الحقوني يا جدعان النهرده حصل حاجه مش حلوه خالص

:11:يا جماعه انا معايه سويفت 93 وانا مروح من مدينة نصر لكتوبر عالشغل العربيه قعدت ترعش خالص من الناحيه الشمال مش عارف ليه الصراحه لدرجة الرعشه دي مسمعه فالعربيه كلها فالدركسيون والفيتيس وحتا دواسة البنزين بترعش وانا معرفتش اعلي عن 80 عشان كل مدوس بنزين بحس العربيه بتزيد رعشه والي لحظته اني لو مدستش بنزين مش بحس بالرعشه مش عارف ليه وهوا اصلن بقالها كم يوم كده في صوت زي صفاره مش عارف منين بصراحه بيطلع بس بيروح لما ادةس بنزين ولما ادوس فرامل مش عارف ليه بس للهلم الصوت الصفاره ده كانلو كم يوم موجود او ممكن اسبوع وصوتو عالي بس الرعشه النهرده اول يوم يا ريت المساعده

بص يا بوب هوا ممكن يكون انت خت مطب جامد شويه والجنط اتعوج ف ممكن تحتاج لترصيص ده اذا كانت العفشه سليمه او العربيه ما ماكانتش عمله حادثه قبل كده لاقدر الله . العربيه لما تجي تحود شمال اول يمين بتعمل صوت علي الاسفلت؟ لو كده يبقي ظبت زوايا(الكلام ده علي حد علمي)

شكرا يا معلم عشان الرد السريع لا العربيه معملتش الحادث الي هوا خطير عشان تعمل كده والموضوع ده كان امبارح يعني على شكل حاجه بسيطه وحتا مكنش واضح وانا جاي من مدينة نصر لميدان لبنان بس بعد كده عالمحور كان حاجه مش معقوله حسيت الكوتش هيطلع وهيمشي لوحده هوا الفتره الي فاتت انا لاحظت انه الرعشه زادت فالعربيه على السرعات العاليه بس انا مرصصتش عشان هجنط قلت ارصص بالمره مع الجنط بس مش عارف اروح للعفشجي ولا ارصص مع العلم اني اساسا كنت عنده من قريب من يومين عشان يربط العفشه وقالي العفشه سليمه وميه ميه مش عارف اعمل ايه

تقريبا كده الكاوتش اللى على الشمال السلك بتاعه معوج روح اسئل حد بتاع عجل خليه يشوفلك العجل

اقتباس:

---

المشاركة الأصلية كتبت بواسطة mahamedaraby

تقريبا كده الكاوتش اللى على الشمال السلك بتاعه معوج روح اسئل حد بتاع عجل خليه يشوفلك العجل

---

هوا ايه السلك ده ؟؟
زده السلك بيخلي العربيه ترعش جامد

اعكس تركيب الكاوتشين اللى قدام وجرب العربيه لو الرعشه راحت الناحيه التانيه تبقى من الكاوتش لو زى ما هى يبقى تروح لواحد بتاع زوايا كويس يبصلك على العفشه
او ممكن تروح لميكانيكى بس بلاش تروح لواحد بتاع عفشه علشان اغلبيتهم نصابين الا بقى لو انت تعرفه كويس

هوا من ناحية ميكانيكي مفيش والله عشان انا اتخانقت مع الميكانيكي بتاعي ومش هرحلو تاني مع انه هوا بامانه شاطر فحت العفشجي في واحد بس مش اعرفه اعرفه يعني رحت عنده قبل كده ورحت ربط العفشه عنده من قريب والميكانيكي الي وديت عنده المره الأخيره عشان صوت الضفير الي بيطلع وانا ماشي بطيء قالي ده تيل هصنفرهولك وهيكون 100 100 بس لللأسف محصلش حاجه شكلو مش فاهم حاجه

انا رحت النهرده عند العفشجي وسمع الصوت الي فالناحيه الشمال مع الخبط او ممكن نسميها غربله او اي حاجه المهم بعد تجربه طويله رفع العربيه قالي بص يا باشا ده ترصيص عشان هوا رفع العربيه و قالي دوس والغربله بانت
فالمهم انا رحت رصصت ومفيش فايده لسا في الخبط ده موجودد والرعشه وبرضو دلوقتي دلع صوت زيت طقه كده كل شوي مش عارف اعمل ايه بتاع الترصيص قالي دي ميكانيكي يحلها بجد دي حاجه مش كويسه خالص

حضرتك ده اكيد 90% كوبلن
مش ترصيص
لأن الترصيص بيبان لو انت ممور او وانت دايس بنزين
لكن انه يظهر وانت دايس بنزين بس يبقي كوبلن او حاجاه تبع الكوبلن

دة كوبلن ياباشا فعلا وغالبا هو كدة بيجيب اخرة ,بس قبل ماتغير شوف الاول من الكبالن الداخلية ولا الخارجية واعملها بسرعة وغيرها بجديدة محدش يقولك هاعملهولك ةهيرجع زى الجديد هات جديد واشترى دماغك

انا قلت كده برضو وطق وكده بس مين الي يكشف عليه انا كنت عايز العفشجي انه يكشف عليه بس قالي لأ ده مش منو عشان انتا عارف والله مشدتش قوي فالمنطقه عنده عشان الدنيا عنده مكسره قوي

الله معك

شكرا انشالله بس افتك من الحوار ده قريب

شوف الفردة الشمال دية

هي باين عليها فردة منها جابت سلك بص علي الفردة من جوة

لا يا باشا خليت بالع الزوايا يبص عليها والفرده جديده عموما

ممكن تكون صمولة الكوبلن حلت او كدة ودى اللى عملة غربلة

يا باشا ده في زي صوت خبط او ممكن طقه كل شوي وانا ماشي مش عارف اوصف القرف ده ازاي الصراحه

يا جماعه العربيه عامله صوت جامد دلوقتي وحتا وانا ماشي والله مش عارف اعمل ايه حتا الطقه بقيت تطلع بطريقه اسرع من اول والوضع في استياء

كوبلن داخلى وجصلت معايا قبل كده

يابشا مانا قولتلك هتلاقية لائما كوبلن داخلى لائما خارجى وكدة ولا كدة الميكانيكى لما بيفك بيطلع الاكس بالكوبلنين فاهيشوف اية اللى بايظ وهايغيرة بس اعملها بسرعة ,
وبعدي هاقولك على حاجة :انت عندك الغيارات وخصوصا الاول والتانى بقوا بيعصلجوا شوية؟عشان لو كدة هيبقى كوبلن داخلى

لا عادي يا باشا مش بيعصلجو خارص بس التكه والرعشه بقت تبان على السرعه الواطيه ممكن 40 كده بس قبل كانت بتعمل على 80 او حاجه وبقا في صوت عالي

بص يا ايمن ده ولا كوبلن ولا حاجة
دى حاجة اسمها صرة عجلة او بلية
كانت عند صاحبى فى النوبيرا والرجه بتزيد مع زيادة السرعه مع صوت عالى و مسمعه فى العربية كلها
وغير البلية والمشكلة اتحلت

والله بص الي حصل كالاتي انا رحت عند ميكانيكي جديد بس بعد التجربه طلع كبابحي المهم فكلي الناحيه الشمال الكوبلن الداخلي كان متبهدل نزلت عند واحد بتاع كبالن باعني واحد استيراد ياباني ورجعت للميكانيكي ركب ويلا جرب الحوار مرحش فك النجيه اليمين شوف الكوبلن مش بطال شغال بس عايز بتوضب وضبنا وركبنا مفيش فايده الصوت الراح بس الخبط لسا موجود رحت عند ابتاع الكبالن تاني يوم الي هوا امبارح ركب العربيه قالي دي ياباشا مش كبالين خالص دي انتا لازم تشيل العلايات الي انتا حاطتهم وانا مكنتش اعرف انه في علايات اصلن فالعربيه مع العلم اني جبت العربيه من صاحبها من سنه فالمهم انا محتار اصدق من ولا مين عشان برضو نزلت عند ميكانيكي واحد صحبي فالحرفيين قالي دي كبالين وبلية عجل فانا الظاهر كل مروح عند حد يقولي حاجه شكل وحوار وانا بضور على ميكانيكي شاطر انا فالهرم ياريت تديلوني