الموضوع: تقييم السيراتو ...ادخل و شوف

أنا أحب أعلق على كم حاجة كدة أريته هنا فال topic دة
أولاً موضوع الكاوتش دة فعلاً حقيقي عشان أنا لسة مستلم العربية SX 17" وحسيت العربية بتدب جمد أوي فرحت امبارح أظبط الكاوتش لاتو كان مظبوط على 40 فعلن فهويتو شوية الحاجة المهم موضوع العفشة دة بكل بساطة كلو تقريباً يرجع لمقاس الجنط عشان أنا كان عندي نفس المشكلة في عربيتي إلي BMW كنت مركب 17" بردو وكان عندي نفس المشكلة بس أنا كنت بضاحي عشان stability وميبقش في body rolling بس فالسرت الموضوع مش وحش ذي ما الناس بتؤل بس هو حالو بسيط ياما تجيب كاوتش البروفيل بتاع أكبر ياما تركب 15" ار 16" لو عوز

تاني حاجة أنا مش فهم يعني إيه العفشة حتبئى أو بأت أحسن بعد 5000km الكلام دة مش منطقي خالص يعني ازاي يعني حيحصل فيها إيه يعني دة بصراحة أي كلام
أخر حاجة بس هو سؤال يعني إيه النتروجين حيخلي العربية عفشثة أحسن مع أن ذي الهوى بظبط كل الفرء إنو مبيتأسرش بالحرارة بتاعة الجو يعني ذي مبتذوتو حيفضل سبت مش حيذيد ولا يقل فبيبقى أحسن فالنؤتى ده ورييت لو حد عندو أي تعليق يودحلي بس
شكراً يا رجلا

أنا احب بس أقول حاجة ...العفشه بتفرق 180 درجة بعد تظبيط الهوا ... عن تجربة

المشاركة الأصلية كتبت بواسطة normal

مش فاهم ازاى فى اختلاف فى الاراء لهذه الدرجه
ماهى يأما العفشه كويسه يأما وحشه
انما حبه يقولوا وحشه وحبه يقولو حلوه شىء محير للغايه!!

للاسف أغلب الناس هنا بتقارن بالعربيات بتاعتهم أو العربيات اللي ركبوها
يعني تلاقي واحد كان معاه او ركب بي ام و يقارن بالسيراتو ... فطبعا يقولك دي عفشة السيراتو وحشة
و واحد تاني كان معاه 127 مثلا و يقارن السيراتو اكيد هيقولك دي عفشتها وهم

الموضوع نسبي جدااااا ... اعتقد ان المقارنة تبقي صحيحة مع واحد معاه عربيتين في نفس الفئة و ساعتها مش هيبقي الموضوع محير.

ياجماعة نشوفية العفشة راجعه لان المساعدين رياضية (غاز مش زيت) زي عفشة الكوني و العفشات السبور التانية, وهو دة سبب الاحساس بالنشوفية

نرجع لصاحب الموضوع اللى معاه النوبيرا: طيب مسمعتش ليه كلام صاحبك وتشترى أوبترا؟

المشاركة الأصلية كتبت بواسطة alrabeh

الأستاذ الفاضل smartman ممكن تفيدنى فى مقارنتك بين النوبيرا اللى معاك والسيراتو وهل وجدت فرق يستاهل لصالح السيراتو يخليك تدفع فرق حوالى 50000 جنيه.فعلا والله محتار لأن امكانياتى ممكن تجيب الإتنين بس شايف النوبيرا عربية مناسبة من حيث حجمها ورخص قطع غيارها بالإضافة الى انها لو مستعملة استعمال خفيف سعرها يقل على الأقل ب 40000 عن السيراتو ارجو الإفادة بالتفصيل

الأخ الفاضل alrabeh انا بكل امانة نصيحتى ليك كما انصح نفسى ان النوبيرا عربية ممتازة جدا جدا طبعا ده اذا كنت ح تلاقى حاجة مستعمل استعمال نضيف اما اذا كنت عاوز تجيب جديد انصحك بالأوبترا باردوا سعرها فى الحنين و لو استنيت بعد كام شهر كده مع السنة الجديدة ممكن سعرها يبقى احن و العربية دى امتداد للنوبيرا نفس الموتور و العفشة و يمكن احدث شوية

المشاركة الأصلية كتبت بواسطة esloob

نرجع لصاحب الموضوع اللى معاه النوبيرا: طيب مسمعتش ليه كلام صاحبك وتشترى أوبترا؟

انا بكل امانة نقلت الموضوع ده عن تجربتى الخاصة و انا والله ما كنت اقصد مقارنة بين العربيتين ده انا كنت واقع فى جمال السيراتو و خلاص مستنى بس افضى شوية انزل سوق الجمعة ولا اعمل اعلان لبيع النوبيرا و اجرى جرى احجز السيراتوا و لكن الموضوع جه بالصدفة الباحتة من عند ربنا يعنى انى اركب السيراتو و اعيش التجربة بنفسى و اسأل زميلى ده عليها و انا فى اخر التقرير بتاعى لو تشوفه كويس انا طلعت بنتيجتين الأولى انى اجيب حاجة فوق ال 130 الف زى مثلا الكرولا ولا هوندا و انت طالع (أو )النتيجة الثانية وهو ده الراى الآرجح اللى ان شاء الله ممكن اعمله على مهلى كده مثلا ع الصيف الجاى 2010 - و خلى بالك من التوقيت ده - لآن العربيات الجديدة ح تنزل حتى ولو نزلت الف جنيه زى ما بيقول البعض ح يبقى النزول مش كتير انا اولى بأى تنزيل مهما ان كان انا صاحب اسرة - بس هى ان شاء الله تنزل اكتر - و ناوى بقى ادور على حاجة فى الفئة من 50-80 الف يعنى مثلا لانوس /فيرنا / نيو اكسنت /اوبترا مثلا ح تكون نزلت ساعتها بحيث ان اى مشكلة طلعت لى اقول يالا مش مشكلة على قد فلوسها غير ما تكون المشكلة فى عربية غالية طبعا

المشاركة الأصلية كتبت بواسطة someee

ياجماعة نشوفية العفشة راجعه لان المساعدين رياضية (غاز مش زيت) زي عفشة الكوني و العفشات السبور التانية, وهو دة سبب الاحساس بالنشوفية

والله اذا كان ده هو السبب يبقى الله الغنى عن العفشة الرياضية و السبور