تمام.

    2- الرادياتير اتخرم
    في نفس اليوم و احنا راجعين بالليل ألاقي مؤشر الحرارة بيعلى و يعلى و يعلى، رحت أنا مطاطي مطاطي مطاطي
    رحت راكن و مقرب من الرادياتير سمعت صوت (فسسسسسسسسسسس) جبت قماشة مبلولة و بحذر بدأت أفتح غطاء الرادياتير و بوووووووووووم فشششششششششششش كمية بخار مش بطالة تحت ضغط و طبعاً مافيش مياه في الرادياتير. رحت جايب جركن المياه و قعدت أملاه واحدة واحدة و الموتور داير طبعاً لحد ما اتملى و الحرارة نزلت على طول و رحت ماشي. الرادياتير كان مخروم طبعاً و تاني يوم الصبح رحت لبتاع الرادياتير و كان الخرم ناحية المروحة قعد يشتغلني و يقول لي ده المروحة هي اللي خرمته،
    -لا يا راجل!!
    - أيوة يا بيه البيجو كله كده ملاكي و أجرة كمان، مع الفرامل و المطبات الجامدة الموتور بيطلع قدام و لو المروحة قريبة من الرادياتير هتخبطه

    قمت مهاوده و قلت له "تصدق امبارح كنت باجرب الفرامل"
    قام ابتسم و فرح أن كلامي بيأكد نظريته الهلامية
    يعني الموتور عندي بالطول، هيسيب الفتيس و الكردان و العجل و يطلع قدام لوحده يعمل إيه؟ زهق من قعدة الحوض مثلاً؟

    3- الدبرياج
    بعد ما خلصت الرادياتير و ظبطت الشكمان كمان و كام مشوار كده و جه في بالي أني عايز أعلي دواسة الدبرياج شوية. رحت للميكانيكي و راح مراجع على الدبرياج من أول الماستر لحد الدواسة. و غير جلد الماستر و الزيت و جاب "زغاد" جديد لأن القديم كان متآكل بصراحة.
    جرب يا باشا، كله تمام. و رحت على بتاع الزيت و زودت زيت الفتيس كمان و طالع من عنده و الدبرياج في قمة علوه. ضغطة دبرياج ورا التانية أحس أنه بيوطى و بيوطى و أنا كنت في مشوار مع واحد و مش ناقصة قرف بقى. الدبرياج بيوطى و النقلات بتتقل أكتر و أكتر قلت أما أشوف فيه إيه تاني رحت واخد الوضعية (أني أوقف العربية على منزل) و بصيت على الدواسة ألاقيها غرقانة زيت :) و أدوس دبرياج ألاقي مافيش مقاومة و مافيش دبرياج :) يا حبيبي
    مافيش حل إلا أني أرجع للميكانيكي. قام اللي راكب جنبي قال لي "هات الفتيس على الأولاني و دور العربية" قلت له "و أنا أحمل على المارش ليه؟ امال أنا موقف العربية على منزل عياقة يعني؟"
    رحت مدور العربية و منزل فرامل اليد و لما العربية بدأت تتحرك قمت جايب أولاني (من غير دبرياج) و مشيت شوية رحت جايب التاني من غير مشاكل و بادعي أن الطريق ما يقفش لحد ما قربت من مزلقان و لقيته قافل و طابور عربيات واقف و أنا مش معايا دبرياج، تخيلوا الموقف. قعدت أقول "هو فين، هو فين؟" و رحت واخد الوضعية على أقرب منزل (500 متر من المزلقان) و بطلت العربية و انتظرت لما المزلقان فتح و انتظرت تاني لما الزحمة خفت من عليه. رحت مدور العربية و منزل فرامل و مديها أولاني و عديت المزلقان
    شوفوا الموضوع ده قيادة السيارة المانيوال بدون دبرياج - في حالة انقطاع سلك الدبرياج
    لحد ما وصلت للميكانيكي رميت له العربية و أنا شايط مافيش 5 دقائق و الواد بلية جه يقول لي" الفورك مكسور ههههههه" فرحان قوي ياخويا. ما هو الشوكة دي مش بتتغير إلا لو خلع الموتور.


    المهم جاب شوكة جديدة و ركب كل حاجة و رجع الموتور و بس
    كل ده في 24 ساعة بعدها رجعت المياه لمجاريها

    ما تصدقش كل اللي تشوفه بعينك

    مدونتي http://historyneverdies.blogspot.com
    مدرس مساعد جراحة الأطفال و حديثي الولادة


  2. #2

    الصورة الرمزية aymansaad

    رقم العضوية : 19101

    تاريخ التسجيل : 15Sep2008

    المشاركات : 1,583

    النوع : ذكر

    الاقامة : السويس

    السيارة: فيات131

    السيارة[2]: فيات125

    دراجة بخارية: vesba

    الحالة : aymansaad غير متواجد حالياً

    افتراضي -

    معلش محدش بيكلها بالساهل


  3. #3

    الصورة الرمزية thedeveloper87

    رقم العضوية : 40562

    تاريخ التسجيل : 18May2009

    المشاركات : 1,327

    النوع : ذكر

    الاقامة : Egypt

    السيارة: mazda rx8 2006

    السيارة[2]: mazda

    دراجة بخارية: لا يوجد

    الحالة : thedeveloper87 غير متواجد حالياً

    افتراضي -

    معلش هي العربيات كده.
    مريحة بس استحمل مشاكلها!


  4. #4

    الصورة الرمزية kasten

    رقم العضوية : 32619

    تاريخ التسجيل : 10Feb2009

    المشاركات : 2,217

    الاقامة : El Haram

    السيارة: ___

    السيارة[2]: Golf 1

    الحالة : kasten غير متواجد حالياً

    افتراضي -

    لا اله الا الله
    معلش


  5. #5

    الصورة الرمزية ابو حسين

    رقم العضوية : 11046

    تاريخ التسجيل : 20May2008

    المشاركات : 1,406

    النوع : ذكر

    الاقامة : القاهرة

    السيارة: --------

    السيارة[2]: هونداي اكسنت

    دراجة بخارية: ..

    الحالة : ابو حسين غير متواجد حالياً

    افتراضي -

    معلش هي العربيات كده


  6. #6

    الصورة الرمزية د.محمود صلاح

    رقم العضوية : 1435

    تاريخ التسجيل : 14Jul2007

    المشاركات : 14,773

    النوع : ذكر

    الاقامة : مصر

    السيارة: لا

    السيارة[2]: اوبترا

    الحالة : د.محمود صلاح غير متواجد حالياً

    افتراضي -

    العربيات القديمة مليانة مفاجآت


  7. #7

    الصورة الرمزية samehafez

    رقم العضوية : 10043

    تاريخ التسجيل : 04May2008

    المشاركات : 650

    النوع : ذكر

    الاقامة : Cairo

    السيارة: Chevrolet Aveo

    السيارة[2]: Grand Terios

    دراجة بخارية: N/A

    الحالة : samehafez غير متواجد حالياً

    افتراضي -

    معلش يا باشا استحمل و جزاك الله خير ... ناس كتيره هتستفاد من تجربتك اللي انت حكيت عنها

    لا يعرف الحق بالرجال و لكن يعرف الحق فتتبعه الرجال


  8. #8

    الصورة الرمزية Egyzizo

    رقم العضوية : 442

    تاريخ التسجيل : 03May2007

    المشاركات : 3,648

    النوع : ذكر

    الاقامة : Egypt

    السيارة: 127 & 128

    السيارة[2]: Logan 2010 FO

    دراجة بخارية: none

    الحالة : Egyzizo غير متواجد حالياً

    افتراضي -

    ضريبة سيارات السبعينات ..

    بس اللى يشفع لها إنها أصيلة والعشرة ما تهونش.

    The only alternative to coexistence is codestruction - Nehru



  9. #9

    الصورة الرمزية alhourriah

    رقم العضوية : 39627

    تاريخ التسجيل : 05May2009

    المشاركات : 441

    النوع : ذكر

    الاقامة : الأردن

    السيارة: كيا سيفيا 1995

    السيارة[2]: بيجو 504

    دراجة بخارية: alhourriah

    الحالة : alhourriah غير متواجد حالياً

    افتراضي -

    رغم كل حاجة تفضل أحسن العربيات...
    حمد لله على سلامتك يا باشا

    [all1=#ff0000]إن من أمن العقوبة أساء الأدب ...
    [/all1]


    #187d1e


  10. #10

    الصورة الرمزية abo_hosni

    رقم العضوية : 13185

    تاريخ التسجيل : 18Jun2008

    المشاركات : 875

    النوع : ذكر

    الاقامة : Minia El-Kamh

    السيارة: Cellphone: Samsung G810

    السيارة[2]: Peugeot 504 GL 1977

    دراجة بخارية: none

    الحالة : abo_hosni غير متواجد حالياً

    افتراضي -

    hasad">

    يعني في يوم تعمل 3 مواقف زي اللي فاتوا، و يعدي عليها شهور من غير ما تنطق نص كلمة
    مثلاً من يوم ما كتبت الموضوع ما عملتش فيها أي حاجة إلا أزود بنزين و مياه رادياتير
    والله لو عملت إيه هي عشرة فعلاً تحس أني أنا و العربية مطبعين على بعض

    مدونتي http://historyneverdies.blogspot.com
    مدرس مساعد جراحة الأطفال و حديثي الولادة



 

المواضيع المتشابهه

  1. خبطتين في اسبوع واحد
    بواسطة nour2007 في المنتدى بيــــجو
    مشاركات: 11
    آخر مشاركة: 15-03-2010, 09:42 AM
  2. خبطتين فى الراس توجع ...........
    بواسطة waleedfesal في المنتدى بــروتـــون
    مشاركات: 22
    آخر مشاركة: 18-12-2009, 05:49 PM
  3. خبطتين فى الراس توجع :(
    بواسطة fadyspot في المنتدى قسم خاص بالسيارة لـــوجـــــان
    مشاركات: 16
    آخر مشاركة: 15-11-2009, 01:08 AM
  4. قصة توجع القلب - سلم يا رب سلم
    بواسطة osoliman88 في المنتدى المنتــــــدى الاجتمــاعى
    مشاركات: 11
    آخر مشاركة: 16-09-2009, 08:43 PM
  5. مشكلة فى دبرياج و فرامل نوبيرا
    بواسطة محمد فريد في المنتدى دايــو+شيفرولية لانوس
    مشاركات: 3
    آخر مشاركة: 05-05-2009, 05:59 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2