عظيمه يا مصر يأرض اللواء والعميد وكل رتب المرور ورقصنى ياجدع

**horeen** · 23-10-2009 06:35 PM

نشرت جريده الأهرام فى ملحق السيارات فى الصفحه الثالثه بتاريخ 23/10/2009 بان الحكومه العرقيه استوردت عدد 8ملايين لوحه الكترونيه للسيارات بمبلغ 8 ملايين يورو بهدف تحديث نظام المرور هناك من شركه المانيه وهذه اللوحات يصعب تزويرها ومزوده بتكنولوجيا حديثه
وبحسبه بسيطه نجد سعر اللوحه المستورده الإلكترونيه الألمانيه واحد يورو ناهيك عن العمولات التى تم أخذها لمن قامو بالتعاقد مع الشركه الألمانيه
برده ملناش دعوه دى أرزاق
يعنى اللوحه بمبلغ أقل من 15 جنيه مصرى
وعندنا المرور بيدينا حته صاج ب120 وكمان مدعمه فى حب مصر
السؤال : ممكن أرخص فى مرور بغداد بدلا من مرور المعادى ولا لأ
وشكرا لرجال المرور والجبايه لتعاونهم معنا

**aymansaad** · 23-10-2009 06:55 PM

كده اكيد انت فى مصر

**Eng_Mostafa_89** · 23-10-2009 07:03 PM

دة الطبيعى بتاع بلدنا
هى على فكرة النمر رخيصة فى مصر بس اكيد الجمارك والدمغات بقى واللذى منة انت عارف بقى

**Terrible_DaRsH** · 23-10-2009 07:05 PM

امال تبقي بلدنا ازاى يعنى !!

**bassemali** · 23-10-2009 07:17 PM

دي سرقه علني ... حسبي الله ونعم الوكيل .

**mk20022002** · 23-10-2009 07:36 PM

يبقى انت اكيد فى مصر ربنا يتولانااااا البلد دى فجاة هتعمل زى موتور العربية اللى مفهوش زيت هتدخن و هتقفش وكل حاجة هتقف و تكلبش و هتحصل ثورة الجياع من كتر السرقة والنصب اللى بتحصل من الناس قبل الحكومة كلة عاوز يضحك على كلة و معدش حد طايق حد الناس بتتخانق مع دبان وشها من كتر الضغط اللى الحكومة حطة الناس فية بسبب الغلاء و السرقة و المحسوبية و هكذا تغلق الدائرة و نظل نلف فيها حتى تاتى النجدة من الخالق علشان كدة معدش لينا غير ربنا يتولانا.......

**Imhotep** · 23-10-2009 07:46 PM

بس سيبك انت عنوان الموضوع هو اللى جامد اوى.....هههههههههه

**samirayad** · 23-10-2009 08:37 PM

وشكرا لرجال المرور والجبايه لتعاونهم معنا

قالها وديع الصافى
ولقد أحسن القول
حينما قال
عظيمه يامصر .....يا أرض النعم
يامهد الحضاره ....يابحر الكرم
نيلك دا سكر .....جوك معطر
عظيمه يامصر ...يا أرض النعم
مش فاكر باقى الأغنيه

وخللى بالك من حتة الكرم دى يا أحمد بيه
يعنى اللوحات غاليه (من شدة الكرم )

**horeen** · 23-10-2009 10:08 PM

شكرا لكل الإخوه الذين شرفونا بالرد على هذا الموضوع وعقبال ما نبقى زى ما بيقولو حكومه (ذكيه-رشيده)ودى كلها أسماء حريم عشان كده الحكومه مش بتنكشف على الشعب

**mada121977** · 23-10-2009 10:19 PM

بلاش موضوع اللوح
حضرتك تعرف انك مع كل تجديد فى المرور بتدفع ضريبه لاستخدام الطرق !!!!
شوف بياخدوا ملاييين من الناس علشان الطرق سواء السريعه او داخل المدن وللاسف مفيش طريق سليم ولا طريق مافيهوش مطبات تقسم وسط العربيه واللى راكبينها
احنا بنتعامل معامله العبيد فى البلد دى