الموضوع: حادث قطار العياط..كلاكيت لتاني مرة

إنا لله و إنا إليه راجعون
أمال إيه كل شوية الوزير يطلعلنا..أنا جبت قطارات جديدة من أمريكا ... ومعانا 5 مليارات لتطوير السكة الحديد
نفسي أعرف الناس الغلابة تركب إيه يعني علشان تروح لبلدها..طريق زراعي منيل بنيلة.. قطارات متهالكة و ماشية بمزاجها
اللهم اجعلها آخر الأحزان إنك ولي ذلك و القادر عليه

المشاركة الأصلية كتبت بواسطة dr zezo

في العاشرة مساءا المراسل بتاع البرنامج بيقول من موقع الحدث ان القطر الأول قشاش و متجه للصعيد خبط في جاموسة و طلع منه دخان و هواء كثيف مستنتجين ان الفرامل الهوائية للقطار تلفت مما أدي لزحف القطار مسافة 3 كم حتي توقف تماما خوفا من السائق أن يستكمل المسير بدون فرامل و لأنه عارف أن فيه قطار جي وراه فضل يحاول يتصل بأي حد عشان يحولوا القطار ده او يوقفوه بس فشل !!!!!!!!!!!!!!!!!!

السؤال هنا لماذا لم يخلي عربات القطار الخلفية من الركاب ليحمهم من الاصطدام ؟!!!

للأسف كلامهم غير منطقى تماما

السواق اللى قدام مفيش عليه اى غلط ما علينا هو اساسا العيب اللى عنده كان ايه المهم انه وقف علشان نظام الفرامل الرئيسى مش شغال والهيئه بتعمل تحقيق لأى سواق يستخدم نظام الفرامل الطوارئ

مش هقولك برده نظام التحكم بتاعنا متاخر اوى اوى اوى لكن لو افترضنا تحليل الحادثه على اساسه يبقى القطر القشاش عدى كشك متابعه 1 وبعدين وقف ومعداش على كشك متابعه 2

المفروض ان اللى بيحصل مجرد ما القطر عدى من كشك 1 الاشاره تبقى حمراء لحين تبليغ كشك 2 لكشك 1 ان القطر خلاص عدى من عنده هوا كمان وكدا يفتح كشك 1 الاشاره ان المسافه الجايه امان للقطر اللى جاى

اتحداك ان كان الكلام ده حصل لان طبعا البهوات بيبقى كل واحد فيهم بيضرب كوبايه شاى بنعناع وقاعد بيتشمس على شباك الكشك ومش فى دماغه حاجه علشان لو حصل وكان فى اشاره حمراء كان الاكس وقف