سواقة السيدات

**abo_lamar** · 24-10-2009 11:42 PM

السلام عليكم ورحمه الله و بركاته

ايه رأيكوا يا شباب في سواقة السيدات اللي في مصر ؟؟؟
والله العظيم انا لما بشوف سيدة بتسوق العربية بحاول على قد ما أقدر اني ابعد عنها لأن للأسف معظم السيدات ما يقدروش على السواقة بقلب جامد ولازم تلاقي السيدة او الفتاة سايقة عربيتها على 20كم في الساعة وطبعا ده حيلخبط الشارع كله وراها وممكن يخليها تسمع سباب و شتائم من الناس اللي حواليها , عشان كده المملكة العربية السعودية بتمنع قيادة السيدات للسيارات وده بعتقد احسن قانون مرور عندهم ... ولا ايه رأيكم ؟؟

**a7mode** · 25-10-2009 12:08 AM

سواقه السيدات = ملل = عطله = قلب ضعييييييف = كعبله لحركه المرور فى الشارع

بس مش كلهم بردو .. انا 3 مرات شديت مع بنات وكانو كويسين جدآ ومعلمين فى السواقه بصراحه ههههههه بس اتفرمو فى الاخر بردو عادى ههههههههه وعندى اختى كمان فظيييعه تخاف تركب جمبها هههههههه

**yahiahelaly** · 25-10-2009 12:13 AM

هوة معظهم سواقتهم وحشة بس مش كلهم لدربجه ان من بعييييييييييد اقدر اقول ان واحده هية الي سايق

**mostafa3000** · 25-10-2009 12:18 AM

احسن حاجة تعملها لما تلاقي واحدة ست سايقة جنبك
انك تعتبرها سيارة اسعاف متحاولش تقرب منها او تمشي وراها وسيبها تعدي واتحسبن في سرك

**maka** · 25-10-2009 02:00 AM

مش للدرجة فيه ستات كتيير بتسوق بنظام احسن من الرجلة

**remomemo** · 25-10-2009 02:08 AM

والله لو كل رجالة مصر جابو لبناتهم ومراتتهم سواقين خلاص مين ميتمناش يتدلع بس من فضلكم قبل ما تقولو سواقتهم وحشة فكر الف مرة ان اختك ممكن تركب مواصلات انت ماترضلهاش اللى ممكن يجرلها فيها ولا ايه يا رجالة ؟؟؟؟؟؟؟؟؟؟؟؟؟؟؟ اللى نزل بنت تسوق هو راجل موش فاضى يوصلها وانا اتحدى اى حد عربيته اتخبطت ويقولى نسبة الستات اللى عوروله عربيته اد ايه من نسبة الرجالة
او انا بتوهم ان اللى بيسوق الميكروباص ست لابسة راجل
عفوا لو كلامى بايخ شوية بس بجد انا موش فاهمة انتو ليه ما تعملوش موضوع ثابت عن سواقة الستات وتخلصو كل شوية واحد يكتب فى الموضوع ده زى ما يكون اكتشاف ؟؟؟؟؟

**maka** · 25-10-2009 02:18 AM

المشاركة الأصلية كتبت بواسطة remomemo

والله لو كل رجالة مصر جابو لبناتهم ومراتتهم سواقين خلاص مين ميتمناش يتدلع بس من فضلكم قبل ما تقولو سواقتهم وحشة فكر الف مرة ان اختك ممكن تركب مواصلات انت ماترضلهاش اللى ممكن يجرلها فيها ولا ايه يا رجالة ؟؟؟؟؟؟؟؟؟؟؟؟؟؟؟ اللى نزل بنت تسوق هو راجل موش فاضى يوصلها وانا اتحدى اى حد عربيته اتخبطت ويقولى نسبة الستات اللى عوروله عربيته اد ايه من نسبة الرجالة
او انا بتوهم ان اللى بيسوق الميكروباص ست لابسة راجل
عفوا لو كلامى بايخ شوية بس بجد انا موش فاهمة انتو ليه ما تعملوش موضوع ثابت عن سواقة الستات وتخلصو كل شوية واحد يكتب فى الموضوع ده زى ما يكون اكتشاف ؟؟؟؟؟

يا remomemo متزعليش نفسك الموضوع ابسط من كده ده مجرد فكاهة ودردشة

**yahiahelaly** · 25-10-2009 03:10 AM

على فكره انا ليا موقفين مع ستات في السواقه عمري مهنساهم
1-قبل ماتعلم السوقه شوفت مدام بتسوق وابنها على رجلها بيبي صغير بتاكله من البيبرونة والله صعقت وبلمت بلرغم من قلبها الميت على ابنها الي انها كانت ماشية تمام
3-بنوتة معاها كوبية كاتبة على الازاز من وراه تقريبا فكك مني بلفرانكوا وبتشد عل الاوتو ستراد ومعرفتش اجبها