الموبيلات الصينى ما لها وما عليها _ اراء وتجارب

**medo_2060** · 25-10-2009 09:22 PM

انت لو عايز تجيب جهاز كويس فعلا وبضمان هات انيكول ولو عايز جهاز وميفرقش معاك الضمان هات k900 لانه بجد ممتاز وفيه تلفزيون على عكس ما الناس فاكره انه حجمه صغير بس هو فيه كل امكانيات الاجهزه الصينى الكبيره وطبعا هتلاقيه فى كل حته وسعره زى ماقلت قبل كدا 380 يعنى مايتزعلش عليه لو لقدر الله حصله حاجه

**SHNORY** · 25-10-2009 09:26 PM

المشكله يا جماعه مش في بطاريه او خط
المشكله انك ممكن في لحظه وعلي اتفه سبب الكونتاكتس بتاعتك تطير في الهوا
وبيتهيالي مش حتفرق الفلوس ساعتها
علشان كده انا مصمم انه تليفون لا يعتمد عليه في اكتر من ارسال واستقبال

**pro_samir** · 25-10-2009 09:32 PM

المشاركة الأصلية كتبت بواسطة shnory

المشكله يا جماعه مش في بطاريه او خط
المشكله انك ممكن في لحظه وعلي اتفه سبب الكونتاكتس بتاعتك تطير في الهوا
وبيتهيالي مش حتفرق الفلوس ساعتها
علشان كده انا مصمم انه تليفون لا يعتمد عليه في اكتر من ارسال واستقبال

الموضوع دة وارد علي فكرة في اي تليفون وكان بيحصل معايا في الأي ميت ان الويندوز يحصل مشكلة مثلا أو في النوكيا انة يوقع سوفتوير والحل طبعا المتبع دايما ان الواحد ياخد باك اب علي الكمبيورر ودة متاح في الجهاز الصيني اللي معايا ، غير كدة كل فترة بحذف الأرقام من علي الشريحة وبعدين انسخها من التليفون للشريحة تاني كحل أسهل من التوصيل بالكمبيوتر ، خصوصا بعد فلترة الأرقام وسايب اللي بحتاجها فقط علي التليفون فا عددهم مش كبير قوي ، والباقيين علي الكمبيوتر

**SHNORY** · 25-10-2009 09:40 PM

المشاركة الأصلية كتبت بواسطة medo_2060

حضرتك جبت منين موضوع الاسماء الى بتطير دى اول مره اسمع عن الموضوع دا والموبايل معايا من اكتر من سنه مقابلتش المشكله دى يعنى حضرتك حصلت معاك ولا سمعت دون تجربه؟؟

انا عندي مركز صيانه محمول يا باشا
والقصد مش طيران الكونتاكت هو المشاكل اللي بتحصل في سوفت وير الموبيلات الصيني
وطالما هو مع حضرتك بقاله اكتر من سنه ومعملش مشاكل يبقي ربنا يباركلك فيه وميجيبش مشاكل

**SHNORY** · 25-10-2009 10:43 PM

المشاركة الأصلية كتبت بواسطة medo_2060

لو قصدك سوفت وير فدا بيحصل فعلا بس فى كل الانواع متهيألى معلش لو كنت رديت عليك باسلوب ناشف شويه لان فى ناس ما بتصدق تشوف كلمه صينى وتلاقى حنفيه الفتى والتاليف اتفحت وبسمع حاجات غريبه الصراحه
عموما شكرا لتوضيحك وربنا يوفقك فى شغلك

يا باشا ولا يهمك احنا اخوات وحقك تدافع عن محصله تجاربك
بس بالنسبه لانه بيحصل في كل الانواع فدي مش صح
حقولك علي عيب جالي في جهاز صيني ومش بيحصل في حته
كان موبايل ان 73 صيني كل ما تجيله رساله يعمل ريستارت لما تفتحها
وبكل الوسائل من فورمات لسوفت وير كامل هو نفسه العيب مش بيتغير
ودي حاجه مش بتحصل في كل التليفونات
غير كده النوكيا او السامسونج ليهم طرق معينه وسوفت وير معين نقدر نتعامل بيه معاه
الاجزه الصيني كل جهاز وليه سوفت مختلف حتي لو نفس الشكل والنوع
العالم دي معندهمش توائم متشابهه كلهم مختلفين
واحنا يطلع عيننا ورا منهم
وعلي فكره
فيه مراكز صيانه معقله اعلانات بره المحل مكتوب عليها (لا نعمل في الهارد وير الصيني)

وحنفيه التاليف دي مفتوحه من زمان
لما كان التليفون تقوله اتصل بخليل يطلع دراع من التليفون يطلبلك النمره ودا كان تفسير بصمه الصوت عند الناس
وفيه ناس اقسمت باغلظ الايمان انها شافته بعنيهم اللي الدود حيقرف ياكلهم

**KSA2011** · 26-10-2009 12:45 AM

المشاركة الأصلية كتبت بواسطة max_ziro

بص يا باشا فى الصينى انا انصح ب ال k و منها ال 300و ال 600 و ال 900 و دول قمة ف لروعة انا من ساعت ما جبتة و انا رامى ال 73 انا معايا ال 300 و بطارية بتعد يومين و تلفزيون روعة و راديو جميل و خطين و كارتين ميمورى و بيستحمل الهبد و الرزع والله ماشاء الله علية روعة و كان ب 400 تقريبا ..

وانا معاك جبت ال كى 600 و رامى الان 70 و ال73 موبايل تحفه و رقيق وبيقضى الغرض والاتصال وخفيف وشكله شيك
انا كنت قاعد مع اصحابى من شويه واحد صاحبى ما يعرفوش كان عايز يشتريه ب 800 جنيه

وهو كنت شاريه ب 370

-

-

-

الموضوع: الموبيلات الصينى ما لها وما عليها _ اراء وتجارب

LinkBack

أدوات الموضوع

عرض

-

-

-

-

-

المواضيع المتشابهه

افكار وتجارب منزلية

مناسك العمره ... سؤال حولها وتجارب سابقه

حل مشكلة منع الموبيلات الصينى فى مصر هيص يا حج

صيانه 5000 وتقييم وتجارب مع جينا

تقرير 3000 مع جينا وتجارب بما فية الكفاية

الكلمات الدلالية لهذا الموضوع

المفضلات

المفضلات

ضوابط المشاركة