انا حاسس ان العربيه عاوز تغير طقم دبرياج هى لانوس موديل 2004 هاف اوبشن عاوز اعرف بيتكلف كام و اجيبه منين وايه هو الى يتغير علشان يبقى مره واحده
عرض للطباعة
انا حاسس ان العربيه عاوز تغير طقم دبرياج هى لانوس موديل 2004 هاف اوبشن عاوز اعرف بيتكلف كام و اجيبه منين وايه هو الى يتغير علشان يبقى مره واحده
ايه يا جماعه محدش عاوز يرد ولا ايه ؟
اسطوانة و دسك و بلية و فورش
هات ال الطقم الvaleo و الاصلى بتاعها اساسا valeo
التكلفة فى حدود 400 جنية غير المصنعية
طقم الدبرياج موجود عند ابو الحسن
MMamdouh
اشكرك يا استاذ محمد ممدوح على الرد وجارى التنفيذ
الفورش دى مجموعة الوصلات يأ أبو حميداقتباس:
اسطوانة و دسك و بلية و فورش
ولا مقصود بيها شوكة سحب البليه
الشوكة يا هندسة اللى بين البلية و الماستر التحتانى
مجموعة الوصلات بيطلق عليها اسم العقربة و العياذ بالله
MMamdouh
http://i728.photobucket.com/albums/w...ntitled-50.jpg
مش دى الشوكه يا أبو يوسف اللى فى بطن الفتيس وعامله شبه الهلال ووظيفتها سحب البليه لتحرير الدبرياش
والعقربه دى مش خاصه بالفتيس ياباشا ولا حاجه تانيه
أصل بينى وبينك الصنايعيه عندنا بيخترعوا أسماء غريبه فعلا
هى يا هندسة... الجزء اللى زى الهلال بيدفع البلية فى اتجاة الدسك و بيبقى فيه عامود رابط الهلال دة بالماستر التحتانى للدبرياج لنقل الحركة الخطية للمساتر الى البلية
جدير بالذكر ان الاوبترا ( و غالبا الافيو) نظام تشغيلها مختلف فى الحتة دى حيت تم الاستغناء عن الفورش و تم تركيب الماستر السفلى خلف البلية مباشرة
كدة قللنا قطعة من النظام بس لو الماستر التحتانى باظ لازم تحل الفتيس
العقربة اما مجموعة الوصلات الميكانيكية اللى بين العامود اللى خارج من صدر العربية و الجزء اللى راكب على الفتيس او الجزء اللى راكب على الفتيس شخصيا... المهم انة فى الاخر وصلات ميكانيكية بين عصاية الفتيس و الفتيس نفسة... و غالبا الوصلات بيسموها تيش و الجزء اللى على الفتيس هو العقربة بس مش متاكد
MMamdouh
أشكرك
أخى الفاضل : أبو يوسف
الشكر لله يا هندسة
MMamdouh