العربية طارت فالهوا يا جماعة !!!

**xShadow** · 24-10-2009 03:45 AM

أنا ماشي أول امبارح في طريق بمشي فيه كل يوم.. الطريق دة فيه مطبين من إلي قلبك يحبهم..

المهم اني حافظو أصلاً و كل يوم بمشي فيه عادي و حافظ المطبين دول.. بس أول امبارح ونة ماشي فيه كنت نيمان على أخري و كنت مضايق من كذا حاجة فكنت ماشي بسرعة.. قام جالي تليفون رديت من هنا، مفيش ١٠ ثواني بضرب فلشر لقيت المطب الكبير في وشي !!

أنا كنت ماشي على يمكن ١٢٠ مثلاً ملحإتش أدوس فرامل ولا أي حاجة، يمكن خدت المطب على ١٠٠ مثلاً.. العربية بدون مبالغة طارت فالهوا ! المطب علي جداً أصلاً من أكبر المطبات إلي شفتها يعني، و لم نزلت عل أرض تاني العربية نزلت بوشها و سمعت و حسيت هبدة معها قلبي وقع فل أرض

أنا بجد إدايئت جداً مل موقف دة، و مش عرف إيه ممكن يكون اتأثر فل عربية.. أنا نزلت بسيط لقيت حك خفيف فالإكسدام من تحت بس مش بين من أدام، لكن لسة مرفعتش العربية أشوف اه حصل تحت..

أنا مش عرف اه ممكن يكون اتأثر من هبدة جامدة أوي زي دي ؟

أسف عل إطالة.. مشكورين

**bmw323** · 24-10-2009 03:48 AM

حمد لله على سلامة حضرتك وأن شاء الله خير وميكونش فى حاجة الحمد لله أن حضرتك بخير وأن شاء الله ميكونش فى حاجة تانى غير الحكة دى بس أنتا مفتحتش الكبوت وبصيت لو فى حاجة بتنقط أو اى حاجة ؟
وأن شاء الله خير

**mohd_rafat** · 24-10-2009 03:49 AM

معلشي ياباشا وإطمن خير إن شاء الله وكلنا معرضين للموقف ده , والأهم سلامتك وبعدين السيراتو حبيبة قلبنا تطمنا عليها قريب مع إني حاسس إن محصلهاش أي حاجه إن شاء الله غير الحكه إللي فالإكصدام .

**xShadow** · 24-10-2009 04:03 AM

bmw232@ الله يسلمك .. أنا بصرحة مفتحتش الكبوت نسيت خالص أنا أصلاً كنت على أخري اليوم دة و مكنتش مركز في أي حاجة ! بس عندك حق لازم أبص..

@mohd_rafat يا رب !!

أنا في ناس قالولي إن مش مشكلة الهبدة دي المساعدين هما إلي بيخدوها.. بس أنا حاسس انها كانت هبدة جامدة أوي مش معقول تكون مأثرتش.. و ربنا يستر

**Evo** · 24-10-2009 06:05 AM

هل الزوايا بعد الموضوع دة مظبوطة والدريكسيون معدول معاك ؟
هل بتسمع أي أصوات أو تكتكة في النقر ؟
هل في أي رجرجة في الدريكسيون أو في العربية عموماً على السرعات ؟

لو الاجابة لأ
يبقى فكك محصلش حاجه إن شاء الله

**xShadow** · 25-10-2009 12:20 AM

المشاركة الأصلية كتبت بواسطة evo

هل الزوايا بعد الموضوع دة مظبوطة والدريكسيون معدول معاك ؟
هل بتسمع أي أصوات أو تكتكة في النقر ؟
هل في أي رجرجة في الدريكسيون أو في العربية عموماً على السرعات ؟

لو الاجابة لأ
يبقى فكك محصلش حاجه إن شاء الله

والله يا سيدي كل إلي إنت قلتو لأ ماعدا موضوع الزوايا بيتهيألي إتأثرت شوية.. لما باجي أفرمل بلاقي الدركسيون بيحدف شمال كدا.. هو أصلاً كان موجود مل أول بس زاد أكتر دلوقتي..

انما التكتكة والرجرجة مظنش لأ.. بس أنا مسؤتهش بعد الموقف دة غير مرتين فممكن أكون مخدتش بالي..

**elmoski** · 25-10-2009 12:52 AM

احسن حاجة خد العربية التوكيل يبصوا عليها هناك

**xShadow** · 25-10-2009 01:33 AM

إنت رأيك كدة ؟

أنا بصراحة مكسل اضرب المشوار غير اني مش فاضي أوي :(

**أحمد كمال** · 25-10-2009 08:59 AM

غالبا هتحتاج حد يبص لك عالعفشة مش لازم تروح التوكيل روح لأي عفشجي يبص لك عليها

بس لو لا قدر الله لقى حاجة ما تخليهوش يعمل اي حاجة ساعتها روح التوكيل

و ممكن تحتاج نظبط زوايا لان الهبدة غالبا هتخلي عجلة او اكتر يحدفوا يمين او شمال

-

الموضوع: العربية طارت فالهوا يا جماعة !!!

LinkBack

أدوات الموضوع

عرض

-

-

-

المواضيع المتشابهه

العربية طارت واتهابدت في الأرض

مقابلة كيا ... اللى طارت !!!!!

العربية طارت بسبب مطب ياتري فيه خطورة علي العربية ؟

يا جماعة سعر العربية دة حلو ؟

يا جماعة انا قرفت من العربية 127

الكلمات الدلالية لهذا الموضوع

المفضلات

المفضلات

ضوابط المشاركة