الحمدلله رخصت

**eslam_wega** · 24-10-2009 06:04 PM

نزلت النهردا الصبح عشان ارخص ولما وصلت اكتشفت انى نسيت البطاقة راجعت تانى العبور
مع العلم ان المرور فى العباسية وجبيت البطاقة ومشيت فى الاجرات
واستنيت شوية واخيرا استلمت الرخصة والنمر
كنت شايل هم المشور دة بس الحمدلله انها تمت على خير

**javacoder** · 24-10-2009 07:27 PM

بقولك يا أخى هوا انت دفعت فلوس للناس الموظفين بتوع المرور و لا إيه النظام؟

أصل أنا بصراحة لما عملت رخصة السواقة جبت واحد واسطة و خلص هو القصة كلها لأن بتوع المرور "بدون ذكر اسم الإدارة منعا للإحراج" معقدين نفسيا و قالولى لازم تجيب عربية و صاحب العربية و صك ملكية العربية عشان تختبر
عشان كده جبت واحد واسطة و زهقونى برضوا حتى شهادة التخرج خلونى أمضى إقرار إن أنا حاصل على شهادة التخرج و طلبو منى إن مهندس الفحص يمضى على ورق الرخصة بتاعة السواقة قام المهندس باصصلى و قال لى "هات عربية واقعد جواها و أنا أمضى"
و الراجل دخل لرئيس المرور بس الحمد لله ربنا عداها , دانا حتى رحت أصلى الظهر على ما الرخصة تطلع يعنى عشر دقائق كده فلما رجعت الراجل نده على اسمى فا و أنا بستلمها لقيت الراجل الموظف بيزعقلى بجد و لا لما يكون مأمور القسم و مسك حرامى و بيقولى "هوا إنت كنت فين لما ندهت عليك أول مرة" قلت له "أصلى كنت بصلى فراح مدينى الرخصة من كسوفه!!!"
بس على فكرة انا والله رحت مدرسة سواقة و سقت فيها و مشيت على الدائرى و ركنت و جبت أخويا و اختبرنى و كان كله تمام الحمد لله.
بس بأمانة مشوار المرور ده عامل زى ما يكون واحد واقف فوق موتور أتوبيس العتبة و هو فى نص الطريق عطلان فوق كبرى 6 أكتوبر و هو زحمة الساعة واحدة الظهر و مفيش منزل قبل 2 كيلو.
الغريبة إن و أنا واقف فى كل الموضوع ده ما لقيتش واحد من الناس اللى استلمت رخص معايا اختبر بعربية أو أى حاجة من الحاجات اللى الواحد بيسمع عنها فى الافلام!!! طيب اشمعنى أنا بهدلونى انا و الراجل الواسطة اللى كان معايا مع العلم إنه كان من طرف واحد ""مرعب""

بس مش عارف لما أشترى عربية إنشاء الله , أروح اجيب الراجل الواسطة ده تانى و اللا ترخيص العربية أسهل من رخصة السواقة بصراحة أنا أبيض يا ورد؟!
الحقيقة إن استخراج الباسبورت و البطاقة و شهادة الميلاد يعتبر نزهة فى جزيرة هونولولو بالنسبة لاستخراج رخص القيادة و السيارات من إدارة مرور "تل أبيب"

**ramyar** · 24-10-2009 07:28 PM

رخصت بروتون ايه يا باشا وبكام ومن فين وايه اخبار الخصم
يارب تكون واجا

**مصطفى_صديق** · 24-10-2009 07:34 PM

المشاركة الأصلية كتبت بواسطة eslam_wega

نزلت النهردا الصبح عشان ارخص ولما وصلت اكتشفت انى نسيت البطاقة راجعت تانى العبور

مع العلم ان المرور فى العباسية وجبيت البطاقة ومشيت فى الاجرات
واستنيت شوية واخيرا استلمت الرخصة والنمر
كنت شايل هم المشور دة بس الحمدلله انها تمت على خير

الف مبروك.......ومعلش كل تأخيرة وفيها خيرة
الحمد لله انها خلصت.....
دلوقتى انت تعتبر بروتونى رسمى وقانونى

**مصطفى_صديق** · 24-10-2009 07:38 PM

المشاركة الأصلية كتبت بواسطة javacoder

بقولك يا أخى هوا انت دفعت فلوس للناس الموظفين بتوع المرور و لا إيه النظام؟

أصل أنا بصراحة لما عملت رخصة السواقة جبت واحد واسطة و خلص هو القصة كلها لأن بتوع المرور "بدون ذكر اسم الإدارة منعا للإحراج" معقدين نفسيا و قالولى لازم تجيب عربية و صاحب العربية و صك ملكية العربية عشان تختبر
عشان كده جبت واحد واسطة و زهقونى برضوا حتى شهادة التخرج خلونى أمضى إقرار إن أنا حاصل على شهادة التخرج

و طلبو منى إن مهندس الفحص يمضى على ورق الرخصة بتاعة السواقة قام المهندس باصصلى و قال لى "هات عربية واقعد جواها و أنا أمضى"

و الراجل دخل لرئيس المرور بس الحمد لله ربنا عداها , دانا حتى رحت أصلى الظهر على ما الرخصة تطلع يعنى عشر دقائق كده فلما رجعت الراجل نده على اسمى فا و أنا بستلمها لقيت الراجل الموظف بيزعقلى بجد و لا لما يكون مأمور القسم و مسك حرامى و بيقولى "هوا إنت كنت فين لما ندهت عليك أول مرة"

قلت له "أصلى كنت بصلى فراح مدينى الرخصة من كسوفه!!!"
بس على فكرة انا والله رحت مدرسة سواقة و سقت فيها و مشيت على الدائرى و ركنت و جبت أخويا و اختبرنى و كان كله تمام الحمد لله.

بس بأمانة مشوار المرور ده عامل زى ما يكون واحد واقف فوق موتور أتوبيس العتبة و هو فى نص الطريق عطلان فوق كبرى 6 أكتوبر و هو زحمة الساعة واحدة الظهر و مفيش منزل قبل 2 كيلو.

الغريبة إن و أنا واقف فى كل الموضوع ده ما لقيتش واحد من الناس اللى استلمت رخص معايا اختبر بعربية أو أى حاجة من الحاجات اللى الواحد بيسمع عنها فى الافلام!!! طيب اشمعنى أنا بهدلونى انا و الراجل الواسطة اللى كان معايا مع العلم إنه كان من طرف واحد ""مرعب""

بس مش عارف لما أشترى عربية إنشاء الله , أروح اجيب الراجل الواسطة ده تانى و اللا ترخيص العربية أسهل من رخصة السواقة بصراحة أنا أبيض يا ورد؟!

الحقيقة إن استخراج الباسبورت و البطاقة و شهادة الميلاد يعتبر نزهة فى جزيرة هونولولو بالنسبة لاستخراج رخص القيادة و السيارات من إدارة مرور "تل أبيب"

رخصة السيارة أسهل بكتير من رخصة القيادة ، وخصوصا لما تكون العربية جديدة

بس حلوة نزهة فى جزيرة هونولولو ومرور تل ابيب دى

اللى انا متأكد منه ، ان المرور اللى هنا يعنبر هو الجحيم بعينه بالنسبة لمرور تل أبيب

**jisso82** · 24-10-2009 07:38 PM

المشاركة الأصلية كتبت بواسطة مصطفى_صديق

الف مبروك.......ومعلش كل تأخيرة وفيها خيرة
الحمد لله انها خلصت.....
دلوقتى انت تعتبر بروتونى رسمى وقانونى

1000 مبروك الترخيص يا معلم و معلش أنا بختلف مع أستاذ مصطفى صديق إن إسلام بقى بروتونى رسمى من أول ما كانت عنده النية يجيب العربية

**مصطفى_صديق** · 24-10-2009 07:41 PM

المشاركة الأصلية كتبت بواسطة jisso82

1000 مبروك الترخيص يا معلم و معلش أنا بختلف مع أستاذ مصطفى صديق إن إسلام بقى بروتونى رسمى من أول ما كانت عنده النية يجيب العربية

طبعا ياباشا

أنا بس قصدى انه بقى مسجل رسميا وفى اوراق حكومية كمان

**m.3abdel3al** · 24-10-2009 10:05 PM

الف مبروك يا اسلام على الرخصة

**mark_milad_95** · 24-10-2009 11:51 PM

الف الف الف مبروك يا اسلام .

**Osama.shihata** · 25-10-2009 10:10 AM

1000
مبروك
يا اسلام
وعقبال باقى الزملاء الى حجزين

الموضوع: الحمدلله رخصت

LinkBack

أدوات الموضوع

عرض

الحمدلله رخصت - انشر الموضوع فى :

-

-

-

-

-

-

-

المواضيع المتشابهه

الحمدلله رخصت صنى 2013

الحمد لله رخصت

أخيراً استلمت و رخصت الحمدلله

الحمدلله رخصت انا كمان ...

الحمدلله رخصت اللانوس اليوم

الكلمات الدلالية لهذا الموضوع

المفضلات

المفضلات

ضوابط المشاركة