الموضوع: توابع فيلم الموسم *الصيانه في التوكيل*

الخلاصة

التوكيل دا مفيش منه امل

المشاركة الأصلية كتبت بواسطة tweety26980

دايما بخير ياستاذ ساري ودايما بقول ياجماعه
ماتبقاش قلوق من العربيه واتعامل معاها عادي وبحب

وربنا يقدملك اللي فيه الخير


تحياتي

اخي العزيز tweety26980

جزاك الله كل خير وربنا يحفظنا جميعاً
مع خالص تحياتي لشخصك الكريم

المشاركة الأصلية كتبت بواسطة ahmedfathy77

السلام عليكم و رحمة الله و بركاته
استاذ ساري من حق حضرتك و كل الاعضاء انهم ينقلوا تجاربهم لينا سواء كانت ايجابيه او سلبيه و هو ده الهدف الرئيسي للمنتدي و كل الناس تسال علي اللي نفسها فيه و كل واحد حر في راييه خاصة لما يكون اسلوب كتابته او نقله للتجربه محترم و بعيد عن التجني علي الناس و المبالغه و صدقني الناس اللي بتتجني دي بتتكشف و بتتقطع هنا و انا شايف ان حضرتك صح انك تنقل كل التجربه وانا عارف ان فيه ناس مننا هنا بتوصل المشاكل دي للتوكيل عشان تتحل من غير ما بيعلنوا ده- مناقشة السلبيات بشكل موضوعي شيء صحي جدا لكل الناس و احسن مليون مره من كلمة كله تمام يا فندم الموضوع تحت السيطره اللي موديانا ورا
احنا ممكن نختلف في الراي و اعترض عليه انما مستحيل امنعك انك تقول رايك فما بالك لو كانت تجربه مش راي
ربنا يوفق الجميع للخير
سلامي للجميع

اخي العزيز ahmedfathy77
اللي فهمته من كلام حضرتك انك شغال في التوكيل
اولا: تحياتي ليك وبشكرك انك اخدت من وقتك ورديت على التوبيك بتاعي وبشكرك اكتر انك متابع منتدي بروتون ومهتم بالرد على ما يثار من مشاكل تخص التوكيل
ثانياً : انا مليش مصلحه انياتجنى او ابالغ فيما يخص التوكيل كل الحكايه ان انا بعرض التجربه على الاخوه في المنتدى علشان يستفيدوا من التجربه وف نفس الوقت لو فيه ناس متابعه المنتدى بتاعنا من المسئولين في التوكيل يحاولوا يحلوا الامور السلبيه اللي بتواجهنا في التوكيل
مع خالص تحياتي ليك مره اخرى لاهتمامك

المشاركة الأصلية كتبت بواسطة gagareen

ان شاء الله يا استاذ سارى الموضوع يكون بسيط لان العربيه لوحدها زى الفل ومافيهاش حاجه غير لما الموضوع يكون متعلق بحاجه خارجها زى التوكيل او نوع البنزين المستخدم مثلا

حضرتك بتقول الاستهلاك عالى والسحب بطئ وهما الاثنين حاجه واحده لان لما العربيه ماتسحبش حضرتك بدوس بنزين اكثر علشان تعوض السحب وتعرف تمشى بطريقه ترضيك فبيزيد الاستهلاك

حصلت معايا مرتين ولان عارف الجين فكرت فى الحلين:

اول مره حسيت ان السحب وحش شكيت فى البنزين والبنزينه ولما غيرت المكان لمكان احسن رجعت زى الاول للسحب الهايل المعروف عن الجين2

ثانى مره لما رجعت من التوكيل اخر مره حسيت ان السحب مش هو وانا متعود انظف فلتر الهواء بالمكنسه فى البيت كل فتره يعنى كل 5000 كم تقريبا ولان اول مره نظفت الفلتر لقيت فيه كميه تراب ناعم مش ممكن وطبعا ده جاى من الجو بتاعنا بالاضافه للمكان اللى كان محطوط عليه قبل ما الفنى يركبه فى مكانه فى العربيه عند
التجميع وقولت انظفه لان كان بقاله فتره ماتنظفش
المهم لما فكيت العلبه المره دى لقيت حته من ورقه جريده جوه المدخل بتاع الهواء اللى رايح على الفلتر وسداه وكان خانق العربيه ولما شلتها وخذت الفلتر ونظفته رجعت العربيه زى الاول

المهم ان فى المرتين طلعت العربيه بريئه من ظن الناس واتعلمت حاجه مفيده اتمنى انها تفيد حد تانى
ان شاء الله عربيه ترحع زى ما حضرتك عايز

تحياتى

اخي العزيز gagareen
بشكرك على ردك والمعلومات الجميله اللي حضرتك قولتها وفعلا ححاول استقر على بنزينه كويسه واشوف النتائج ايه وفي نفس الوقت هشوف فلتر الهوا
وجزاك الله كل خير
مع خالص تحياتي لشخصك الكريم

المشاركة الأصلية كتبت بواسطة saryrabie

اخي العزيز ahmedfathy77
اللي فهمته من كلام حضرتك انك شغال في التوكيل
اولا: تحياتي ليك وبشكرك انك اخدت من وقتك ورديت على التوبيك بتاعي وبشكرك اكتر انك متابع منتدي بروتون ومهتم بالرد على ما يثار من مشاكل تخص التوكيل
ثانياً : انا مليش مصلحه انياتجنى او ابالغ فيما يخص التوكيل كل الحكايه ان انا بعرض التجربه على الاخوه في المنتدى علشان يستفيدوا من التجربه وف نفس الوقت لو فيه ناس متابعه المنتدى بتاعنا من المسئولين في التوكيل يحاولوا يحلوا الامور السلبيه اللي بتواجهنا في التوكيل
مع خالص تحياتي ليك مره اخرى لاهتمامك

استاذ ساري
واضح ان فيه لبس كبير جدا حصل
انا ما اشرتش من قريب او بعيد في كلامي اني بشتغل في التوكيل الا اذا كانوا بيشغلوا معاهم مهندسين مدني
ثانيا انا اللي قلته في مشاركتي كان بالظبط اللي حضرتك فهمت عكسه بمعني اني بايد حرية الراي و نقل التجارب سواء كانت ايجابيه او سلبيه بشرط المصداقيه وانا مش ضد كده خالص
خلاصة المشاركه اني معاك قلبا و قالبا في نقل تجربتك حتي لو كانت سلبيه
برجاء من حضرتك تقرا اللي انا كتبته في موضوع حضرتك بتمعن هتعرف اللي انا قصدته بالظبط

سارى باشا .... ايه الاخبار

انا عارف انها حاجات تخنق ... بس فعلا ممكن تكون عوامل تانيه (غير التوكيل) هو اللى خلى السحب واستهلاك البنزين بقى وحش

انت بس شوف موضوع البنزينه ... وفلتر الهوا

ولو الموضوع فضل زى ماهو ... ياريت تروح للتوكيل ... وصدقنى المهندسيين اللى هناك غايه فى الاحترام (مش مهندسيين الاستقبال) ... انا قصدى مهندسيين الورشه

وياريت تطمنا على اخبارك يامعلم

وربنا يباركلك فيها يارب ويحفظهالك ويكفيك شر الطريق

تحيــــــــــــــــــاتــ ــى

المشاركة الأصلية كتبت بواسطة ahmedfathy77

استاذ ساري
واضح ان فيه لبس كبير جدا حصل
انا ما اشرتش من قريب او بعيد في كلامي اني بشتغل في التوكيل الا اذا كانوا بيشغلوا معاهم مهندسين مدني
ثانيا انا اللي قلته في مشاركتي كان بالظبط اللي حضرتك فهمت عكسه بمعني اني بايد حرية الراي و نقل التجارب سواء كانت ايجابيه او سلبيه بشرط المصداقيه وانا مش ضد كده خالص
خلاصة المشاركه اني معاك قلبا و قالبا في نقل تجربتك حتي لو كانت سلبيه
برجاء من حضرتك تقرا اللي انا كتبته في موضوع حضرتك بتمعن هتعرف اللي انا قصدته بالظبط

م. احمد فتحى (كبير مهندسى التوكيل)

والله منورنــــــــــــــا

بجد واحشنا كتير ...

ياجماعه -م. احمد فتحى- من اكتر الشخصيات المحترمه فى التوكيل ... ودايما بيسعى لمساعده جميع الناس

ياريت بجد يابشمهندس تفضل متابع معانا دايما ... وتشوف مشاكل الناس ... وكنا عاوزين تخفيض على اسعار قطع الغيار زى ماوعدتنا ياباشا

بجد منورنــــــــــا

.
.
.

المشاركة الأصلية كتبت بواسطة ayman_52

م. احمد فتحى (كبير مهندسى التوكيل)

والله منورنــــــــــــــا

بجد واحشنا كتير ...

ياجماعه -م. احمد فتحى- من اكتر الشخصيات المحترمه فى التوكيل ... ودايما بيسعى لمساعده جميع الناس

ياريت بجد يابشمهندس تفضل متابع معانا دايما ... وتشوف مشاكل الناس ... وكنا عاوزين تخفيض على اسعار قطع الغيار زى ماوعدتنا ياباشا:e_braces[1]:

بجد منورنــــــــــا

.
.
.

كده يا ايمن تكشف السر اللى فضلت مخبيه فى قلبى السنين دى كلها وكل الناس كده عرفت انى العميل المزدوج فى السايت .

على العموم انت الخسران وابقى قابلنى لو عرفت تاخد تخفيض جنيه واحد على الكلاكس مش على العربيه بعد كده.

وعلى نفسها جنت براقش