الموضوع: بفضل من الله استلمت Gen.2 2010

بسم الله نوكلت على الله
2- الجزء الثاني :- تقرير وانطباع عن السياره + صور

طبعا بعد الكلام الكتير اوي اللي فوق ده هنتكلم أكيد شويه كمان
وبعد كدا هنشوف الصور بتاعت العربيه ان شاء الله

1- الانطباع المبدأي عن السياره :-
انطباعي عن العربيه من اول ما ركبتها هو كان (مش مصدق ومذهول )مكانش عندي تفائل خالص ان العربيه تكون كدا انا كنت متوقعها اقل من كدا بكتير بصراحه من كلام الاعضاء عنها وبالذات في جزئيه ان الخامات فقيره لكن انا شفت ان الخامات مقبوله بشكل كبير جدا ويمكن احسن من عربيات كتير في نفس فئتها وفي البلدان اللي حوالين ماليزيا اقصد شرق اسيا بمعنى اصح
دا انطباعي وقت ما شفت العربيه بعد سنه ونص تقريبا وانا بقرأ اخبار وبشوف صور وبس
ودي كانت اول مره (اه يا قلبي)

ساعة استلام عربيتي بصراحه مقدرتش اقيم الموقف خالص
وطلعت بيها زي أي عربيه تانيه وركنتها ولما بدأت أسوق بجد بقى وسط الزحمه واركز قدرت أقيم الموقف اللي انا فيه وااخد بعين الاعتبار تقييم للسياره هيتعمل هنا في المنتدى
وبدأت اخد بالي جد من كل حاجه في العربيه بتحصل
التسارع والعفشه والابعاد وخلافه
طبعا اول ما ركبت شديت الحزام ولاحظت ان الحزام سهل جدا في شده وخفيف في عربيات تانيه الحزام بيتشد بصعوبه ولعلمي ان الحزام بيتحرك فظبطتو تمام وابتديت اتحرك
الهاند كان سلس اوي في اديا سواء برفعوا او بنزلوا والفرامل تجاوبت معايا علطول واخدت عليها بسرعه وهيا كان مداها قريب لكن مش باللمس ( هل ده طبيعي ؟؟ مش عارف ) يعني اقصد بمداها قريب انها قريبه من رجلي لما بحتاجها ودواسة الدبرياش كانت تقيله سنه لكن اتعودت عليه بسرعه ودواسه البنزين كانت سلسه جداا اما الفتيس بقى كان وانا بستلم الرابع مكانش راضي ييجي خالص وجه بالعافيه واستاذ اسامه اعد يحرك في النقلات لحد ما بقت سلسه جدااا ودا اللي سهل عليا الموضوع في الطريق وبردو اخدت على الفتيس بسرعه جداا
بالنسبه للابعاد كنت شايفها كويس اوي (انا طويل بس مش اوي عقبالكم كدا) عشان كدا وانا ماشي على الطريق اخدت غرزه (مش غرزه اوي ) يعني عديت من عربيه ميني باص ودوست بنزين جامد والعربيه استجابتها كانت كويسه اوي وسريعه جدااا
والمرايات خدت عليها بسرعه جدا ومش هشتكي منها خالص لانها مناسبه بالنسبه ليا جداا
وجبت على الطريق 120 كتجربه للعربيه وطول الطريق ماشي من 70 الى 100 ويا اما ماسك الشمال او منتصف الطريق

بخصوص العفشه كان في مطب هوا محستش بيه بصراحه برغم اني كنت بحس بيه في عربيات تانيه واخدت حفره كدا في الطريق حسيت بيها جدااااااا وحته كانت طالعه فوق الاسفلت بردو حسيت بيها وكنا تلاته في العربيه والاوزان ما شاء الله يعني دا كفايه انا لوحدي هههههههههههههههههه
تسارع العربيه ممتاز جربتو تاني يوم وقسيت عليها جدااا لمده دقيقتين او تلاته مثلا
اه صحيح انا لما استلمت العربيه فولت وكانو 32 لتر بنزين 92 من البنزينه اللي في عباس العقاد وقرأت في كتيب المالك ان العربيه تنكها 50 لتر وتاخد بنزين 95 او اعلى وبنزين خالي من الرصاص ولحد ما وصلت البيت عملت 73 كيلو غير انها جيالي 61 كيلو تقريبا يعني المجموع 134 كيلو وخلصت ربع التانك الاول والحمد لله
وبخصوص الصوت في العربيه فهو ممتاز مش بطال والكاسيت في اوبشن كتيره وكويسه اوي
واحلى حاجه فيه انك تقدر تشغل كل سماعه لوحدها (طبعا عارفين ان العربيه فيها 4 سماعات ) وممكن تشغل الاتنين اللي ورى او اللي ادام بس ينقصها بس aux كان مفروض يبقى موجود لان الكاسيت في اوبشن لل aux

اما بخصوص الدركسيون بقى انا كان نفسي يبقى اخف من كدا
كذا عربيه سوقتها وكان الباور بتاعها خفيف ومريح اكتر منها
لكن الباور فيها ممتاز جدا والدركسيون ماسك نفسو ومحترم ذاتو

المجمل بقى ان العربيه ما شاء الله عليها عجباني جدا
ومرتاح وانا اعد فيها ومريحه في اعدتها ومتازه في الرؤيا
ومفيش أي عوائق وسلسه جداا وثابته ما شاء الله
مجربتهاش في ملفات حاده لكن ملف عادي على سرعة 100 كيلو

العربيه حاليا موجوده في الجراج طلعت بيها مره واحده فقط
وان شاء الله الطلعه الجايه عشان الترخيص وبعد كدا اطلع براحتي

دا تقييمي عن العربيه
وأي سؤال انا جاهز ان شاء الله

الرجاء عدم الرد لحين الانتهاء من الموضوع

الجزء الاخير من الموضوع
اللي اتمنى ان مالكي السياره سواء الجدد او القدامى والغير مالكين لها
يكونو استفادو من كلامي عنها وانطباعي

3- الصور:-
اللون :- أزرق زهري

نبدأ

بسم الله الرحمن الرحيم










لرؤية الصوره بحجمها الطبيعي الرجاء الضغط على الصور

تم الانتهاء من الموضوع
شكرا لسعة صدركم
أتمنى أكون أفدتكم
السلام عليكم ورحمة الله وبركاته


كلام في سرك:- هذا الموضوع موضوع شخصي واجتهاد شخصى لا مانع من نقل الموضوع بشرط ذكر اسم صاحب الموضوع واسم المنتدى الملحق به
شكرا

__________________

المشاركة الأصلية كتبت بواسطة mimo3000

بسم الله ماشاء الله الون ده تحفففففففففففه ربنا يباركلك فيها انا رايي ان ده احسن لون فالجين ربنا يديك خيرها ويكفيك شرها ويحفظهالك يارب

والف مبروك على العربيه ويارب عقبال منباركلك وانتا مخلص صيانه ال 100 الف
ربنا يكرمك ياباشا ويحفظك ويكفيك شر طريقك

فعلا اللون حلو اوي بس مش باين اوي علشان الظل
لكن في الشمس مرعــــــــــــــــــــــ ـــب
اللون بيدي للعربيه رونق جميل وشكل جذاب اوي وبالذات بليل في الضوء مع النور الخلفي
وشكرا ليك على ردك
ربنا يحفظك ويبارك فيك

المشاركة الأصلية كتبت بواسطة tweety26980

ياباشا مبرووووووك عليك
واحسنت الاختيار بجد
وربنا يديلك خيرها ويكفيك شرها والفرامل هي كده وماتنساش انك متشغلش التكييف وانت بتلين الفتره دي تحت سرعة 100 كم وماتقرصش على الموتور وماتطولش على الغيارات طبعا
وفي صيانة ال 1000 كم ماتتأخرش لان الزيت ده بيبقى كله رايش من التللين

تحياتي

الله يبارك فيك وفعلا هو ده الاختيار الامثل بالنسبه ليا ان شاء الله
والفرامل الحمد لله اخدت عليها بسرعه والعربيه كلها عموما
والتكيف جربتو ساعة الاستلام فقط وحاضر مش هقرص على الموتور وأكيد مش هطول على الغيارات
وباذن الله مش هتأخر على صيانه الالف
شكرا ليك يا فندم

انت مصور عربيتى ولا اية ههههههه
على فكرة احنا الاتنين نفس اللون ونفس الفتيس المانويل ونفس الموديل طبعا
الف الف مبروك واعقبال الترخيص ان شاء الله