بخصوص مشروع احلال العربيات القديمه فى مصر

**momo22** · 25-10-2009 09:56 AM

يا جماعه بخصوص مشروع احلال السيارات القديمه فى مصر دا بينطق على التكسيات بس ولا الملاكى كمان ولو بينطبق على الملاكى انا عندى لادا 2017 مو 1982 لو غيرت الموتور وكام حاجه كده يعتبروها جديده ولا ايه

**ahmdmagdy** · 25-10-2009 02:28 PM

مش هيفرق حاجه اهم حاجه سنه صنع السياره ملوش دعوه بالموتور
و اطمن مفيش احلال للملاكي استحاله في مصر الا لو اختياري او يعمل احلال قبل موديلات 1975

**momo22** · 25-10-2009 04:22 PM

شكر انك طمتنى انا كنت قلقان خالص

**velkouf** · 27-10-2009 04:53 PM

إحلال اية اللى انت جاى تقول علية انت عارف معنى الاحلال اية

إحلال يعنى خراب على فئة كبيرة من البلد بتستخدم عربيات موديل السبعينات و موش هتقدر على اقساط
هذة السيارات المحترمة سعرها هيرفع اضعاف لان البائع هيعتبر نفسة بيبيعلك زيرو

سعر العربيات اللى موش داخلة فى المشروع سعرها هيقل جامد و موش هتلاقى حد يشتريها

وبلاش اشاعات يا شباب مفيش احلال ولا اى حاجة من الكلام دة

والكلام دة من مصادر موثوق منها جدا

**sobhysm** · 31-10-2009 03:56 PM

المشاركة الأصلية كتبت بواسطة ahmdmagdy

و اطمن مفيش احلال للملاكي استحاله في مصر الا لو اختياري او يعمل احلال قبل موديلات 1975

أنت متفائل قوى لو فيه إحلال هيكون مش قبل 1980 وأنت نازل

**emad_ms** · 02-01-2010 06:16 PM

اناسمعت من مصدر شبة موسوق ان العربيات الملاكى الى عدا عليها25 سنة يتم ترخيصها لمالك السيارة ولا يجوز بيعها او نقل ترخيصها للغير ولا كن هذا القانون لم يطبق حتى الان وارجوا الايطبق

**Jimmy_lada** · 02-01-2010 06:33 PM

ولله اللى انا سمعته ان الاحلال ده فعلا هيتم يعنى كل سنة هيقولوا من موديل كذا لموديل كذا مش هيترخص لان العربيات الجديدة سعرها بدأ ينزل فعلا انا شفت الاسعار فى جرايد امبارح يعنى كل سنة هتنزل 10% لحد 2019 مش هيبقى فى جمارك واعتقد ان الاحلال ده هيكون كويس لان فى عربيات لسه من الاربعينات شغالة يعنى كفاية عليها كدا اوى