عرض للطباعة
ان شاء الله انا بفكر اعمل مشروع صغير مع صديق لى بس مش عارفين نقرر
الفكار كل شوية تتغير ومش عارفين نستقر على فكرة معينة
يعنى انا مثلا معجب جدا بفكرة ورشة اصلاح وبيع وتركيب - كاوتش للسيارات
" بيع جنوط - بيع كاوتش - اصلاح كاوتش - ظبط زاوايا ............. ""
ووهو معجب بفكرة تانية خالص وبعيدة عن الموضوع ده وهيه " دراى كلين "
انا طالب من حضارتكم لو حد عنده افكار جديده از تجارب فى مشاريع قام بيها ياريت يقولى
وشاكر ليكم مقدما
www.shabayek.com
لازم تزور الموقع دة وكلنا لازم نزورة وقولي على رأيك
الموقع مش شغال :oops:اقتباس:
المشاركة الأصلية كتبت بواسطة bimmeraddict
دى ممكن يفيدك اوى فيها درش, بما انه عنده مركزين لظبط الزوايااقتباس:
يعنى انا مثلا معجب جدا بفكرة ورشة اصلاح وبيع وتركيب - كاوتش للسيارات
" بيع جنوط - بيع كاوتش - اصلاح كاوتش - ظبط زاوايا ............. ""
ليه متفكرش فى حاجة franchise؟ زى مطاعم الfast food او المطاعم المشهورة عندكم فى اسكندرية
فعلا فكرت فى الموضوع ده وقعد مع ناس فيه بس هما ليهم شروط معقدة جدا ومن اهمها المكان لازم يكون مميز وده طبعا حيكون ايجاره غالى جدا جدااقتباس:
ليه متفكرش فى حاجة franchise؟ زى مطاعم الfast food او المطاعم المشهورة عندكم فى اسكندرية
موقع ظريف جدا .. وواضح ان صاحبه يمتلك من خبرات الحياة الكثيراقتباس:
ايه رأيك تحاول تبقى موزع معتمد لمحل زى سبير كار فى اسكندرية؟
يعنى يبقى اسمك سبير كار, و تاخد من انتاج مصنعهم فرش السيارات و الكماليات اللى عندهم
فعلا فكرت فى الموضوع ده وهو انى افتح معرض اكسسوارات سياراتاقتباس:
المشاركة الأصلية كتبت بواسطة معاذ الشرباصى
بس مفكرتش فى موضع الموزع المعتمد ده ..
وبحكم ان ليا اصدقاء شغالين فى الموضوع ده فى اسكندرية (اكسسوار السيارات) شايف ان الموضوع كبير وعايز حد فاهم فيه كويس قوى
شاكر ليك يا أ/ معاذ على اهتمامك
افتح محل كمبيوتر و ابقى موزع لمشروع حاسب لكل بيت و حاسب لكل طالب و الحاجات دى زى شركات مترا و سنترا الخ...
او افتح صيدلية, لو تعرف صيدلى, بتتفق معاه على مبلغ شهرى, و تكون الصيدلية بأسمه, و الادوية من الحاجات المربحة جدا
لا شكر على واجب, يعنى احنا بنفكر مع بعض بصوت عالى
ربنا يوفقك و توصل لفكرة جميلة
بس عامة انا احبذ فكرة الكاوتش عن الدراى كلين لو هما دول الفكرتين الاساسيتين
المشروع نمرة 1 دلوقتي في مصر
قدم علي أراضي القرعة
:mrgreen: :mrgreen: :mrgreen:
طيب انت بتتكلم في كام كبداية راس مال
مبدئيا 50,000 حنيه (اجمالى)اقتباس:
المشاركة الأصلية كتبت بواسطة الريس
مفيش حد عنده افكار
رأس المال زاد بقى 100.000
ياريت اللى عنده فكرة مايبخلش بيها
أستاذ / ميدو
التفكير فى مشروع بيحتاج شوية خطوات علشان تبقى ماشى صح منها وبقول منها مش كلها :-
1) رأس المال.
2) مدى التفرغ (يعنى مخصص له وقت قد إيه).
3) المكان.
4) إدارة المشروع فرد واحد ولا عدد من الشركاء.
5) بتفكر فى مشروع محتاج عماله ولا عاوز حاجه تعملها لوحدك وبدون ما تحتاج لعدد كبير يساعدك.
* فكر فى دول وكلنا معاك وبإذن الله نوصل لفكرة كويسه.
متابع بإهتمام
ده كلام الناس البزنسيه كلام جميييييييييل وطبعا متنساش تعمل دراسة جدوى للمشروع بتاعك بس كلو متوقف على المحل اللى هتخدو يعنى بعد ما تقرر ماكن المحل سعتها هتعرف تعمل دراسة جدوى يعنى مثلااقتباس:
المشاركة الأصلية كتبت بواسطة mobitic
المحل فى منطقه شعبيه وجنبيه قهوه مثلا يبقى ينفع محل فول وطعميه انا بقول مثلا ممكن تفتح ورشة تصميم سيارات متكامله يعنى ورشه فى سمكرا ودوكو ومكنيكى وسروجى وكلو وتبقى ورشه للديزين بدل ما الشباب بيدبهدلو بره عند ده وعند ده لاء فى مكان واحد يعمل اللى هعو عاوزو وبردو متستعجلش اهم حاجه الصبر واستخير بنا
اسفى على تأخرى فى الرداقتباس:
المشاركة الأصلية كتبت بواسطة mobitic
كلام حضرتك علمى ومنطقى جدا جدا
وفعلا انا عامل حساب الكلام ده كله
- بالنسبة للتفرغ حيكون ان شاء الله موجود بالتبادل مع شريكى
- اما المكان فهو مرتبط بالنشاط - يعنى لو ورشه كاوتش
لازم حكون بفكر فى مكان عليه ضغط عربيات معقول , مكان انتظار مناسب , مساحة معقولة , ايجار مناسب
- برده العماله مرتبطة بالنشاط ومدى احتياج النشاط لها
شكرا للتواصل
كلام حد فاهم بيزنس كويساقتباس:
المشاركة الأصلية كتبت بواسطة toteman
الله يفتح عليك
بص ياميدو انا متحمس جدا للكافيه
مشروع مربح والي حد الما مش مرهق اوي
حبيب قلبي محمد بيك الطويل
واحشني كتير واتمني اشوفك قريب علي خير
بس انا كان ليا تعليق صغير علي موضوع الشروع احب اقولهولك
متشتغلش في اي مجال مهما كان غير وانت عندك خبره فيه حتي لو مش 100%
بس علي الاقل تبقي علي المام بمراحل الشغل كلها حتي لو مش انت اللي حتعملها بايدك
علشان لا قدر الله فرضا حصل ظروف والشريك حب يصفي الشركه وفي الحاله دي انت حتغرق
او حد من العمال عمل حاجه غلط وانت معندكش الخبره علشان تقدر تميز مستواها
او عامل ساب الشغل فانت بكده حتقع تحت رحمته لانك مش حتعرف تدير المكان من غيره
فلو انت ناوي علي مشروع معين ومعندكش خبره فيه مش عيب انك تنزل تدريب عند اي حد من صحابك يكون فاتح نفس النشاط واقعد معاه تابع حركه الشغل وطريقته
وايا كان المشروع اللي حتعمله سواء براس مال كبير او صغير
فحذاري انك تعتمد علي خبره شخص اخر بشكل كامل
اقتباس:
المشاركة الأصلية كتبت بواسطة shnory
حمـــــــــــــــــــــــ ـــــــــــــــــــادة
ازيك يا صديقى اخبارك ايه ,,,, واحشنى والله
شكرا يا غالى على النصائح المهمة دية
بس احب اطمنك ان افكارى نابعة من معاشرتى لأصدقاء يعملون فى نفس المجال اللى بفكر فيه
سواء مشروع الكاوتش " عندى فكرة كبيرة جدا عنه واقدر اقوم بكل الاعمال اللى بتتم على المكن الخاص بيه ’ ده حتى لو غسيل وتشحيم سيارات الحمد لله اقدر اقوم بيه على احسن وجه "
نفس الكلام بالنسبة للمشروعات الاخرى
بس هيه الفكرة فى المشروع اللى ابدأ بيه
اقتباس:
المشاركة الأصلية كتبت بواسطة mido777
والله وانت كمان واحشني كتير يا باشا
بس واضح ان المولوده الجديده واخداك مننا
بس يا سيدي من منطلق خبرتي القليله في عمل اي مشروع بغض النظر عن نشاطه
بما انك حتبدا تجرب في مكان مثلا محدش عمل فيه النشاط ده قبل كده
يبقي تحاول انك تبدا باقل امكانيات فرضا انها حتكون تصليح الكاوتش
وواحده واحده تبدا تزود علي حسب امكانيات ومتطلبات اهل المنطقه او روادها وساعتها حتقدر تحدد ايه اللي ممكن تزوده وبانهي كفائه
لان دلوقتي وضع السوق بقي صعب ومش مضمون
لو حتدخل في مكان كله شغل وحركه لنفس النشاط حتدخل بطريقه من اتنين
يا حتدخل بطريقه انا عاوز اكل عيش وخدوني تحت جناحكم ودي في حاله لو انت داخل وسط حيتان وحتلاقي اللي يساعدك فيهم ويسندك
يا اما تدخل بتقل وتنافس بس دي فيها خطوره لانهم ممكن في يوم وليله تلاقيهم بيبيعوا باقل من السعر اللي انت بتاخد بيه في الجمله والحركات دي حصلت قدامي كتير في السوق
زمان يا محمد لما كان حد بيعمل مشروع كان بيحط الفلوس علشان يلمها تاني من ربحه ويلم فوقها ويفتح فروع ويشتغل
دلوقتي الواحد بيعمل المشروع علشان يطلع مصاريف متطلبات الحياه ويحقق ذاته كشخص قادر انه يشتغل وينتج وانا بتكلم عن نفسي علشان محدش يرد ويقول انت بتتفذلك وعامل فيها محلل اقتصادي
وطبعا ان كان دا ولا دا فالرزق بتاع ربنا وكل دي قواعد مش ثابته
ومن رايي بعد الرغي بتاعي دا كله انك تبدا بالحاجه اللي انت بتعرف فيها اوي وتقدر تشتغلها بدون اي عماله غيرك
طبعا حيكون فيه عماله بس تحت نظرك علشان العامل لما يلاقي صاحب المكان بيقوله دي بتتعمل بالطريقه الفلانيه وانت عملتها غلط وتضطرك الظروف انك تقوم تعملها بايدك قدامه يبقي ساعتها فاهم انك صاحب مكان بالخبره مش بالفلوس
وعموما تعالي غرمني واحد قهوه في اي حته ونتكلم براحتنا
بس حتبقي تحفه وانت الاسطي محمد هههههههههههههه
ربنا يقويك ويزيدك وتبقي صاحب اكبر مركز صيانه في القاره كلها
مركز تلوين دهانات بالكمبيوتر
و الشركه اللى هتاخد توكيلها هى اللى هتظبطك و توقف على رجلك
أستاذ ميدو
واضح ان عندك ميل لمشروع الكاوتش
هوا عموماً مشروع ناجح فى حالة اختيار المكان المناسب
بس فى نقطة عاوز اوضحها ليك
اصلاح الكاوتش مش مشكلة
انما لو فكرت فى بيع الكاوتشات فى لازم تحط فى دماغك انك معظم البيع عندك حيكون بيع آجل وخصوصاً لعربيات النقل والميكروباصات وكده
دول معظمهم إن لم يكن كلهم بيشتروا بالآجل طبعاً لأرتفاع أسعار الكاوتشات
فلو عندك النية انك تبيع بالآجل يبقى توكل على الله ولو انى ما انصحكش بيه فى بداية مشروعك
كمان ممكن تضيف له بيع وشحن البطاريات
لو بتفكر فى مشروعات تانية قول ولو اعرف عنها حاجه مش هتأخر معاك
سؤال
مبتفكرش ليه فى مشروع بيع قطع غيار واكسسوارات وكماليات وليكن فى الفيات والشاهين؟ خصوصا ان رأس المال اللى عندك كويس جدا كبداية للمشروع
المشروع ده عن تجربة غير شخصية مربح إلى حد كبير بشرط اختيار المكان المناسب
وربنا يوفقك