توابع فيلم الموسم *الصيانه في التوكيل*

**saryrabie** · 24-10-2009 04:20 PM

جيجي اتشحورت يا جماعه

هو ده ملخص الموضوع
واليكم الانباء بالتفصيل
بعد العرض الاول لفيلم الموسم *الصيانه في التوكيل*
وبعد آراء النقاد والجماهير المتباينة
ابتعد ابطال الفيلم عن الاضواء لما لحق بهم من آثار سلبيه وهي كالتالي :-
اولاً:- البطلة جيجي
1- السحب زي الزفت .
2- استهلاك البنزين خرافي 7.5 ك في اللتر داخل المدينة و 9.5 ك في اللتر على الطرق السريعه .
3- صوت الماتور بقى عالي بعد الصيانه .

ثانياً :- البطل ( العبد لله )
1- اعلن افلاسه وتلاحقه العديد من الدعاوي القضائيه .
2- يعاني من حاله نفسيه غير معروفه مع حالة اكتئاب شديده بالاضافه الى تشنجات عصبيه مع حركات لا اراديه في الاطراف الاربعه والرأس

.
3- يعاني من امراض بسيطه

: الضغط , والسكر , وبعض الدكاتره اقروا بأنه مصاب بالعته المغولي

4- تطارده الكوابيس في صورة عمو عز داخل عليه وهو ماسك منديل مبلول وبيغني اغنيته الشهيره " حسره عليها يا حسره عليها ... حسره عليييييييها , ما جات رجليها ما جات رجليها ....ما جات رجلييييييييها" .
تعاطفك لوحده مو كفايه
اتبرع ولو بعربيه

انتظر اقتراحاتكم بفارغ الصبر

**أشرف العدوي** · 24-10-2009 04:25 PM

هههههههههههههههههه
جامدة موت
ربنا يقويك

**emadhamdy** · 24-10-2009 05:18 PM

السلام عليكم ورحمه الله وبركاته
طيب اخي الكريم بيعها وابعد عن العربيه دي خالص لان واضح انك مقولتش كلمه واحده كويسه عليها ولا علي التوكيل
لاني متوقع الموضوع القادم ليك انك هتشتم ملاكها او تقول عليهم هبل
بجد نو كومنت علي اللي بيحصل في القسم ده

جينتاوي وافتخر

**mimo3000** · 24-10-2009 05:25 PM

ههههههههههههههههههههههههه هههههههه انا مش عارف اقولك ربنا يصبرك ولا اقولك طريقتك جمده واقعد اهزر معاك

بس بجد ربنا يصبرك وخليك ورا التوكيل لحد ميظبطوهالك
ويارب تتظبط وترجع جديده تانى

**jisso82** · 24-10-2009 07:32 PM

سارى باشا ازيك إيه الأخبار إيه كل ده يا ابنى لأ لازم تروح التوكيل تانى زى ما محمد بيقوللك ده حقك

**ahmad alshaaer** · 25-10-2009 05:50 AM

التوكيييييييييييييييييييي ييييييييييييل

تحياتي

**dreslam** · 25-10-2009 10:28 AM

انا شخصيا بعدت عن التوكيل ونهائيا لان قطع الغيار بدت تتوفر بره واللي مش موجود بجيبه بالغالي من التوكيل واركبه بره لاني وبمنتهى الامانه انعدمت ثقتي في التوكيل تماما لاكتر من نقطه
1- عدم الامانه وده مش قذف دي حقيقه بيحطو ساعات قطع مستعمله ويقولك اصليه
2- مش فاهمين العربيه وبيشخصو المشكله بالسمع من غير ما يبصو ويشوفو لان مافيش وقت
3- بيحطو زيت زي الزفت "من ساعه محطيت شل هيلكس معايه عربيه تانيه"
4- عفشجيه سوري زي الزفت تماما ولا يقارنو في السوء
5-ميكانيكا مهما تشتكي يعمل نفسه فاهم لكن مش بيمد ايده على حاجه
6- الكذب : هو عايز يريح الزبون لو فيه حاجه بايظه وما عندوش قطعه الغيار "مايقولش مافيش" يقول عملتها وهو ماعملش حاجه
7-بقا لما القزاز الكهربا يبوظ ويقنعوني لمده شهر انهم حيجيبو مكن واروح اصلحه ب 70 جنيه بس بره "ده يبقى اسمه ايه"
8-التيل اللي جبته من بره احسن من بتاع التوكيل
9-الطنابير معووجه والجنوط فيها عوجه ومسامير ناقصه من جوه وبعد ده كله تقولي مشكله جلب فرامل وتطلع العربيه بعد اسبوعين بنفس المشكله "عشان الطنابير محتاجه خراطه الخ الخ" كل ده عشان تسيبها تبوظ وتطلع العربيه بره الضمان عشان تغيرها وتدفع

الخلاصه انا بروح التوكيل عشان اشتري قطع الغيار اللي مش موجوده بره ودي قليله.بس ومتشكرين منهم برضه مش حيكرهوني في العربيه.عربيتي حلوه ومش معقده في تصليحها ومش محتاجه توكيل عظيم زي عز العرب احنا عارفين ان العربيه شويه عليه وهو واخد وكالتها غصب عنه ولو يطول يديها لحد تاني اقل منه يعملها.الله الغني عنهم وعن العك والتمثيل والكذب والغش والنفاق اللي هما بيعاملو اغلبيتنا بيه.
بقا دي عربيه ميتوفرلهاش قطع غيار وتبقى سمعتها بسبب توكيلها وحشه وسعر اعاده بيعها قليل.الجين 2 دايما بنقول عليها الجميله ...الحق نقول عليها المظلومه..المهضوم حقها...العزيزه بملاكها الذليله بوكيلها

**Eng. Rafy Samy** · 25-10-2009 10:36 AM

ممكن يكون العيب في البنزين ( مغشوش )
الموقف ده حصل معايا قبل كده وكنت ظالم التوكيل وطلع العيب في البنزين..!

**khpopo** · 25-10-2009 10:47 AM

المشاركة الأصلية كتبت بواسطة dreslam

انا شخصيا بعدت عن التوكيل ونهائيا لان قطع الغيار بدت تتوفر بره واللي مش موجود بجيبه بالغالي من التوكيل واركبه بره لاني وبمنتهى الامانه انعدمت ثقتي في التوكيل تماما لاكتر من نقطه
1- عدم الامانه وده مش قذف دي حقيقه بيحطو ساعات قطع مستعمله ويقولك اصليه
2- مش فاهمين العربيه وبيشخصو المشكله بالسمع من غير ما يبصو ويشوفو لان مافيش وقت
3- بيحطو زيت زي الزفت "من ساعه محطيت شل هيلكس معايه عربيه تانيه"
4- عفشجيه سوري زي الزفت تماما ولا يقارنو في السوء
5-ميكانيكا مهما تشتكي يعمل نفسه فاهم لكن مش بيمد ايده على حاجه
6- الكذب : هو عايز يريح الزبون لو فيه حاجه بايظه وما عندوش قطعه الغيار "مايقولش مافيش" يقول عملتها وهو ماعملش حاجه
7-بقا لما القزاز الكهربا يبوظ ويقنعوني لمده شهر انهم حيجيبو مكن واروح اصلحه ب 70 جنيه بس بره "ده يبقى اسمه ايه"
8-التيل اللي جبته من بره احسن من بتاع التوكيل
9-الطنابير معووجه والجنوط فيها عوجه ومسامير ناقصه من جوه وبعد ده كله تقولي مشكله جلب فرامل وتطلع العربيه بعد اسبوعين بنفس المشكله "عشان الطنابير محتاجه خراطه الخ الخ" كل ده عشان تسيبها تبوظ وتطلع العربيه بره الضمان عشان تغيرها وتدفع

الخلاصه انا بروح التوكيل عشان اشتري قطع الغيار اللي مش موجوده بره ودي قليله.بس ومتشكرين منهم برضه مش حيكرهوني في العربيه.عربيتي حلوه ومش معقده في تصليحها ومش محتاجه توكيل عظيم زي عز العرب احنا عارفين ان العربيه شويه عليه وهو واخد وكالتها غصب عنه ولو يطول يديها لحد تاني اقل منه يعملها.الله الغني عنهم وعن العك والتمثيل والكذب والغش والنفاق اللي هما بيعاملو اغلبيتنا بيه.
بقا دي عربيه ميتوفرلهاش قطع غيار وتبقى سمعتها بسبب توكيلها وحشه وسعر اعاده بيعها قليل.الجين 2 دايما بنقول عليها الجميله ...الحق نقول عليها المظلومه..المهضوم حقها...العزيزه بملاكها الذليله بوكيلها

+11111111111111111

كلام مضبوط وتصرف منك ميه ميه

ربنا يوفق

-

الموضوع: توابع فيلم الموسم الصيانه في التوكيل

LinkBack

أدوات الموضوع

عرض