ناوي اشتري ثلاجة جديدة ، و تكون في حدود 3000 جنيه ، فياريت لو حد يعرف ايه افضل نوع في حدود السعر ده ؟
عرض للطباعة
ناوي اشتري ثلاجة جديدة ، و تكون في حدود 3000 جنيه ، فياريت لو حد يعرف ايه افضل نوع في حدود السعر ده ؟
انا اعرف الناس بتشكر في كريازي عموما في التلاجات
انما انهي موديل معرفش الله اعلم
او الكتروستار نو فروست اللي اسمها برستيج
ووايت ويل 16 قدم 3300 حلوة اوي شكلها
كريازي 20 قدم ب 3000
توشيبا 16 قدم ب 2375
توشيبا تلاجة ممتازة وسعرها أقل كمان من 3 لاف جنيه
لكن ابعد عن كريازي وايديال
توشيبا كويسة
توشيبا
توشيبا 16 قدم بابين
الـ 3 أبواب حجم التخزين سئ جدا جدا (لو لسة موجودة)
الوايت ويل تحفة بس أغلي
ابعد تماما عن كريازي و الكتروستار أقل ما يقال عنهم زبالة
الكتروستار فيها ميزة وحيدة و هي أنها أرخصهم
فيه هيتاشي فى الرينج ده بس 14 قدم
متهيالي اجماع علي توشيبا
وانا بأيد توشيبا بصراحه لانها عمليه جدا جدا
انا عندي ليها شهرين دلوقت الـ 16 قدم التلاته باب ممتازه فعلا والفريزر بتاعها فعلا روعه في تسقيعه
وعندي برضه الالاسكا الاتنين باب اتنين موتور باب تلاجه عاديه وباب ديب فريزر اربعه درج فعلا برضه روعه معايا ليها 6 سنين دلوقت
A.Yakout
توشيبا أفضل حاجة لانها بقالها كتير فى مصر
انصحك بالتوشيبا
متشكر جدا لكل ردود الزملاء الاعضاء ، و انا فعلا بنسبة كبيرة هاشتري التوشيبا ان شاء الله
بس متهيأل التوشيبا اغلى من 3000 انا كنت جايب الـ 18 قدم بـ 4000 و شوية بس فعلاً تحفة و مالهاش حل في كل حاجة حتى الشكل
و جبتها بعد خناقات مع ايديال لمدة سنة و 3 شهور كانت التلاجة بتبوظ بمعدل كل شهر تقريباً لحد ما رجعتها و خدت فلوسها بعد خصم 160 جنيه و كانت أيديال إيليت 18 قدم
و على فكرة التوشيبا الـ 18 قدم ساعات بيقولوا عليها 16 قدم هي أصغر من إيديال في الطول الكن العرض أكبر بكتير
انا بتكلم على الي هيا ليها مفتاح كدة في الباب علشان الأطفال هي مستوردة من تيلاند او ماليزيا لما اروح هتأكد و ارد عليكاقتباس:
انا جايب التوشيبا الـ 16 التلاته باب ليها شهرين تلاته تقريبا وكانت عامله 2300 او 2400 او اقل كمان مش فاكر بظبط بس مش اكتر من 2400 باي حال من الاحوال
بس الي انا فاكره كنت خدت من إيديال 3000 و زدوت الف و شوية و جبت التوشيبا
حصل خيراقتباس:
حضرتك انا مقصدش ابدا التلاجه الي تقصدها حضرتك
انا بتكلم علي الـ 16 وفعلا في الـ 18 الي حضرتك قصدك عليها وشوفتها بس مش فاكر بصراحه سعرها
انا اسف لو مكنتش عرفت اوصل قصدي
اصل الـ 18 الي انا بتكلم عليها ساعات بيقولوا عليها 16 علشان هية قصيرة ( أوزعة يعني ) بالنسبة للإيديال
بس بجد التوشيبا دي تحفة
وكمان ضمان 10 سنين على الثلاجة كلها حتى الأرفف لو أتكسرت يبدلوها في الضمان
أنا عندى توشيبا وما شاء الله ممتازة
توشيبا الثلاثة باب ، بس مشكلتها ضيق الارفف
avoid keriazi