ياجماعة ازاي اروح مشيخة الازهر من الملك الصالح؟
عرض للطباعة
ياجماعة ازاي اروح مشيخة الازهر من الملك الصالح؟
خد النفق هتبقى فى صلاح سالم
كمل بعد ما تعدى السيدة عائشة بشوية
هتلاقى المشيخة على الشمال
مشكور
فيه ركنة هناك؟
مش عارف
انا مارحتش هناك قبل كدة
علشان توصل بالعربية أمام بوابة المشيخة فيها لفة شوية ...
بعد ما تشوف المشيخة على شمالك
هتكمل في صلاح سالم حتى كوبري الفردوس
هتلف من تحته
وتمشي لحد ماتلاقي نفق الأزهر قدامك
هتحضن يمين
هتدخل يمين إجباري إلى شارع الجعفري
هتلف شمال إلى شارع المنصورية
ثم شمال تاني وكأنك راجع لصلاح سالم
حضن شمال جداً بمحاذاة حديقة الخالدين
هتلف شمال تاني علشان تبقى عند بوابة المشيخة
ممكن تركن جوه في حالتين
أن يكون هناك عقد قران وتقولهم مين على البوابة وهيدخلوك
أن تكون على معرفة بأحد المديرين بالمشيخة ..
غير كدة هاتركن بره
أماكن الركن ..
ساحة الشيخ الجعفري في شارع الجعفري على الشمال بعد موقف الدراسة على طول ..
ساحة انتظار مستشفى الحسين الجامعي ودي ليها دخلة مخصوص صعبة شوية
بعد ما تخرج من شارع الجعفري إلى شارع المنصورية ضبط نفسك في منتصف الشارع
لما تقابل تقاطع شارع الأزهر لا تخش يمين ولا شمال هتلاقي مخرج في النص عليه أمين شرطة أو عسكري
هتستنى لحد ما يوقف شارع الأزهر وتقطعه بالعرض
وتدخل شمال إلى الموقف ..
وتوصل بالسلامة
مشكورين يا شباب وربنا ما يحرمنا منكم
جزاكم الله خيرا