سواقة السيدات

**merosss** · 27-10-2009 06:40 AM

انا لسة شايف حادثة خطيرة كانت هتحصل بسبب واحدة ست على طريق المرصد فى حلوان (الى ميعرفوش دة طريق اتجاهين و كلة ملفات جامدة ) واحدة ست سايقة تويوتا ياريس و لسبب ما ماشية فى نص الطريق واخدة نص الحارة بتاعت الى جى فى وشها لية معرفش وكان فى واحد سايق لانوس جاى فى وشها ودى ولا اى حاجة داخلة فية بردة والراجل مكنش ينفع يروح فى حتة ماشية فى النص لحد قبل ما تخبط فية بالضبط كسرت جامد جدا وكانت هتطلع فوق الفاصل وتدخل فى الصحراء المفروض يعملوا يافطة قبل المرصد ممنوع دخول السيدات

**helmy537** · 27-10-2009 08:42 AM

انا شديت مع بنت مره فى المنصوره البنت كانت بتعدى بين العربيات كانها فى اتوكروس وقلب مافيش بعد كدا جامده جامده جامده فى كل حاجه

**Dodo2009** · 11-12-2009 09:06 PM

فاكرين يا رجالة ان احنا مبسوطين بالسواقة اوى اهى ارحم من المواصلات واحنا مش داخلين استعراض شطارة وبعدين سيبتوا الميكروباص وعربيات الكارثة (الجمعية التعاونية) وجايين على الستات وبعدين اغلب الحوادث بيكون السواق راجل وما يقع الا الشاطر والسواقة مالهاش كبير ولا حريف

**Dodo2009** · 15-12-2009 06:41 PM

انا سيدة ولسا بتعلم السواقة جديد عندى مشكلة فى الملفات كل ما اجى الف يو تيرن ستين فى المية اخبط فى الرصيف او اطلع فوقة الحل انى اخد الملف على الواسع كانى عربية نقل بمقطورة ودة مش متوفر دايما ياريت لو حد عندة اقتراحات للمساعدة

**yoko** · 15-12-2009 06:46 PM

المشاركة الأصلية كتبت بواسطة merosss

انا لسة شايف حادثة خطيرة كانت هتحصل بسبب واحدة ست على طريق المرصد فى حلوان (الى ميعرفوش دة طريق اتجاهين و كلة ملفات جامدة ) واحدة ست سايقة تويوتا ياريس و لسبب ما ماشية فى نص الطريق واخدة نص الحارة بتاعت الى جى فى وشها لية معرفش وكان فى واحد سايق لانوس جاى فى وشها ودى ولا اى حاجة داخلة فية بردة والراجل مكنش ينفع يروح فى حتة ماشية فى النص لحد قبل ما تخبط فية بالضبط كسرت جامد جدا وكانت هتطلع فوق الفاصل وتدخل فى الصحراء المفروض يعملوا يافطة قبل المرصد ممنوع دخول السيدات

انا عارف الطريق ده (إبن تييييييييييييييييت) وأنا بصراحة بفضل أطلع من طريق المصانع (أرحم كتير)

المشاركة الأصلية كتبت بواسطة dodo2009

انا سيدة ولسا بتعلم السواقة جديد عندى مشكلة فى الملفات كل ما اجى الف يو تيرن ستين فى المية اخبط فى الرصيف او اطلع فوقة الحل انى اخد الملف على الواسع كانى عربية نقل بمقطورة ودة مش متوفر دايما ياريت لو حد عندة اقتراحات للمساعدة

شوفي يو تيرن فاضي قريب من البيت وخديه كذا مرة لحد ما تحفظي أبعاد العربية ودايما سيبي مسافة حوالي ربع متر بينكوبين الرصيف ومتكسريش العجل جامد وإنتي بتلفي حتى لو حد كسر عليكي سيبيه يعدي لكن متكسريش العجل أكتر من ما كنتي داخلة

**sarah5** · 15-12-2009 08:06 PM

انا شخصيا كبنت ساعات كتير بضايق لما الاقي ست قدامي او جمبي سايقة ببقي عايزة اطلع من جمبها باي طريقة بس ده كان في البداية لكن لما لفيت كتير وسوقت كتير عرفت انه مش كده خالص
في بنات كتير اوي بتسوق كويس جدا
وبغض النظر عن فكرة السرعة والتهور في رجالة كتير جدا مبتعرفش تسوق يعني معندهاش مهارة السواقة ونفس الفكرة في البنات
انا شايفة ان الموضوع ده نسبي جدا مش شرط عشان ست يبقي مبتعرفش تسوق ومش شرط عشان راجل يبقي بيعرف يسوق
لان في النهاية السواقة دي شخصية

**Terrible_DaRsH** · 15-12-2009 08:12 PM

مبيدايقنيش غير انك تلاقى واحدة بتعمل حواجبها و هى ماشية وواحدة بتحب فى الموبايل و هى ماشية على 70 \ 80 ..

غير كده اللى مش عايز مشاكل يبعد .

**MoHaMed HaMeD** · 15-12-2009 09:02 PM

انا الى بضيقنى ف سواقه الستات ماشيه ع الشمال بسرعه 60 اقلبلها نور يكنها عايزه تقولى اضرب راسك ف الحيط

ثانيا الى بتتكلم ف الموبيل ودول كثير اوى بالذات عن الجامعه

**mhkash** · 16-12-2009 12:44 PM

سواقتهم سيئة جدا جدا
ممله دايما و بعضهم متهور جدا و ربنا يرحمنا منهم

-

الموضوع: سواقة السيدات

LinkBack

أدوات الموضوع

عرض

-

-

-

-

المواضيع المتشابهه

وما أدراك ما قياده السيدات ...

الفتيات و السيدات ( الحذر )

هل السيدات فى مصر بيعرفوا يسوقوا!؟؟

ما رأيكم فى سواقه السيدات....!!!؟؟؟

ايه رأيك في سواقه السيدات في مصر ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة