بين( الاكسنت) و(كيا ريو)

**hesham70** · 25-10-2009 06:15 AM

ارجو افادتي افادكم الله -(ولاخاب من استشار) ان شاء الله نواي علي عربيه زيرو وكالعاده مثل الذين سبقوني في اشد الحيره في الاختيار ولذلك حددت مقياس اختياري وارجو النصحيه وبعد.. كده .سوف اتوكل علي الله في الاول والاخر واخلص
1-عاوز عربيه عائليه
2-اتوماتيك
3-في حدود 85000 جنيه

ولذلك لقيت تقريبا (الهيوانداي الاكسنت )و(الكيا ريو ) بيتحركوا في نفس المقايس ولا انا غلطان ارجو الافاده .....والمساعده؟

**momopersona** · 25-10-2009 08:27 AM

انا رأيى شوف بروتون برسونا فى الحدود دى تقريبا و عربية جامدة جدا
بس لو ماعجبتكش يبئا كيا ريو

**Vendetta** · 25-10-2009 08:57 AM

أنا عندي نفس المشكلة، وكتبت موضوع مشابه جدا لموضوعك بسأل تقريبا نفس السؤال. وأعضاء كتير مشكورين ساعدوني في إجابة السؤال ده. شخصيا أنا ميال للأكسنت. أسبابي و تحليلي للإختيار ده هتلاقيها هنا
http://www.nilemotors.net/Nile/10229...s-persona.html

يا رب تكون بفايدة.

**momopersona** · 26-10-2009 03:45 AM

غريبة مع ان تقييماتك كلها كانت لصالح البرسونا
نصيحة يجد يلاش هيونداى ولو مش عاجباك البرسونا خليك فى الريو
عشان الاكسنت عفشتها وحشة اوى و خاماتها اوحش من الاتنين
خش على اقسام ال 3 عربيات واعرف مشاكلهم قبل ماتشترى عشان ماتتصدمش بحاجة
هتلائى المشاكل هى
1-البرسونا : عيوب فى الكماليات مثل زراير الدريكسيون اللى بتتحكم فى الكاست و وحدة رفع الزجلج الخلفى فقط وصوت تزييق فى القفل بتاع الكنبة اللى بتتقفل وتتفتح وكل المشاكل ديه بتتحل فى التوكيل طبعا
2- الاكسنت : العفشة بتخبط من قدام وبتتنطط من ورا وعدم الثبات فوق ال 100 وسوء الخامات وطبعا دى مشاكل ماتتحلش فى التوكيل وحتا لو ليها حل ده غابوووووووور وعدم وجود اى وسائل امان وصاج خفيف
3- الريو : اقلهم مشاكل لكن مساعدين غير معمرة وموتور اقل من الاكسنت والبرسونا 1400 سى سى فقط والثبات مش عالى بعد ال 130

مزاياهم :
1- البرسونا : موتور قوى 110 حصان واداء عالى وسحب قوى رغم وزن السيارة المبالغ فيه و ثبات عالى جدا على السرعات العالية حتى 180 بسبب العفشة الرياضية اللى اتعملت بمساعدة شركة لوتس الانجليزية اللى بتعمل البوجاتى وغيرها كتيير من سيارات السباق وكماليات اكتر بكتيير والشكل طبعا انت اكيد شوفتها وصاج قوى جدا والاهم من كل حاجة وسائل الامان كلها متوفرة فيها
2- الاكسنت : موتور قوى 110 حصان بردو وسحب قوى جدا جدا وهذا بسبب قلة وزنها - نعومة الباور والفتيس والدواسات (ناعمة اوى فى السواقة بجد)- صالونها مريح جدا
3-الريو : ماسوقتهاش الصراحة لكن اللى اعرفه ان احسن حاجة فيها ان هى اقتصادية ومافيهاش مشاكل خالص
شوف انت ايه اولوياتك واتوكل على الله واشترى ولا تنسى الاستخارة

**M.ABDEEN** · 26-10-2009 02:08 PM

الريو كتقفيل وجودة وثبات ووسع خاصة الشنطة وكمان توكيل كويس لكن يعيبها انها 1400 فهي اقلهم وكمان سعرها مبالغ فيه شوية ونصيحة طلع الاكسنت من الحسابات هنا خلييك مابين البيرسونا والريو

**ezzatfox** · 27-10-2009 10:16 AM

الاستاذ momopersona حضرتك متحامل على الاكسنت مع انك مجربتهاش .. هتقولى دة كلام ملاكها .. هقولك اسف حضرتك اخترت كلام اتنين من وسط مية واحد معاة العربية و حكمت ان كل الاكسنت عفشتها وحشة و بتخبط من قدام . يا ريت قبل ما تقول حاجة تتحرى الدقة عشان متأذيش حد بمعلومة غلط . عفشة الاكسنت ناشفة شوية فعلا .. انا معاك ، بتتنطط من قدام - دة بيحصل على السرعات العالية لما العربية تعدى على فواصل بارزة و دة بيحصل فى كل العربيات بس الاكسنت عشان مساعدينها غاز الموضوع بيبان فيها اكتر و فى نفس الوقت الكلام دة مبيأثرش على ثبات العربية ، و العربية لغاية 140 ثابتة - موضوع ان العفشة بتخبط من قدام دة مش مظبوط نهائيا ، الكلام دة لو حصل مع حد ممكن يكون مركب جنوط مش مناسبة لحجم العربية او ان عربيتة مستهلكة بعض الشىء او تحتاج لتغيير قطع غيار تم استهلاكها . و فى نفس الوقت لو بصيت على عفشة الجين او البيرسونا هتلاقى مساعدينها غاز بردة و عفشتها ناشفة و يمكن انشف من الاكسنت - و ملاك بروتون معترفين بكدة و قالوا ان دة ميعتبرش عيب لان دة ضريبة الثبات - و دة كلام مظبوط - اشمعنا بقى فى الجين بقى ضريبة الثبات و فى الاكسنت بقى عيب قاتل ؟؟؟؟؟ لو كل الناس هتتعامل بنفس منطقك هيطلع واحد يلم كل الشكاوى الفردية اللى ظهرت فى البيرسونا و الجين و ما اكثرها و هيقول كل البروتون كدة و دة اسلوب مش صح . و بعدين لما حضرتك تقول ان خامات الاكسنت اقل من خامات البيرسونا فدة تحيز واضح جدا و كدة الكلام مبقاش موضوعى خالص . تصحيح اخير: ماتور الاكسنت 112 مش 110 و صاج الاكسنت مش خفيف بالعكس .

**Ahmed.TV** · 27-10-2009 02:33 PM

انا بحترم النيو اكسنت بصراحة وكنت اتمنى ان اغبور يعمل حاجة صح ويسيب العربية تنزل بكماليات اكتر من فوجات وجنوط والاهم نفسى تنزل بجد بوسائل امان خصوصا فرامل abs ساعتها العربية حتكون قنبلةةةةةةةةةةةةة

**mzda** · 28-10-2009 08:52 AM

المشاركة الأصلية كتبت بواسطة momopersona

يا راجل يعنى كل الناس دى بتكدب http://www.nilemotors.net/Nile/91336-new-accent.html
كله بيشكره وبيحاول يوجد حلول معاه ولا ايه
على فكرة انا عمرى ماتحاملت على عربية الا لما بأقتنع ان هى وحشة فعلا فأحاول افيد الناس وعلى فكرة انا مليش اى فايدة لئنى من اكتر الاسباب اللى خلتنى اشترى جين 2 هو عدم انتشارها عشان انا بأحب التميز
بعدين فعلا خامات هيونداى رديئة جدا شوف التابلوه البلاستيك اللى باطبل عليه ساعات وبعدين ابئا رد على كلامى
ال 110 حصان اهو من موقع cars كمان 2010 Hyundai Accent Standard Equipment and Specs

و على فكرة فى فرق كبير قوى بين العفشة الناشفة اللى بتتنطط وعفشة الجين2 الناشفة عشان رياضية زى الكوبيه عشان الثبات يبئا عالى انما عفشة الاكسنت خفيفة اوى حتى دوس على الشنطة هاتلائيها بتتنطط اكن المساعدين بايظة وده بيقلل الثبات يعنى اما ااخد مطب هواء على 140 والعربية من وره تنط ده اكيد هايقلل تحكمى جدا فى العربية والخبطة اللى قدام لئولها حل وهو تغيير الصدادات بتاعة المساعدين الامامية لئنها بلاستيك احدى الخامات الرديئة اللى فى العربية
و بجد انا مش عارف بتدافعوا عنها ازاى حرام عليكوا بجد
فيدوا الناس ومش لازم تبئا عربيتكو احسن عربية

علي فكره انت متحامل اوي علي العربيه مع انك معالك الفرنا وما ادراك ما الفرنا وكمان الموضوع بتاع المهندس مروان بيعمل تعديلات علي العربيه عشان يحسن من ادائها وده ما يقلليش من العربيه كمان هو في صفحه 6 بيرد علي احد الاعضاء محتار بين الاكسنت والافيو والفيرنا وقالو بالحرف الواحد الاتي

المشاركة الأصلية كتبت بواسطة Marwanelbendary

اشتري نيو أكسنت وريح دماغك و توكل على الله
وهاقولك سبب واحد

النيو أكسنت هي اخر جيل تم انتاجه حاليا أكسنت الجيل الرابع 2006 حتى الان (وهذا دلالة على جودتها)
الفيرنا اللي عندنا هنا في مصر هي أكسنت الجيل الثالث من2003 حتى 2005
و الفيرنا الفيفا هي أكسنت الجيل الثاني من 2000 حتى 2002
و الأكسنت اللي باحترمها جدا الجيل الأول صاحب السلسلة 95 حتى 99

النيو أكسنت صاحبة جائزة The Most Wanted Car 2006

بس عشان تبقى عربية تتكيف من سواقتها أكتر و أكتر اعمل التعديلات اللي احنا بنتكلم عنها

وكمان في حاجه هاسئل عليه بس مش عايز حساسيه انا عمري ما دخلت علي موقع سيارات كبير مثل cars ولا حتي yahoo ولا قيت حاجه عن بروتون ولا جين 2 خالص الشركه مش موجوده ضمن المصنعين ارجو التعليق

**momopersona** · 28-10-2009 09:21 AM

the most wanted car عشان رخيصة بره مصر
الاكسنت بره مصر رخيصة جدا وهنا فى مصر غالية اوى العربية دى لو بسعرها الحقيقى يبئا مش اكتر من 65 ألف جنيه نسبة الى اسعار بائى العربيات بره مصر وجوه مصر وطبعا ده الجيل الرابع فى الهيونداااى وانا فعلا معايا فيرنا بس مابشكرش فيها الصراحة غير فى سحب موتورها بس وفعلا بحس انى راكب عربية قديمة واللى بيسألنى بئولو اشترى لوجان احسن
حتة ان البروتون مش موجودة على مواقع اجنبية كتير ان
بروتون مابتنزلهاش عربيات فى امريكا لسة شركة مبتدئة فى صناعة السيارات بس ده طبعا مايعبهاش المهم العربية حلوة ولا لا وعن تجارب من الويرا لحد البرسونا عربيات حلوة جدا واكيد قريبا هاتبئا فى امريكا ولئن بروتون بتعمل عربيات صغيرة بس وهم هناك اهتمامهم بالعربيات الكبيرة بس

زى العربيات الكورى فى التمانينات و اليابانى فى السبعينات ده مايعبش اليابانى ولا الكورى شوف دلوائتى بئو ايه

واهو المهندس بيرد على واحد بيئولو اكسنت ولا افيو؟؟
الجين 2(البرسونا) الناس بتقارنها بالاوبترا وبتتميز فى حاجات كمان وبنقارنها بالصنى والالنترا والسيراتو القدام

بس خلينا واقعيين ونرجع لموضوعنا الاكسنت العفشة بتخبط من قدام ولا لا
وبتتنطط من ورا ولا لا
خامتها وحشة ولا لا
يعنى فيها عيوب صناعة فى العفشة وكمان هاتمشى فى مصر يبئا انسى والصراحة عفشة الفيرنا برقبتها
انا معايا الفيرنا عفشتها لا يعيبها الا النعومة المبالغ فيها على حساب الثبات بس
وعادى جدا ان ممكن شركة تحدث حاجة تطلع اوحش من اللى قبليها