حادث قطار العياط..كلاكيت لتاني مرة

**Car's Sniper** · 25-10-2009 01:00 AM

العيب مش على الهيئة..العيب على الجاموسة اللى مابصتش لا يمين ولا شمال قبل ماتعدى
حتة ان القطر وقف والسواق معرفش يبلغ...مش داخلة دماغى والمفروض ان الاشارات الضوئية كانت تحذر القطر اللى بعده من القطر اللى وقف كانوا فين عمال الهيئة اللى واقفين فى الاكشاك....يعنى كدة او كدة العيب على( الهيئة) الفاشلة....قصدى على (الجاموسة)..
ربنا يرحم الضحايا ويصبر اهلهم ويحرق( الجاموسة)الفاشلة.

**Dr Zezo** · 25-10-2009 01:01 AM

المشاركة الأصلية كتبت بواسطة Ahmed0Nouh

للأسف كلامهم غير منطقى تماما

السواق اللى قدام مفيش عليه اى غلط ما علينا هو اساسا العيب اللى عنده كان ايه المهم انه وقف علشان نظام الفرامل الرئيسى مش شغال والهيئه بتعمل تحقيق لأى سواق يستخدم نظام الفرامل الطوارئ

مش هقولك برده نظام التحكم بتاعنا متاخر اوى اوى اوى لكن لو افترضنا تحليل الحادثه على اساسه يبقى القطر القشاش عدى كشك متابعه 1 وبعدين وقف ومعداش على كشك متابعه 2

المفروض ان اللى بيحصل مجرد ما القطر عدى من كشك 1 الاشاره تبقى حمراء لحين تبليغ كشك 2 لكشك 1 ان القطر خلاص عدى من عنده هوا كمان وكدا يفتح كشك 1 الاشاره ان المسافه الجايه امان للقطر اللى جاى

اتحداك ان كان الكلام ده حصل لان طبعا البهوات بيبقى كل واحد فيهم بيضرب كوبايه شاى بنعناع وقاعد بيتشمس على شباك الكشك ومش فى دماغه حاجه علشان لو حصل وكان فى اشاره حمراء كان الاكس وقف

بالعكس الكلام كده منطقي و تحليل حضرتك في اخر سطورك وما جاء في العاشرة مساءا بيدينهم

القطار الأول توقف بعد الاصطدام زاحفا بعد 3 كم دليل ان فرامله باظت

الاكشاك و الملاحظين نايمين في الخط

السواق متوقع ان حد يقلق و يدور عليه!!!

القطر التاني كما سمعت في اخر الاخبار جاء بدري عن ميعاده نتيجة لسرعته الزائدة ففوجئ بالقطار الأول متوقفا

و لأن القطار الثاني جاء بدري عن ميعاده فالسواق الاول منزلش الركاب من القطار لحمايتهم لأنه مكنش متوقع أنه يجي بالسرعة دي

و بالتالي الحوار كله اهمال تام

لا قطارات فيها اجهزة اتصال

ولا فيه مراقبة من الاكشاك

و لا فيه اجهزة متصلة بالاقمار الصناعية لمراقبة القطارات كما يقولون

لا تعليق !!!!!!!!!!!

**Ahmed Nouh** · 25-10-2009 01:25 AM

المشاركة الأصلية كتبت بواسطة dr zezo

بالعكس الكلام كده منطقي و تحليل حضرتك في اخر سطورك وما جاء في العاشرة مساءا بيدينهم

القطار الأول توقف بعد الاصطدام زاحفا بعد 3 كم دليل ان فرامله باظت

الاكشاك و الملاحظين نايمين في الخط

السواق متوقع ان حد يقلق و يدور عليه!!!

القطر التاني كما سمعت في اخر الاخبار جاء بدري عن ميعاده نتيجة لسرعته الزائدة ففوجئ بالقطار الأول متوقفا

و لأن القطار الثاني جاء بدري عن ميعاده فالسواق الاول منزلش الركاب من القطار لحمايتهم لأنه مكنش متوقع أنه يجي بالسرعة دي

و بالتالي الحوار كله اهمال تام :_alshmokh08[1]:

لا قطارات فيها اجهزة اتصال

ولا فيه مراقبة من الاكشاك

و لا فيه اجهزة متصلة بالاقمار الصناعية لمراقبة القطارات كما يقولون

لا تعليق !!!!!!!!!!!

انا اسف انا فعلا خانى التعبير فى كلمه غير منطقى , انا كان قصدى اقول ان معروف سبب الحادث بس هما عاملين نفسهم مش فاهمين

فعلا زى ما حضرتك قولت الاهمال الاول من البهوات بتوع الاكشاك

العيب التانى من الهيئه اللى مش قادره تعمل شبكه اتصالات للسواقين ودى حاجه بقت بدائيه قوى يعنى اى تعاقد مع شركه محمول بكام مليون سنويا من اللى بيترمو فى الفن والفنانين يأمنو بيهم ارواح الغلابه

العيب الثالث طبعا على البيه اللى جاى نافخها جرى ولا كأنه واخد الدائرى

العيب الرابع برده على خيالات المئاته اللى المفروض بيبلغو بسرعه القطر وقت مروره ولو مخالف للسرعه المحدده بيتم تحذير السواق وبيجازوه بقسوه كمان وده نظام متبع فى كل حته فى العالم

العيب الخامس في الجاموسه طبعا

قال اقمار صناعيه قال , هيطلع دلوقتى واحد يقولك اصل القمر كان فاصل شحن

**maka** · 25-10-2009 01:45 AM

انا كنت واقف فى البحر الاعظم قدام الخواجة وشوفت بعينى 16 عربية اسعاف بيجروا ناحية المنيب , انا قولت حادثة على الدائرى .... بس دلوقتى عرفت السبب

ربنا يرحم المتوفيين ويشفى المصابين

**Terrible_DaRsH** · 25-10-2009 02:13 AM

شاهد عيان بالقاهرة اليوم بيقول المقتولين عددهم كبير جدا و المسئولين بيشربوا بيبسي و مياه معدنية و فى قمة الهدوء .. !!

**Abo_Lina** · 25-10-2009 02:10 AM

الجاموسة هي السبب فعلا
و بشكل عام الجاموس هو السبب في كل بلاوي مصر اللي حصلت و اللي هاتحصل

**Terrible_DaRsH** · 25-10-2009 02:13 AM

المشاركة الأصلية كتبت بواسطة tyler_durden

الجاموسة هي السبب فعلا
و بشكل عام الجاموس هو السبب في كل بلاوي مصر اللي حصلت و اللي هاتحصل

منهم لله الجواميس فعلا .

بس متنساش الماس الكهربائي , لان ده متهم خطير جدا فى الموضوع الكبير .

**ahmad--ezzat** · 25-10-2009 02:15 AM

على فكره...الموضوع لاهو من الحكومه ولا تقصير فى حاجه....ركزوا كده وهتعرفوا ليه كل دة بيحصلنا

**Abo_Lina** · 25-10-2009 02:23 AM

المشاركة الأصلية كتبت بواسطة ahmed20_08nubira

على فكره...الموضوع لاهو من الحكومه ولا تقصير فى حاجه....ركزوا كده وهتعرفوا ليه كل دة بيحصلنا

مين يا ترى ?
أعدائنا الهندوس زقوا علينا هذه البقرة الملعونة ?

شر البلية ما يضحك و الله

ربنا يرحم الموتى و يرحمنا من الجاموس

**ahmad--ezzat** · 25-10-2009 03:01 AM

المشاركة الأصلية كتبت بواسطة tyler_durden

مين يا ترى ?
أعدائنا الهندوس زقوا علينا هذه البقرة الملعونة ?

شر البلية ما يضحك و الله

ربنا يرحم الموتى و يرحمنا من الجاموس

لا مش الهندوس ولا حاجه...الموضوع كله ان اللى بيحصل لينا وللعالم سواء وباء انفلونزا الخنازير او حوادث او مصايب دة غضب من ربنا سبحانه وتعالى على العالم لاسباب كتييييييير من سب الرسول والانبياء....من ضعف الحكام المسلمين العرب...من ظلمهم ....من كسر قواعد الدين الاسلامى....احنا قربنا على اليوم الموعود بجد يا جماعه....ربنا يسطر
ويحسن ختامنا جميعاااااااا

الموضوع: حادث قطار العياط..كلاكيت لتاني مرة

LinkBack

أدوات الموضوع

عرض

-

-

-

-

-

-

-

المواضيع المتشابهه

50 قتيل منهم 48 طفل و 15 مصاب ..حادث قطار اسيوط المرعب

حادث قطار مصور من عدة زوايا ...!!

اطول قطار واقصر قطار في العالم ...!!!

حادث قطار " كلاكيت المرة المليون "

الكلمات الدلالية لهذا الموضوع

المفضلات

المفضلات

ضوابط المشاركة