الموضوع: هتعمل اية لو معاك مليون جنيه ؟؟؟؟؟

بعد الزكاه
هجيب فيات برافو تربو :)
و شقه كويسه
و الباقي في البنك :)

انا بقي هاشوف حته ارض واعمل محطه تمويل سيارات وتكون تبع شركه محترمه بس ربنا يبعد عنا بتوع الحي والرشاوي والاكراميات وانتو بقي عارفين الباقي

متشكر جدا لكل من حاول المشاركه فى هذا الموضوع
وهحاول الرد على الاعضاء

اشترى ارض مبانى واتفق مع ناس تكون بتثق فيهم تبنوا برج سكنى عليها وتعملوا اتحاد ملاك وتعملوا جزء من البرج عيادات وادارى وجزء سكنى ... هوا ده مشروع العصر الايام دى

اتفق معك مليون فى المية هو دة مشروع العصر
عشان كدة الحمد الله مصر فى النازل
المهم ارسلت بعض الاشخاص لمعرفه الاسعار وتتبعت فتره على النت فوجدت ان هذا المبلغ بالنسبه للمدن الجديدة يشترى عدد 2 شقه جيدة جدا فقط فى عمارة محترمه وبعد كدة تأجرهم وفقط
حتى تضمن ان الايجار مع نوعية من البشر يسهل التعامل معها
لنا عقار تم ايجارة فى منطقة شعبيه تقريبا بنشحط الايجار من السكان
لكن فى الاخر هو دة فعلا المشروع الى نفسى اعمله بس مش عارف ابدا ازاى او منين

حط نصهم شهادات في البنك
النص الثاني شغله في مشروع

عملت كدة فعلا فما هو متاح لى ولتجنب الشبهات فتحت الحساب فى بنك فيصل الاسلامى ومن يومها والفائدة فى النازل كل يوم تخيل المائه الف تعطى الان تقريبا 600 جنيه يعنى هاخد حوالى 3000 جنيه حلوين جدا كفترة اكل وشرب للبيت لكن بمرو الوقت هتزيد المصاريف فى البيت ويقل قيمة الفلوس وما تشتريه الان بنصف مليون بعد 3 اعوام ممكن تشتريه 700 او 800 الف عشان التضخم يعنى خسارة من الجانبين
الشهادات مريحة لو انك خارج مصر او راجل سنك كبير لكن احنا شباب
احنا الى بنعمل الفلوس

هحطهم في البنك و اطلع بيهم كشف حساب و اقدم هجرة

انا اصلا جايب الفلوس من الغربه ومش عايز اسافر تانى لاهجرة ولا غيره عندى ظروف اجتماعية قاسيه جدا بمعنة الكلمة
ربنا ميحكمش على حد بيها
غير مناسب لى السفر فى السنين القادمة

اشترى 4 ميكروباصات وابطل اشترك فى المنتدى لما يقال عن سواقين الميكروباصات

والله فكرة جميله بس ياخى انا مش حمل بتوع الميكروباص وخنقات السواقين والشوارع والظباط ورمى الجتت
انا راجل بشتغل بدماغى فقط وليس لى ظهر او واسطه فى اى مكان فى مصر من اولها لاخرة

المشاريع الاستثمارية فى مصر غير مضمونة و محتاجة فعلا معارف كتير تمشى الامور غير انك فيها احتمال تحتاج خبرات بعض الاشخاص و بالتالى سيكون لك شركاء و سيكون عليك ان تثق فيهم و تلك مشكلة اخرى.....

انت جيت على الجرح مبدا الشركة دة سببلى خسارة كبيرة قوى مادية ونفسيه تخيل انى فلوسى انسرقت عينى عينك من اقرب الناس فى العائله ومعرفتش ارجها غير لما اتعمل مجلس عيله وتدخل كل افراد الشعب
وهى اصلا حقى واطلاع الغير على اسرارك موقف يقطع القلب

سيكون الامر ابسط قليلا لو ليك هوايات ممكن تشغل وقتك او حتى ترجع لدراسة مجال بتحبه و تعمل فيه دراسات لو انت تحب هذا المجال

بالطبع سوف اتجه الى الدراسه من اجل ايجاد فرصه عمل فى السوق المصرى من تعود على العمل لايستطيع الجلوس فى البيت
ولتشبع رغبات بحث علمى لدى بس دة بردة محتاج
صرف فلوس اكثر يعنى لازم يكون فى دخل مش من اللحم الحى

على فكرة...... انا كمان بحلم بالمليون جنيه...... بس عشان اتقاعد من العمل عند الناس ووجع القلب..... و الميزة انى عارف هعمل ايه

ربنا يرزقك بيهم
وقولى هعتعمل اية بينى وبينك

بص بعيدا عن المرهانه بفلوسك فى مجال قد تخسر فيه وساعتها مش هيبقى فى عوض على اللى راح

هو دة الى خايف منه بس بردة الخوف والمخاطرة ليهم المكسب والخسارة

العقارات سوق مبيخسرش ولو دفعت النهارده جنيه بكره على الاقل هيرجع لك جنيه زى ما هو لكن مبيقلش , اشترى حته ارض فى حته كويسه وابنى وشطب وبيع تمليك

الفترى الى فاتتحصل انفلات فى الاسعار بجد ايه دة والفلوس دة كلها جت منين الى كنت ممكن اشتريه 100 الف دلوقتى رجل على رجل و500 وانت طالع ولا عزاء لاصحاب المهن والرواتب