هرمى الزبالة فى الشارع ..أنا حر

بسم الله الرحمن الرحيم


السلام عليكم ورحمة الله وبركاته

جاتلى فكرة الموضوع دا فجأة

هو بعد البحث والمشاورة اتضحلى ان رمي القمامة (الزبالة ) في الشارع وعدم الحفاظ على النظافة دا من العناصر المهمة لخدمة المجتمع المصرى


طيب نحللها واحدة واحدة


انتو عارفين عدد العاطلين في الوطن العربي وصلوا كام ؟؟؟؟


وصلوا لـ16 مليون عاطل وعاطلة تقريبا وهما في زيادة


طيب عارفين كام واحد من العشرين من مصر ؟؟؟


يقارب الـ 3 مليون عاطل وعاطلة


والعدد في زيادة صاروخية (بيسابق الزمن )

على فكرة رمى الزبالة من الحلول الهامة للتقليل من البطالة في مصر

قولى ازاي ؟؟؟


قولت ؟؟؟


اقلك .....


عارف كام عدد عمال النظافة في مصر ؟؟؟؟؟


تقريبا 40 ألف عامل وعاملة


طب تخيل بقى كل واحد حافظ على شوارع مدينته


والكل بطل يرمى الزبالة في الشارع


وكلنا بقينا نظاف


الـ40 أل الغلابة دووووووول هيروحوا فيييييين


انت بكده بتقطع عيش 40 ألف واحد
طيب لو اتخيلنا العكس


لو كل واحد بقى رماله كام كيلوا كده زبالة في الشارع


شوف هنشغل كام واحد


طب تعالوا نحسبه احسن


لو فرضنا كل واحد هيرمي في اليوم كيلو واحد بس


واحنا وصلنا 80 مليون نسمة ماشاء الله


يعنى في اليوم 80 مليون كيلو زبالة يعنى تقريبا 80 ألف طن


يعنى في الشهر 00 24 مليون كيلو زبالة يعنى 2 مليار و400 مليون كيلو


يعنى 2 مليون و400 ألف طن زبالة فى الشهر


يعنى 28 مليون و800 ألف طن في السنة


ماشاء الله ربنا يزيد ويبارك طيب


احنا عندنا 40 ألف عامل


لو قلنا كل عامل هيشيله 100 كيلو زبالة في اليوم لما تطلع عينه


يعنى في اليوم هيشيله 4 مليون كيلو بس


يعنى متبقى 76 مليون كيلو ما اتشالوش


واحنا عندنا 3 مليون بطالة


يعنى احنا تقريبا عاوزين 760 الف عاطل هنشغلهم


قول مليون نفر 30 الف مشرفين


يبقى بكده حلينا ازمة تلت العاطلين عن العمل !!!!!!!!!!


شوفتوا قد ايييه رمى الزبالة في الشارع مهم !!!!!!http://l.yimg.com/us.yimg.com/i/mesg/emoticons7/76.gif

تيت تيت تيت ....



صحيح قبل ما اقطع الخط


كنت عاوز اعرف رأيكم في ظاهرة البطالة والحلول المناسبة ليها


اقعدوا بالعافية


تيت تيت تيت ....

وعلى فكرة مش منقووووول

هههههههههه
وجهة نظر

انت عايز تفهمنى ان انا اجيب واحد بقاله اكتر من 20 سنة بيتعلم
واخليه يشيل زبالة دة اسمه كلام

اقتباس:

---

المشاركة الأصلية كتبت بواسطة ringoo

انت عايز تفهمنى ان انا اجيب واحد بقاله اكتر من 20 سنة بيتعلم
واخليه يشيل زبالة دة اسمه كلام

---

و هو حد لاقى شغل

ايه اللي بتقوله ده

فكرتني بالفيديو بتاع المدخن اللي بيقول انا شمعة تحترق من أجل المجتمع :)))

اقتباس:

---

المشاركة الأصلية كتبت بواسطة demha

انتو عارفين عدد العاطلين في الوطن العربي وصلوا كام ؟؟؟؟

وصلوا لـ16 مليون عاطل وعاطلة تقريبا وهما في زيادة

طيب عارفين كام واحد من العشرين من مصر ؟؟؟

---

هههه أكيد طبعاً بتهرج بس أنا عندي سؤال جانبي جبت منين الأرقام دي

على فكرة واحد من موظفي شركة النظافة اللي بيجي عندنا ليسانس اداب
يعني فيه في فئة عمال النظافة خريجين جامعات

المشكلة بقه من غير ما تتعمد ترمي الزبالة بيجي وقت ونكون مضطرين لرميها في الشارع لما عمال النظافة يتاخروا عليا بال 5 ايام وصناديق القمامة العامة مليانه على اخرها هنعمل ايه غير نرميها في الارض جنب الصناديق يعني رميناها في الشارع
اذن مشكلة البطالة مش هاتتحل برمي الزبالة في الشارع ولا مشكلة الزبالة في الشارع هاتتحل بتوظيف عدد اخر من العمال سواء خريجي الجامعات او خريجي كي جي 1

مصر مافيهاش بطالة الشركات مش لاقيه ناس تشغلهم لما بقينا نستورد العمالة من بره

ومين اللى هيدفع مرتباتهم؟؟؟!!!

أوعى تقولى الحكومة!

اقتباس:

---

المشاركة الأصلية كتبت بواسطة goldenmaneye

ومين اللى هيدفع مرتباتهم؟؟؟!!!

أوعى تقولى الحكومة!

---

أمال أنت بتعمل إيه أنت الى هتدفع

عمال النظافه كدة كدة هياخدو فلوس سواء فى زباله او لأ !

احنا معظمنا في شركات خاصة ومعرضون في أي وقت لفقدان وظائفنا لأي طارئ (والأزمة الاقتصادية وما صاحبها من تسريح لبعض العمالة ليست ببعيدة) أنا جسمي قشعر لما قريت الكلمتين دول إني ممكن اسيب وظيفتي وأجمع قمامة لأ وإيه، البهوات اللي عندهم شغل بيرموا زبالة في الشارع مخصوص عشان أمثالي يلاقي شغل .. بصراحة صورة مفزعة والموضوع لم أجده بهذه الطرافة.
وسواء كدة أو كدة إلقاء القمامة في الشارع سلوك غير حضاري وغير صحي حتى لو كان فيه بطالة .. ولكنه سلوك عادي جداً في حالة توافر الـ "تخلف"

اولا احب اشكركم على تفاعلكم الجميييل فى الموضوع

ثانيا المقال او الموضوع دا من نوع المقال الساخر بمعنى اييييه

بمعنى انى بسخر من حاجة بشكل فكاهى او مش شرط ففكاهى ماعلينا

دلوقتى الموضوع زي مابيقولوا ضربت عصفورين بحجر يعنى انا سخرت من ازمة البطالة (وعلى فكرة الارقام دى حقيقية مش مألفها هههه)

وكمان فى نفس الوقت بسخر من الاضمحلال اللى احنا وصلنالوا واللامبالاة اللى وصلها معظم الشعب المصرى العريق فى رمى القمامة وماشابه

وفيه نقطة كمااااان اللى بقت قضية رأى عااام الزبالة المتلقحة فى الشوارع ومابتتشلش دا ياما بسبب قلة عمالة او بسبب قلة فلوووووووس او بقى بسبب تالت بلاش اقوووله اكييد عرفينه هههه

المهم فالموضوع مش كبير ولا يقلق انا بس حبيت اسخر من قضايا بنعشهاااااااااا وربنا يستر

دمتم بخيييييييير ،،،

اقتباس:

---

المشاركة الأصلية كتبت بواسطة lancerevolution

مصر مافيهاش بطالة الشركات مش لاقيه ناس تشغلهم لما بقينا نستورد العمالة من بره

---

+11111111111111111

الله ينور عليك. كلامك مظبوط 100%
و لو مش مصدقين اول شحات يقابلكم اعرضوا علية شغل و شوفوا ردو هيكون ايه

ههههههههههههههههههههههههه ههههه

اقتباس:

---

المشاركة الأصلية كتبت بواسطة lancerevolution

مصر مافيهاش بطالة الشركات مش لاقيه ناس تشغلهم

---

فعلا انا في شغلي القديم السنة اللي فاتت قعدنا ندور لمدة طويلة جدا و كلمنا طوب الأرض على أوفيس بوي (فراش يعني او ساعي) مالاقيناش مع انه هيبات في المكتب و المكتب كله على بعضه فيه كام واحد شغالين و معظم الوقت الكل برة و غير كده صاحب المكتب ساكن في نفس العمارة و هيظبطه أكل و هدوم و كله و هيأخد حوالي 600جنيه!!!و الشغل بيخلص رسمي على خمسة كده يعني ممكن يشتغل برة بالليل

و مالقيناش و جه كذا واحد كام يوم و مشيوا معرفش ليه!!!!!مع انهم بيتعاملوا أحسن معاملة بجد

الناس عندها احباط يقولك هما الستمية ملطوش دول هيعملوا ايه يعني!!مع ان الكلام ده كان أخر 2007 كده و مكانتش الدنيا ولعت الأسعار زي دلوقت!!!

اقتباس:

---

المشاركة الأصلية كتبت بواسطة lancerevolution

و هو حد لاقى شغل

---

عندك حق بس اديله مرتب محترم ومتنساش ان برة اللى بيشتغل فى المجال ده ليه احترام كبير من الناس

فعلاااااا اهم نقطة الاحتراااام لأن بدوووون عامل النظافة مش هتقدر تعييييييييش

فسبحان الله ربنا اقسم البشر مش هنقول طبقات ولا فئات بس قسمنا بطريقة علشان كلنا نلبى احتياجات بعض فكلنا محتاجين بعض فلازم نحترم بعض فكلنا مهما كان مركزه مهم للاخر (ووممكن نقول كلنا بنخدم بعض !!! )

اقتباس:

---

المشاركة الأصلية كتبت بواسطة ringoo

انت عايز تفهمنى ان انا اجيب واحد بقاله اكتر من 20 سنة بيتعلم
واخليه يشيل زبالة دة اسمه كلام

---

انت اكيد ما دخلتش الجيش يا معلم

اقتباس:

---

المشاركة الأصلية كتبت بواسطة النوبي

انت اكيد ما دخلتش الجيش يا معلم

---

منور حضرتك والله

بس انا اختلف معاك

فالشغل مش عيب ولا مذلة

دا بالعكس دا ااثبات ذات ورجولة :policeman:

اقتباس:

---

المشاركة الأصلية كتبت بواسطة M.Osman

فكرتني بالفيديو بتاع المدخن اللي بيقول انا شمعة تحترق من أجل المجتمع :)))

---

ههههههههههههههههههههههههه

اقتباس:

---

المشاركة الأصلية كتبت بواسطة m.osman

فكرتني بالفيديو بتاع المدخن اللي بيقول انا شمعة تحترق من أجل المجتمع :)))

---

فعلا حضرتك انا مقتبس الفكرة دى من الموضوع دا

زائد النسب والاحصائيات دورت عليها فى النت وقعدت احسب على الاله الحاسبة :3_3_102[1]:

اقتباس:

---

المشاركة الأصلية كتبت بواسطة demha

منور حضرتك والله

بس انا اختلف معاك

فالشغل مش عيب ولا مذلة

دا بالعكس دا ااثبات ذات ورجولة :policeman:

---

مين اللي قال الشغل عيب اكيد حضرتك فهمتني غلط
انا لقيت واحد بيستغرب علي الناس اللي واخده شهادات عليا وفي الاخر بيلم زباله طيب علي الاقل هو بيلم زباله بمزاجه وبيخد عائد مادي في المقابل
تخيل حضرتك في الجيش بتلم زباله وبتنزح الطرنش وببلاش وغصب عنك وعن شرط اللي مشغلك واحد ممكن يكون بيكتب اسمه بالعافيه وبدون شهاده
دي سخريه الحياه

اقتباس:

---

المشاركة الأصلية كتبت بواسطة نور القمر

على فكرة واحد من موظفي شركة النظافة اللي بيجي عندنا ليسانس اداب
يعني فيه في فئة عمال النظافة خريجين جامعات

المشكلة بقه من غير ما تتعمد ترمي الزبالة بيجي وقت ونكون مضطرين لرميها في الشارع لما عمال النظافة يتاخروا عليا بال 5 ايام وصناديق القمامة العامة مليانه على اخرها هنعمل ايه غير نرميها في الارض جنب الصناديق يعني رميناها في الشارع
اذن مشكلة البطالة مش هاتتحل برمي الزبالة في الشارع ولا مشكلة الزبالة في الشارع هاتتحل بتوظيف عدد اخر من العمال سواء خريجي الجامعات او خريجي كي جي 1

---

الصراحة عند حضرتك حق انا فعلا بلاقى عمال نظافة كتيير خريجين جامعات
بس ان الحقيقة بحترمهم اووى لانهم فضلوا انهم يشتغلوا ولو عامل نظافة عن انه يبقى عاطل ويقعد ع القهوة يغنى ظلموه :shine[1]: لان الفرصة مش هتيجى للواحد وهو قاعد لازم يسعى وراها ولا ايه ؟