الموضوع: هل هتقاطع الفيس بوك

كام واحد ناوى يقاطع الفيس بوك بكرة و غير صورة البروفايل بتاعته ؟
انا عن نفسى مش عارف هقاطع ليه..... مش شايف لها سبب وجيه.... قاطعنا الفيس بوك و بعدين دافعنا عن الرسول صلى الله عليه و سلم إزاى ما إتبعناش سنته ....و بقينا متشددين و مبنحترمش الأخر و بنسخر من الناس و كمان بنقلد الغرب و نمنا و الدنيا إتقدمت ....مع إنه دايما بيأمرنا إننا نبقى لينين مع الناس و نحترم الأخر و نحاوره براحة و نبقى أمة متقدمة و ما نقلدش حد نبقى مميزين .... هل تعتقد إن هيبقى لينا صوت مسموع إذا كنا ما بنحترمش الأخر و ما بنكلموش براحة و على طول نروح مقاطعينه و بعدين المفروض بقى إنه يسمع كلامنا و يحترمنا إذا كنا بنصعر خدنا ليه ...هو مش عارف إنه بيسخر من دينا لأنه معندوش مانع يسخر من دينه لو شوفت الأفلام الأجنبى و كارتون عائلة سيمبسون بيسخر من الدين المسيحى بشكل مستفز أنا نفسى بضايق من كدا ..... معنى كدا إنه مش فاهم إن دا غلط ..... طيب ما أفهمه بدل ما أقاطعه و أفهمه براحة من غير تهديد زى ما بنشوف فى الجروبات الى بتهدد بترك الفيس بوك لو مش عارف إيه محصلش طيب ما تتحاور براحة أحسن و فهمه دينك يمكن يبطل سخرية من دينك و دينه الى بيسخر منه من زمان ........
صح ولا إيه

المشاركة الأصلية كتبت بواسطة pro_samir

معرفش تفاصيل بس اللي اعرفة ان اللي عايز يقاطع يبقي علي طول مش 24 ساعة .. مش عارف اسمة اية دة الصراحة

كونها 24 ساعة اصلا يبقي الناس كلها بتقول للفيس بوك منقدرش نستغني عنك فا هنخاصمك 24 ساعة بس

على رأيك