ممكن يا شباب اعرف الطريق من حلمية الزيتون لمدينة 6 اكتوبر اروحه ازاي بالعربية عشان ان شاء الله بعد عمر طويل لما الحكومة تصدق وعدها وتديني شقة اسكان الشباب هناك اعرف السكة لوحدي:shyy:
عرض للطباعة
ممكن يا شباب اعرف الطريق من حلمية الزيتون لمدينة 6 اكتوبر اروحه ازاي بالعربية عشان ان شاء الله بعد عمر طويل لما الحكومة تصدق وعدها وتديني شقة اسكان الشباب هناك اعرف السكة لوحدي:shyy:
بص يا باشا اطلع من شارع ابن الحكم علي ابوبكر الصديق ثم يمين صلاح سالم واطلع كوبري اكتوبر ثم يمين كوبري15 مايو لحد ميدان لبنان واطلع المحور الي 6 اكتوبر وفي طريق تاني خد الدائري من موقف العاشر لحد ميدان الرمايه يعني من اوله لاخره وبعدين اركب المحور نفس الطريق شوف ايهم اقرب ليك وطريق السلامه
كلامك صحيح بس في طريق اقصر.
ممكن تاخد جسر السويس من عند التجنيد لحد جامعة عين شمس وبعدين تكسر يمين ( يعني جامع النور يبقى على ايدك الشمال ) وتفضل على طول لحد ماتلاقي فتحة كوبري اكتوبر بتاعة غمرة ةتطلعه لحد فتحة كوبري 15 مايو اللي هتفضل فيه على طول لحد اكتوبر...
لو انت قريب من الدائرى خده لغاية طريق الوحات عند دريم لاند وتدخل من مدينة الفردوس هتلاقى اسكان مبارك الجديد وهو اتعمل منه كتير عمارات وهو اخر الدائرى
او تاخد اكتوبر من رمسيس وتنزل النزلة اللى ع اليمين هتوصلك بكوبرى مايو والمحور واول ماتطلع المحور تاخد الدائرى اتجاه الهرم واسكندرية الصحراوى هتبقى على اليمين وتكمل للاخر دريم الفردوس اسكان مبارك
الف الف شكرا ليكو على الوصف الدقيق