الموضوع: سواقة السيدات

المشاركة الأصلية كتبت بواسطة sarah5

انا شخصيا كبنت ساعات كتير بضايق لما الاقي ست قدامي او جمبي سايقة ببقي عايزة اطلع من جمبها باي طريقة بس ده كان في البداية لكن لما لفيت كتير وسوقت كتير عرفت انه مش كده خالص
في بنات كتير اوي بتسوق كويس جدا
وبغض النظر عن فكرة السرعة والتهور في رجالة كتير جدا مبتعرفش تسوق يعني معندهاش مهارة السواقة ونفس الفكرة في البنات
انا شايفة ان الموضوع ده نسبي جدا مش شرط عشان ست يبقي مبتعرفش تسوق ومش شرط عشان راجل يبقي بيعرف يسوق
لان في النهاية السواقة دي شخصية

بغض النظر عن مين اللي سايق راجل و لا ست , أحنا مافيش عندنا في مصر قانون مرور و لا قواعد سليمة بنأخد علي أساسها الرخصة علشان كده القيادة في مصر "هم مم ترانس مراجيح" و ماشيين علي مبدأ واحد وهو "عك و ليس كله كويس" و لا أستطيع أن أدعي أني بأسوق كويس و بألتزم و أن كنت بأبذل أقصي جهد لذلك لأني لازم في بعض الاحوال أساير الشارع أو الطريق اللي أنا ماشي فيه و ألا هأعرض سيارتي لدمار شامل كامل من فهلوية الطريق و اللي فاكرين نفسهم بيفهموا و بيعرفوا يسوقوا "الهبل في الجبل"

المشكلة زي ماقولت مش في ست أو راجل أو ولد أو بنت المشكلة أن لو فيه قانون بيتم تطبيقه منذ اللحظة الاولي لركوب السيارة بغرض التعليم و أستخراج رخصة القيادة و أنتهاء بالقيادة في الشارع لكان الامر أختلف تماما و لم نكن لنشعر بأن اللي سايق راجل أو ست

بما أن السواقة في مصر ماشية بمبداء سيادة القوى & القتـاكة وفي النهاية البقاء للأصيع ...
فشئ طبيعي أن الستات مش هيعرفو يتعاملو مع هذه المعركة اليومية .فديما بطبيعة المرأة هتلاقيهم واخدين سلوك دفاعي تماماً (مثلاً هتلاقيها ماشية على حافة الطريق بسرعة السلحفاة).لأنها لو مكانش عندها الميول العدوانية ودخلت في خضم المعركة سيتم فرمها وسحلها تماماً...