يا ريت تفيدوني بخصوص شراء لاند روك وصناعتها وجزاكم الله خيرا
عرض للطباعة
يا ريت تفيدوني بخصوص شراء لاند روك وصناعتها وجزاكم الله خيرا
منصحكش: العربيه من الخارج تقفيلها سيء و كلها فروقات مش مضبوطه. و عموما انا مازلت لا اثق في السيارات الصيني و ده رأي شخصي و ليس عن تجربه ما عدا موضوع التقفيل الخارجي السيء لأني لاحظته في اكتر من عربيه
+111111111111111
اللاند روك ديه شكل و بس... لكن كآداء... إنسى انها تديلك ربع اللي بتديهولك أي عربية 4x4 ياباني تانية.... (أو حتى أمريكاني)
و ياريت لو تتفرج على العربيات الصيني (زيرو موديل السنة) لما بتدخل الرالي بيحصلها ايه (من مرة واحدة بس طلوع صحراء) و تقارنها بلاند كروزر أو نيسان باترول 83 - 84
مفيش وجه مقارنة أساسا...
ممكن كمان تتفرج عالموضوع ده.... (شوف الصور في صفحة 2) :)
http://www.nilemotors.net/Nile/100403-a.html
يا باشا لو انت غاوى دفع رباعى وبالرينج بتاع الاند روك ممكن تشترى ليبرتى 2003 .. او ممكن تشترى نيفا جديد وهيفضل معاك نص تمن الاند روك تقريبا !
بلاش لاند روك وخش شوف Crash Test بتاعها على يو تيوب مش هتصدق ا لعربيه اتفرمت ازاى !
يا عم سيبك من اللاند روك دى
دى منظر وجسم على الفاضى وضمان وهمى بتاع ال7 سنين اللى عامله توكيل هويدى
بصراحة انا لومكانك ما ادفعش المبلغ الكبير ده فى صينى
ولو محتاج فعلا عربية 4x4 بنفس السعر يبقى ارشحلك دايهاتسو تيريوس معقولة وع الاقل خالص يابانى واقتصادية وتقضى الغرض
طيب وايه اخبار الجريت وول هوفر تجميع البافارية
اي عربية تسمع فيها :
1- موتور ياباني
2- عفشة الماني
3- صاج 9 مللي
ابعد عنها
مش فاهم تقصد ايه انه يشوف الموضوع ده
تيجوا دخلت الرالى 3 مرات والحمد لله كملت للنهايه
والصور دى رالى الفراعنه 2009 مسافه 3500 كيلومتر فى صحراء وجبال زى ما انت ايف ومع ذلك صمدت للنهاية والحمد لله راجعه وحش ماشى وعربيات كتير بمركات عالميه مدفونهفى الصحرا منيومها لحد النهاردة اما مكسرة او محروقه
ولا تقصد انقلاب
ده كان خطأ تقدير من السائق عند احد الجبال واتعدلت ودارت وكملت للنهايه وده شرف ليها لانفى عربيات كتير انقلبت وخرجت من الرالى
يا ريت تفهمنى الموضوع ده
باشا...أولا... ممكن أسألك سؤال...
هو ليه دايما بشوفك بتطلع تدافع عن العربية ديه؟؟
ثانيا بأة.... أنا الرالي دا كنت هدخله (كمتابع مش كمشارك) بس للأسف عربيتي كانت لسة مرخصتش... (كنت بعملها تغيير صفة)
ثالثا... أصحابي كلهم كانوا في الرالي... و شافوا آدائها... و مع احترامي ليك.... آدائها تحت الرديء... و دا بشهادة الشهود....
بالنسبة للعربيات التانية اللي مكملتش... هستأذنك تقوللي بتاعت مين (بقيادة مين و مين الملاح) ؟؟ و أنواعها ايه؟؟ و لو فيه صور تبقا مشكور....
تقبل احترامي لشخصك.... و اختلافي معاك في الرأي.... لا يفسد للود قضية...