شكرا جدا وهو ده اللي هعمله بكره ان شاء الله
وعلي فكرها العربيه هشوفها عند صحابها مش معرض
شكرا جدا وهو ده اللي هعمله بكره ان شاء الله
وعلي فكرها العربيه هشوفها عند صحابها مش معرض
انا رحت شفتها لقيتها رشها تمام مفيش فيه مشكله شكلها تمام وجنط 17 وكوتش سبيد بس لقيتها في خبطه كانت في الرفرف اليمين والاير باج بتاع السواق ضرب والمشكله ان الاير باج معرفش هيتكلف كام ولما سقتها لقيت سحبها تمام والعفشه تمام
بس الكوتش اللي قدام لما بكسر جامد كان بيكحت بس العربيه شكلها تمام ولقيت صحبها راجل كبير كمان بس بيحب يضبط العربيه يعني مش بتاع فرك
انا لسه مدتوش السعر النهائي ممكن تحددولي اتكلم في كام ؟؟
واضح إن العربية دى عاملة حادث جامد طبعا!!!! الإير باج فتح و جنط 17" و حركات؟؟؟؟
إحتمال كبير يكون إبن الراجل ده هو إللى بيسوقها طبعا و تكون شالت فى وشها حادث معتبر، سيبك منها خالص، أكيد فى أنضف من كدة فى السوق و فرق السعر مش حيكون كبير إن شاء الله
طالما فاتحه ايرباج يبقى حادثه محترمه ...
بلاش منها ..
و اساسا الايرباج مش رخيص يا معلم ده بتاع الاسترا ال 2006 البرازيييييييييلى ب 6000 جنيه فى التوكيل (و برا التوكيل ب 500 جنيه) بس الفكره مش فى انه بكام ..
الفكره فى انها عامله حادثه ..
رأيي الشخصي
ماتجريش ورا السعر
لانك كدة ممكن تصرف عليها اكتر من الي هتوفره لو حتجيب حاجة نظيفة
على فكرة الايربتاج غالي
في واحد في قسم تويوتا سأل على بتاع اليارس لقاه بـ 25000 جنيه ممكن تدخل قسم تويوتا و تدور علي الموضوع ده
103000 مبلغ كبير
ماترمهوش في الأرض
و أن شاء الله ربنا يكرمك و تلاقي حالة انظف من كدة بكتير ( مش شرط هوندا ممكن اي ماركة ياباني تانية او حتى اي كوري زيرو )
الواحد بيشتري العربية علشان يريح دماغه مش علشان يوجع دماغه\
نصيحة بلاش تجري ورا السعر القليل
انا اللي عجبني فيها انها مامشيتش كتير وانا قبل مخلص هروح التوكيل واشيك عليها والراجل ده مش جيبها لحد من ولاده لانهم مش عايشين معاه هما عيشين بعيد عنه ومعاهم عربيتهم بس الاير باج تمنه كام ويبقا الثمن كام علشان مظلمهوش
وفي سؤال تاني الاير باج اللي جمبه مفتحش الكلام ده ممكن واحد يفتح والتاني لا ولا هبل اللي بيقوله الراجل
وياريت تحددولي تنزل كام بالضبط انا محتاج رايكم ضروري فعلا ؟؟
وشكرا للاخوه اللي ردو علي الاهتمام وجزاكم الله خير
رأيي الشخصي أبعد عنهااقتباس:
انا اللي عجبني فيها انها مامشيتش كتير وانا قبل مخلص هروح التوكيل واشيك عليها والراجل ده مش جيبها لحد من ولاده لانهم مش عايشين معاه هما عيشين بعيد عنه ومعاهم عربيتهم بس الاير باج تمنه كام ويبقا الثمن كام علشان مظلمهوش
وفي سؤال تاني الاير باج اللي جمبه مفتحش الكلام ده ممكن واحد يفتح والتاني لا ولا هبل اللي بيقوله الراجل
وياريت تحددولي تنزل كام بالضبط انا محتاج رايكم ضروري فعلا ؟؟
وشكرا للاخوه اللي ردو علي الاهتمام وجزاكم الله خير
و لو عايز تتأكد أتصل بالتوكيل و اسال على سعر الأيرباج
و بخصوص الإيرباج الي جنبه
أعتقد انها ممكن ما تفتحش لو مافيش حد قاعد جنبه
ربنا يوفقك لما فيه الخير
رايى ابعد عنها ...
فتح الايرباج على حسب معلوماتى معناه خبطه كبيييييره هتسبب اذى للسواق ..و اذى مميت كمان ..
لكن دى مش ترييحه على عربيه فى اشاره مرور ...
دى حادثه يا باشا...
و اعتقد والله اعلم ان العداد ملعوب فيه ...
لان العربيه تثير الشك بصراحه ...
و طبعا الراى الاول و الاخير ليك و ربنا يوفقك
انا خلاص غيرت رائي والخيرة في ما اختاره الله