حلقة جديدة عن اللانوس العطلانة

**tompina** · 24-10-2009 11:25 AM

مرحبا ..!
أهلا بك في برنامج (عربيات عطلانة ) !
النهاردة هانتكلم عن عربية لانوس 2000 فيها شوية مشاكل مألوفة ؛ وهانسيب السادة المشاهدين (الأعضاء) هما اللي يردوا علينا بمداخلاتهم ..
وطبعا لازم نفتكر شعار حلقتنا "ماتروحش للميكانيكي إلا لما العربية تولع بس ! "

أعزائي المشاهدين ..
عربية النهاردة أول ما تدور وتلمس الإكسراتير الـ rpm بيوصل لـ 5 وبعدها ينزل خالص وتفصل العربية !
طبعا لمبة التشيك مصرة إنها تشاركنا في موضوع النهاردة وتنور معانا الحلقة !
صوت الشكمان زي مايكون في حاجة وصاحب العربية ـ اللي هو أنا ـ حاسس إن في رشاش بيودع بعد ما اتأكد من سلامة موقف البوجيهات ولقاها نضيفة وزي الفل ..
ملحوظة : في بعض المداخلات السابقة رأى بعض المشاهدين أن يتم تنظيف حساس الـtps وتم تنظيفه والنتيجة كما هي .

السادة المشاهدين في انتظار مقترحاتكم وتوجيهاتكم على www.nilemotors.net !

**samirayad** · 24-10-2009 05:10 PM

ملحوظة : في بعض المداخلات السابقة رأى بعض المشاهدين أن يتم تنظيف حساس الـtps وتم تنظيفه والنتيجة كما هي .

عزيزى مقدم البرنامج
بعد مساء الخير
أعرفك بأن حساس ال tps
مبيتنضفش
فخليك مذيع مدقدق ومخضرم
ههههههههههه

**MMamdouh** · 24-10-2009 05:24 PM

حط العربية على سكانر

MMamdouh

**samirayad** · 24-10-2009 06:17 PM

ربنا يوفقك ياحمو

**tompina** · 24-10-2009 06:44 PM

الله يخليك يا باش مهندس .. وشكرا مستمعينا الأعزاء على حسن استماعكم ..وعلى وعد باللقاء في عطل جديد ومشكلة جديدة .... باي !

**ahmedeldeep** · 24-10-2009 07:22 PM

كان نفسي الحق الحلقه على الهوا بس معليش المرة الجاية
كويس انى شوفت الاعاده
بس بص كويس من الخراطيم الرفيعه الى فى العربيه
للاسف انا معرفش اسماء ( لانى سبتها من زمان )
بس فى خرطوم هوا رفيع قوىىىىىىىىىىىى لما بيتشال بيخلى العربيه تعمل كده وحاول اجيبلك صورتو بس لغاية مصورو هتفتح الكبوت وبص فى وشك هتلاقىفيشه سمرا وطالع من جنبها خرطوم رايح على البتاع اللى بيدخل منو هوا للموتور من جنب حساس السلانسيه

**zocor742** · 24-10-2009 09:19 PM

المشاركة الأصلية كتبت بواسطة ahmedeldeep

فى خرطوم هوا رفيع قوىىىىىىىىىىىى لما بيتشال بيخلى العربيه تعمل كده وحاول اجيبلك صورتو بس لغاية مصورو هتفتح الكبوت وبص فى وشك هتلاقىفيشه سمرا وطالع من جنبها خرطوم رايح على البتاع اللى بيدخل منو هوا للموتور من جنب حساس السلانسيه

وانا كمان فاتنى الحلقة لايف وادينى بتابع الاعادة

بس انا مع موضوع الخرطوم الرفيع اوووى دة لأن كنت ساعات لما اجى ادور والعربية لسة باردة خالص اسمع صوت فسسسسسس افتح الكابوت الاقى خرطوم متشال اركبة وادور تشتغل اشيلة واجرب وهيا دايرة ترعش وتبطل واللمبة تنور والخرطوم التانى شيلتة أنهم اتنين مش ييخلى العربية تبطل بس صوتها بيعلى والمكنة بترعش على السلانسية لحد ماتركبة
واحب اضيف لحضرتك انك هتحتاج تورى العربية العين الحمرا
عشان مش هتعرف تطفى اللمبة وتعرف منورة لية غير لما تشوف العين الحمرا
وربنا يوفقك
بس مش لازم تولع اوى عشان تروح للميكانيكى مجرد ان الواحد يغلب حمارة ساعتها نروح وامرنا لله

**م. محمد نافع** · 24-10-2009 10:47 PM

السلام عليكم
لو ال ار بي ام بيعلي ويوطي وانت مثبت بوابه الهواء(الاكسرتير) انا اظن ان المشكله في البنزين ممكن يكون الفلتر مكتوم او الطلمبه بتقطع

**tompina** · 25-10-2009 08:43 AM

المشاركة الأصلية كتبت بواسطة ahmedeldeep

كان نفسي الحق الحلقه على الهوا بس معليش المرة الجاية
كويس انى شوفت الاعاده

ماتخافش الحلقات جاية كتير ... هو أنا ورايا غيركم ؟

بس بص كويس من الخراطيم الرفيعه الى فى العربيه
للاسف انا معرفش اسماء ( لانى سبتها من زمان )
بس فى خرطوم هوا رفيع قوىىىىىىىىىىىى لما بيتشال بيخلى العربيه تعمل كده وحاول اجيبلك صورتو بس لغاية مصورو هتفتح الكبوت وبص فى وشك هتلاقىفيشه سمرا وطالع من جنبها خرطوم رايح على البتاع اللى بيدخل منو هوا للموتور من جنب حساس السلانسيه

ما هو هو الخرطوم دا ـ ابن الذين ـ هو اللي برجل العربية بتاع الـ فسسسس إياه لما ركبته العربية رجعت بنت حلال نوعا وبطلت مسخرة (برضه الواحد لازم يبقى حمش ! ) بدل ما ألاقي سيرة العربية بقت على كل موتور !
ألا بالمناسبة هو إنت سبت أسماء لييييه ؟

-

الموضوع: حلقة جديدة عن اللانوس العطلانة

LinkBack

أدوات الموضوع

عرض

حلقة جديدة عن اللانوس العطلانة - انشر الموضوع فى :

-

-

-

-

-

المواضيع المتشابهه

حلقة جديدة من مسلسل اضطهاد مصابي الثورة

مشكلة جديدة فى اللانوس

حلقة جديدة من العربيات العطلانة (2)

مشكلة جديدة ظهرتلى فى اللانوس

الكلمات الدلالية لهذا الموضوع

المفضلات

المفضلات

ضوابط المشاركة