جين 2 ولا مازدا؟ من غير تحيز يا شباب

**gagareen** · 23-10-2009 08:01 PM

المشاركة الأصلية كتبت بواسطة mimo3000

بص ياباشا انا ليا راى تانى البرسونا جديده هاف اوبشت مانيوال ب79.900 فالتوكيل ولو حضرتك اتكلمت مع ايمن حبيبنا كلنا هيقدر يخدمك ويجبلك خصم حلو فالتوكيل ممكن يوصلهالك 77 او اقل يعنى فرقها الفين جنيه بس وتجيب عربيه جديده اعتقد هتبقى احسن من المستعمل بجميع المقاييس
بس لو حضرتك مصمم على المقارنه اللى كاتبها دى فانا رايي لو المازدا حالتها حلوه اتوكل على الله فيها المازدا عربيه تحفهمن بره ومن جوه وموتورها ملوش حل وثابته جدا على الارض بس فحكايه العلو انا شايفها عاديه مش واطيه زى الفيرنا والسيفيك والحجات دى وفنفس الوقت مش عاليه اوى فالعادى يعنى
بس هو فى درجتيين الجين تاخدهم فالمقارنه بتاعتك دى عشان اولا موديلها اعلى وثانيا عمله عدد كيلوات قليل فاعتقد حالتها هتبقى احسن من المازدا وده برضو على حسب الاستعمال ممكن المازدا صاحبها كان محافظ عليها
بس هو فالطبيعى لو عربيتيين موديل واحد ونفس الحاله وعدد الكيلوات واحد وكانت وحده مازدا 3 ووحده جين2 فالمازدا تكسب طبعاااااااااا
انما فالمقارنه بتاعت حضرتك اعتقد الجين هتبقى حالتها احسن عشان اجدد وحضرتك اللى تقدر تحكم برضو حضرتك اللى شفت العربيتيين

وربنا يوفقك ياباشا بعربيه كويسه وتكون فيها خير ليك

صح جدا

تحياتى

**ahmad alshaaer** · 24-10-2009 02:31 AM

انا اوافق ميمو في الرأي

**m_elkhishin** · 24-10-2009 02:50 AM

في وجهة نظري الشخصية

65000 كم استهلاك قطع غيار ياباني عالية الجودة وتقفيل أكتر من ممتاز وماركة من قمم الياباني
أفضل بكتير جدا من 15000 كم في قطع غيارأقل جودة وعيوب تقفيل معروفة

عشان أصحاب البروتون ميزعلوش مني، نفس الكلام ده كنت حقوله لو قارنت بين بروتون و عربية صيني زي الاسبيرانزا، طبعا في صالح البروتون. مع الأخذ في الاعتبار ان الفرق بين الياباني و الماليزي أكبر بكتير بين الماليزي والصيني
لأن الياباني و الماليزي في بينهم الكوري

**brashy101** · 24-10-2009 02:57 AM

بصراحه يا جماعه انا مش عارف اقولكوا ايه..............
ما شاء الله عليكوا . بعيدا عن موضوع العربيه.انا بشكركواااااااااااااجداااا ااااااااااااااااااااااااا ااااااااااااااا علي اهتمامكوا. وان شاء الله ربنا يسهل واجيب الجين 2 لان الاوتوماتيك فارق معايا. وكمان في منتدي المازدا احد الاخوه قالي مش عاليه . وكمان قطع الغيار اغلي من التيوتا يبقي اكيد اغلي من البروتون . وعشان ابقي واحد منكوا
في موضوع الكشف علي العربيه الجين 2 تنصحوني بايه؟؟؟؟؟؟؟وممكن اكشف عليها فين؟؟؟؟؟؟؟؟ ولو في ناس متخصصه في كده . مستني نصايحكوا
وشكرااااااااااااااا ليكوا

**حماده المصري** · 24-10-2009 03:44 AM

كمقارنه بين العربيتين المازدا تتفوق بدون وجوده مقارنه اساسا

بس في حالتك المازدا ممكن تبقى متبهدله شويه حاجات زي كده

عموما انا لو مكانك ومش هتفرق معايا مانيوال من اوتو

هشوف المازدا لو نضيه وعفشتها سليمه هتوكل على الله

وصدقني فرق العربيتين شااسع جدااا من خامات وجوده تقفيل وتعمير وكل حاجه ومش هتفرق معايا الاوبشن المازدا محترمه

**dreslam** · 24-10-2009 11:34 AM

المشاركة الأصلية كتبت بواسطة brashy101

بصراحه يا جماعه انا مش عارف اقولكوا ايه..............
ما شاء الله عليكوا . بعيدا عن موضوع العربيه.انا بشكركواااااااااااااجداااا ااااااااااااااااااااااااا ااااااااااااااا علي اهتمامكوا. وان شاء الله ربنا يسهل واجيب الجين 2 لان الاوتوماتيك فارق معايا. وكمان في منتدي المازدا احد الاخوه قالي مش عاليه . وكمان قطع الغيار اغلي من التيوتا يبقي اكيد اغلي من البروتون . وعشان ابقي واحد منكوا
في موضوع الكشف علي العربيه الجين 2 تنصحوني بايه؟؟؟؟؟؟؟وممكن اكشف عليها فين؟؟؟؟؟؟؟؟ ولو في ناس متخصصه في كده . مستني نصايحكوا
وشكرااااااااااااااا ليكوا

اعتقد ممكن تكشف عليها في التوكيل

**jisso82** · 24-10-2009 08:01 PM

المازدا فعلا قطع غيارها أغلى و صيانتها صعبة و على فكرة بس الحقيقة مش متأكد من المعلومة سمعت إن صاجها ضعيف جدا

**brashy101** · 25-10-2009 12:49 AM

شكرا ليكو اخواني الكرام علي الاهمتمام
وان شاء الله نويت علي الجين 2 . علي الاقل لو لا قدر الله حصل حاجه هتكونوا موجودين وتفيدوني . انما المازدا انا سئلت عليها في منتدي المازدا اخ واحد كتر خيره هو اللي رد عليا وتقريبا مش راكب العربيه .
سؤالي لحضراتكوا دلوقتي في الكشف علي العربيه ؟
هل ممكن اكشف عليها في التوكيل؟ ومصاريف الكشف؟ وهل فيه حاجه لسمكري كمان يكشف عليها او ميكانيكي ولا التوكيل يكفي؟ لان والدي مقلق من موضوع المستعمل والنصب اللي بيحصل فيه

والف شكر يا احلي اعضاء

**gold_777** · 25-10-2009 02:09 AM

السلام عليكم ورحمة الله وبركاته
اكنب هذا الموضوع لانى شايف ان فى حد سال عنه
بص يا سيدى هو كالاتى :-

اولا : - انا كشفت فى توكيل العجوزه لانه قريب

انت هتتصل بيهم الاول هيرد عليك المهندس عبدالعنى وهو راجل زوق واخلاق
قوله انك عاوز تحجز كشف حاله للسياره طبعا الكشف شامل ميكانيكه وكهربا فقط اما بالنسبه للصاج
الفرع اللى فى ابو رواش المهم سياتك هتقعد فى استراحه جوه كده حلوه وهتسلم المفتاح وتقعد حوالى ساعتين وبعدها هيطلعلك التقرير شامل كل جاجه فى السياره

بالنسبه للسغر :- 250 + 25 ضريبه = 275

انا كشفت والحمدلله طلع تقرير حالتها فوق الممتاز

والسلام عليكم

**brashy101** · 25-10-2009 03:44 PM

شكرا ليك اخ جولد
وافهم من كلام حضرتك ان انا اتصل بفرع ابو رواش واخد ميعاد . وهناك هيكشفولي علي حاله العربيه ميكانيكا وكهربه وعفشه وصاج....؟؟؟
الف شكر لكل اعضاء المنتدي الكرام