&& بيديك َ قتلتُ أشواقي ..&&

**nabaster** · 24-10-2009 11:17 AM

المشاركة الأصلية كتبت بواسطة shnory

بص يا باشا
واضح ان ثقافتك الشعريه ضعيفه نوعا ما ومش ملم بقواعد واصول الشعر
جزء كبير من الشعر مبني علي الحزن
ودا بيكون علشان الظروف المحيطه بالشاعر نفسه
حد مثلا يكون بيقشر بصل جنبه
او بيقلي فلفل
او شوزه ضيقه علي رجله وعاملاله كالو
وممكن يكون بردان
فبدل ما بيملي دوايته حبر تلاقيه بيملاها بدموعه
ويبدا بقلمه ينهال طعنا علي اوراق شعره ليدمي قلوبنا بعذوبه كلماته
فاللي بيحصل انه بيرتاح من الحزن ويشيلنا احنا الهم
كنوع من انواع تعذيب الانفس وتحول حزنه لفرحه وفرحتنا لكئابه
---------------
اظن كده انت فهمت ومليكش حجه
يلا ربنا ما يحرمك مني وانطلك في كل موضوع كده ازود ثقافتك
لو عوزت حجه تاني ابقي قول انا موراييش حاجه النهارده

فهمت يا شنوري

ربنا يكرمك ويجعله في ميزان حسناتك

ودايما توصل المعلومه للناس الي ثقافتهم علي قدهم زي

A.Yakout

**SHNORY** · 24-10-2009 05:47 PM

المشاركة الأصلية كتبت بواسطة totaa

وهو إنت ثقافتك على قدك برضه يا أحمد ..؟!
عموما تعالوا نتفق ان الشعر تذوق له محبينه الذين يرتادوا اماكنه
ويستعذبون تلك المشاعر التى تُرسَم بأيدي أصحابها وبالتالى هناك ايضا
اشخاص لا يستهويهم الشعر اطلاااااااااااااااااااااا اااقا للأسف

علي فكره فيه ناس وسط بين النوعين دول
زي اللي بيحب الاغاني بس مش بيعرف يغني او صوته وحش
ففيه ناس برضه بتحب الشعر
اول واحد حببني في الشعر ربنا يمسيه بالخير ويرزقه بالصحه والعافيه اينما كان
كان عقيد جيش واتعرفنا في مستشفي من المستشفيات كان والدي ووالده تعبانين وكنا بنسهر مع بعض للفجر
وبيقعد يسمعنا دواوينه وفعلا الشخص ده حببني فالشعر من طريقه القائه ليه وحكايه كل قصيده وظروفها معاه وليه كتبها
واهداني ديوان ليه بالعاميه كان اسمه صهيل الوجع لحد النهارده موجود عندي
وباذن الله حكتبه هنا قريب تخليدا لصداقه 21 يوم بيني وبينه بس كانت من اجمل الصداقات في حياتي
مع ان طرقنا اتفرقت بعدها
---------------------------
فانتي بقي قبل كل قصيده تحكيلنا ظروف كتابتها بالتفصيل الممل

وليه كتبتيها
وايه اللي خلاكي تكتبيها
وحجم البصل ونوعه اللي خلاكل تدمعي وانتي بتكتبي
واوعدك لو عملتي كده حبطل ادخل كل قصيده اغلس عليكي