الفتيس مجنني!!!

**ibmtop** · 26-10-2009 09:12 AM

حطيت زيت 90 ولا 140؟؟

كنت حطيت 90 جبتة من بنزينة موبيل

طيب ماهو الصح أنك متجبش الأول
الا والعربيه واقفه تماما لأنك كده ممكن تبوظ غويشة الأول والتانى مثلا
وأعتقد الغويشه كده ممكن تكون أتأثرت لو كنت معتاد على أنك تجيب الأول والعربيه ماشيه

انا بحس فعلا اني لما اهدي ان العربية محتاجة الاول, العربية بتبقي ماشية بسرعة بطيئة ومحتاجة الاول!!!!

**zocor742** · 26-10-2009 10:09 AM

المشاركة الأصلية كتبت بواسطة samirayad

طيب ماهو الصح أنك متجبش الأول
الا والعربيه واقفه تماما لأنك كده ممكن تبوظ غويشة الأول والتانى مثلا
وأعتقد الغويشه كده ممكن تكون أتأثرت لو كنت معتاد على أنك تجيب الأول والعربيه ماشيه

طيب يا هندسة ما ممكن بردة والعربية ماشية وبتتحرك بطىء اوى التانى يكون كتير عاليها
وهتحمل على التانى كدة لحد ماالتانى ياخد سرعتة.... وبالزات لو فى اشارة او فى مكان زحمة
محدش هيصبر عليك لحد ما التانى ياخد سرعتة معاك وهلاقى كلة وراااااك تيييييييييييت اصل محدش بيصبر وبردو الطرق مش مستحملة ان حد يتلكع فيها

انا بتكلم على اقل حركة للعربية قريبة من السكون لأن كدة انا بعتقد ان التانى كتير وبتحمل علية اكيد والدليل بيغيب عقبال مايشد معاك الغيار والغربية اكيد هتكرر معاك الا بقى لو عليت المكنة وعلقت رجلك على البنزين وقعت تسيب دبرياج ... فاحضرتك كدة دة مش شايف ان دة تحميل رسمى تحميل رسمى على الغيار
وبتفرهد الماتور معاك واكيد هيسخن معاك على الفاضى من غير داعى ... واحنا عيزين نريح المكن بتاعنا مش نجهدة

فا حضرتك ياهندسة ويا محمد ممدوح باشا سيادتكم شيفين الموضوع ازاى

**bshndi** · 26-10-2009 11:19 AM

ياباشا كده كتير علي العربية إنك تجيب الأول علي 30 هتلاقي العربية عزمت معاك والـ rpm
عالي جداً ، ولأن تقسم السرعات الأولي هايكون الأول لحد 20 قول ، والثاني لحد أربعين ، والثالث لحد 60 أوالرابع لحد 80 أو 90 والخامس بقي شوف جرب حضرتك لحد كام .
يبدو كده إن حضرتك زي ما بيقولو مفتح غيارات العربية ومعودها علي معدلات أعلي من المعدلات دي بس ده بيقصر عمر الفتيس وده إتقالي في التوكيل حيث كنت أشكو من عضه في الفتيس وصعوبة في الأول ، بس أنا لم أصف المشكلة بدقة كما فعلت حضرتك حيث إنني لم أقل إني أحول أن أعشق الأول والعربية ماشية علي شرعة كام بالضبط ؟
أنا ممكن أستغل الفرصة دي وأسأل السيد ممدوح عن حدود السرعات المتناسب مع عدد لفات الـ RPM ؟
شاكر لكم جميعاً

**MMamdouh** · 26-10-2009 11:38 AM

المشاركة الأصلية كتبت بواسطة zocor742

طيب يا هندسة ما ممكن بردة والعربية ماشية وبتتحرك بطىء اوى التانى يكون كتير عاليها
وهتحمل على التانى كدة لحد ماالتانى ياخد سرعتة.... وبالزات لو فى اشارة او فى مكان زحمة
محدش هيصبر عليك لحد ما التانى ياخد سرعتة معاك وهلاقى كلة وراااااك تيييييييييييت اصل محدش بيصبر وبردو الطرق مش مستحملة ان حد يتلكع فيها

انا بتكلم على اقل حركة للعربية قريبة من السكون لأن كدة انا بعتقد ان التانى كتير وبتحمل علية اكيد والدليل بيغيب عقبال مايشد معاك الغيار والغربية اكيد هتكرر معاك الا بقى لو عليت المكنة وعلقت رجلك على البنزين وقعت تسيب دبرياج ... فاحضرتك كدة دة مش شايف ان دة تحميل رسمى تحميل رسمى على الغيار
وبتفرهد الماتور معاك واكيد هيسخن معاك على الفاضى من غير داعى ... واحنا عيزين نريح المكن بتاعنا مش نجهدة

فا حضرتك ياهندسة ويا محمد ممدوح باشا سيادتكم شيفين الموضوع ازاى

الموضوع محتاج تدريب منك على استخدام الفتيس فى الموقف دة... زى ما قلتلك انا بحط اولانى و العربية ماشية عادى... و عملت كدة فى عربيات محمد نصر و احمد جاد و ايمن و انا بجربهم فا الموضوع محتاج بس حساسية من ايدك مش اكتر

MMamdouh

**MMamdouh** · 26-10-2009 11:53 AM

المشاركة الأصلية كتبت بواسطة bshndi

ياباشا كده كتير علي العربية إنك تجيب الأول علي 30 هتلاقي العربية عزمت معاك والـ rpm عالي جداً

دة يعتمد انت ضبط الRPM قبل ما تدى اولانى ولا لا... طبيعى لو معليتش الRPM فى موقف زى كدة العربية حتكلبش و يبقى فيه تحميل على التروس و الدبرياج و قواعد الموتور... لكن لو ضبطت الRPM hلعربية حتقبل النقلة بسهولة و مش حتحس باى نخع او نتش نتيجة التغير الفجائى فى قوى الدفع

، ولأن تقسم السرعات الأولي هايكون الأول لحد 20 قول ، والثاني لحد 40، والثالث لحد 60 أوالرابع لحد 80 أو 90 والخامس بقي شوف جرب حضرتك لحد كام .

انت جبت التقسيمة دى منين؟؟؟

اصلا عند 3000 RPM الاول بيجيب 30 و التانى 45 و التالت 60... و بالتق كدة عند 6500 RPM الاول بيجيب 50 و التانى 82 و التالت 130... فا السرعات اللى انت قولت عليها دى جت منين او بناء على ايه؟

يبدو كده إن حضرتك زي ما بيقولو مفتح غيارات العربية ومعودها علي معدلات أعلي من المعدلات دي بس ده بيقصر عمر الفتيس

دة ملوش دعوة بدة... الفكرة فى طريقة النقل نفسها... لازم الاول تعدل لفات الموتور لتتناسب مع السرعة اللى حتنقل ليها و بعد كدة تدى فرصة لمخاريط التزامن توفق سرعلتها مع بعض قبل ما تعشق... لو عملت دة صح حتنقل زى ما انت عايز

وده إتقالي في التوكيل حيث كنت أشكو من عضه في الفتيس وصعوبة في الأول ، بس أنا لم أصف المشكلة بدقة كما فعلت حضرتك حيث إنني لم أقل إني أحول أن أعشق الأول والعربية ماشية علي شرعة كام بالضبط ؟

متاخدش كل حاجة بتتقالك فى التوكيل على انها صح... حصل قدامى موقف عرفنى انهم بيفتوا برضة..

مرة شاب لطيف كدة سال مهندس اعرفة فى التوكيل على البوجيهات ال4 شمعة و المهندس قالة انها بتبوظ الموتور... و لما مشى الشاب سالت المهندس هى فعلا بتبوظ الموتور؟؟؟ راح الراجل رد و قاللى "معرفش... بس انا قولتلة بتبوظ و خلاص... لو ركبهم و مشيت معاه يبقى اهو اتبسط... و لو بوظوا الموتور يبقى انا قولتلة انها حتبوظة و خليت مسؤليتى"...

فا معنى الكلام دة ان الاجابة من التوكيل ممكن تبقى حاجات كتير غير الصح و الغلط (اخلاء مسؤلية او تلكيك او تلبيس زبون او الخ الخ الخ)

أنا ممكن أستغل الفرصة دي وأسأل السيد ممدوح عن حدود السرعات المتناسب مع عدد لفات الـ RPM ؟

انا معملتش حاجة زى كدة قبل كدة بس ممكن تتعمل... عايزة بس شوية وقت و الواحد ممكن يحط كل سرعة مقابلة للRPM و يطلع زى رسم بيانى تقريبى للعلاقة بين الRPM و السرعة على الخمس نقلات

MMamdouh

**bshndi** · 26-10-2009 07:57 PM

السيد محمد بك ممدوح
شاكر لذوقك الجم وردك المفصل ، والنصيحة المخلصة بالنسبة للفتي والفته بتاعة التوكيل ولكن بالنسبة للتقسيم كان أحد الأعضاء تحدث عليه قبل كده في موضوع علي المنتدي ولو فاكر كن إمتي بالضبط كنت هابعتلك اللينك لكن للأسف مكسل أدور ، المهم إن حضرتك جبت الخلاصة .
تحياتي