الموضوع: تحب تعيش انى عيشة

المشاركة الأصلية كتبت بواسطة abdo_general

يعني انا ممكن اقولك

احب اعيش في كلاسيكية زمان او البساطة بتاعت زمان
بس بتكنولوجية دلوقتي

يعني ابقي ماشي بالعربية والشارع فاضي وممكن اجري بس
انا ماشي علي مهلي ( والجو مطر بقي ومشغل المساحات )

وترجع البيت والجو هادي خالص

وياسلام لو تقعد شوية قدام الدفاية وانت بتقرا كتاب

ورتم الحياة يبقي اهدي

1- عمرك ما هتعرف تتمتع بسوقتك طالما معاك الكم الفزيع من الناس الغير منظمة

2- و عمرى ما هقرء كتاب طالما فيه نت ودش

زمان التليفزيون كان بيفتحلوا ساعتيين فى اليوم ومعظم الناس بتنام بدرى , لكن دلوقتى طالما فيه مغريات للسهر صعبك انك تنام

وزمان كانت الناس عايشة بمزاج ورواقة لكن دلوقتى كله بيجرى ومتصربع

بس دا مش يتعارض مع احدث ما توصلت الية التكنولوجيا

حاجة زى الموبايل ممكن تخليك تقوم جرى من قدام الدفاية او تعكنن مزاجك وترمى الكتب بعيد

المشاركة الأصلية كتبت بواسطة mtak

فكرتنى بمسرحيه او ما شابه
كان فيها واجد نفسه يرجع لعيشة زمان ايام المماليك
حيث الجوراى الحيان و الدلع كله
و الغوات على الابواب
فقالوا
يا خوفى لا ترجع و تبقى انت الاغا :)
---------------------
زمان طبعا عيشه جميله و هدوء
و احب اعيشها جدا
بس يا ترى هل سأكون فى الشوارع الفاضيه الجميله و معى عربيه 125 زى الرهوان على الكورنيش
و لا هاكون من راكبى الترام ابو سنجه و نصفى باظظ منه
و افطر و اتعشى فى جروبى و لا هاقف امام طوابير الجمعيه و اجرى اول ما اعرف ام فى فراخ
----------------------
الحمد لله على كل شئ
ربنا يديم علينا نعمه

حلوة باظظ منه ....... ههههههههه

بس كل ما اقعد مع الناس الكبيرة الاقيهم كلهم بيشكروا فى ايام زمان ومحدش بيشتكى من حاجة

انا مرة قعدت مع واحد قد جدى قالى انه كان بيقبض 17 جنية وعايش ملك و بيحوش و لما قعد يحكى لى كان بيعمل ايه بيهم حسيت ان 17 جنيه زمان = 27000 دلوقتى

ودلوقتى التكنولوجيا شدة الناس اللى معاه عربية عاوز يجيب الاحدث علشان اوبشنها اعلى و قيس على كل حاجة

فالتكنولوجيا ادت الى رتم من الحياة السريعة

راحة البال
و زمان زى دلوقتى الواحد مننا هو اللى بيعرف يريح نفسه متقدرش تتحكم فى المؤثرات الخارجية بقدر ما تقدر تحدد بالظبط كيفية التعامل معها و تطويعها لخدمتك و التحكم فى مزاجك

زمان طبعا يكفى راحة البال
وزمان الادب والاحترام