دنماركي يقبل الرسول(ص ) جبهته !!!

**human** · 06-11-2009 10:34 PM

معلش اصلى انا ساعات مش ببقى فاهم

هوه فيه حد مصدق الكلام ده!!؟؟؟

و هل عدم تصديقه ليه علاقه بديانه متلقيه؟؟؟

انا اعتقدو رأييى ان انا تم ايزائى بهذا الموضوع و ايذاء اى شخص يحمل بعض من التفكير و جادا انا مصدوم ان فيه ناس ممكن تصدق كلام زى ده

اللى واثق من دينه مش محتاج حاجات زيى ديه
الرحمه يا رب

هما مش كانوا منعوا المواضيع الدينيه؟!!

**Rembrandt** · 06-11-2009 10:45 PM

المشاركة الأصلية كتبت بواسطة human12

هما مش كانوا منعوا المواضيع الدينيه؟!!

لاء

هما منعو المواضيع السياسية فقط عشان فيها الحساب وقتى والاذى سريع , اما المواضيع الدينية سبوها عشان ربنا غفور رحيم والحساب فى الاخرة

**Dr Ahmed** · 06-11-2009 11:19 PM

مافيش كلام على النت ممكن أصدقه 100% من الأساس
وكل الكلام يتراوح بين التصديق والتكذيب تبعا لدرجة قبوله المنطقى والدينى والمعرفى
ولو قست الإيميل ده على الأسس اللى فاتت هميل لتصديقه أكثر من تكذيبه لإنى متأكد إن فيه ناس كتير بالذات فى أوروبا قلوبها بتهيم بحثا عن الحق فما أن تلقاه تتمسك بيه فورا
واللى أطلع منه من القصة دى إن شكلنا وحش قوى فى المقال وفى مناقشة الموضوع!

**نور القمر** · 06-11-2009 11:38 PM

طيب هنقول الموضوع كله متفبرك وصفوت حجازي مقلش حاجة زي كدة ولا حصلت من الاساس بنفس السيناريو

دلوقت الخلاف على ايه بالظبط
على عدم حدوث القصة ؟
ماشي متفبركة وانا اسفه على الموضوع

على امكانية رؤية النبي صلى الله عليه وسلم ؟
لا في ناس كتير بتحلم بيه عليه الصلاة والسلام

على ان الله يهدي من يشاء بغض النظر عن السبب في الهداية؟
طبعا مفيهاش كلام ولا حد له رأي تاني

**Dr Ahmed** · 06-11-2009 11:47 PM

المشاركة الأصلية كتبت بواسطة نور القمر

دلوقت الخلاف على ايه بالظبط
على عدم حدوث القصة ؟
على امكانية رؤية النبي صلى الله عليه وسلم ؟
على ان الله يهدي من يشاء بغض النظر عن السبب في الهداية؟

أقول لحضرتك - تبعا لوجهة نظرى
الناس من كتر ما اتبعت لها إيميلات عبيطة وللأسف أغلبها مواضيع تلصق بالدين- بفعل جهل أو سوء نية- أصبح كثير من الناس ممكن نقول بقى عنده "حساسية" من الإيميلات أو الأخبار دى لدرجة انها اتنقلت عندهم من مرحلة التفكير فى محتوى الإيميل إلى الصد والرفض من البداية ، وأنا عاذرهم ومش موافقهم لأن فيه لسه مرحلة وسط بين التصديق التام اللى كانت منتشرة فى أول عهد الموجه دى والتكذيب التام اللى شغال دلوقت.

**ahmed1981** · 06-11-2009 11:52 PM

أستاذ سعداوي لا تتلاعب بالكلام

المشاركة الأصلية كتبت بواسطة نور القمر

جايز جالي الاحساس ده عشان عارفه انك على ديانة غير الاسلام

المشاركة الأصلية كتبت بواسطة sa3dawy

اولا يا نور ... انا مسلم 100%
انا بس كنت بتكلم عن الموضوع من ناحيتة هوا (الرجل الدنيماركى ) ...

المشاركة الأصلية كتبت بواسطة أبومريم

سؤال مهم ياريت تفكر فيه كويس يا استاذ سعداوي: تفتكر ليه نور افتكرتك مش مسلم؟؟؟؟؟

المشاركة الأصلية كتبت بواسطة sa3dawy

مش عارف ..بس يمكن علشان غصب عنى الكلام بيتطلع منى حاد شوية ...
انت تفتكر لية يا ابو مريم ؟

أستاذ سعداوي
مفيش داعي للكذب
مش فارق معانا حاجة
لكن حضرتك مش مسلم
حضرتك مسيحي

ولو تحب تأكيد من كلامك شخصياً أجيبلك
والحقيقة أني تعودت أن أجد ردودك في أي موضوع إسلامي ردود إستهزاء وسخرية

طلب من حضرتك أن لا تستهزئ مرة أخرى في أي موضوع له علاقة بالإسلام
حتى لو كان متفرك مثل هذا الموضوع مع الإعتراف بحسن نية ناقله

تحب أفكرك بكلام كريم منير ليك آخر مرة إستهزأت فيها ؟
قالك (المرة دي هعتبره هزار سخيف)
فيما عدى ذلك لك وللجميع مني كل الإحترام

**ahmed1981** · 06-11-2009 11:58 PM

القصة قد تكون حقيقية وقد تكون غير ذلك
فأنا واقعت قصص أقوى منها

لكن الخطأ هو نقل مثل تلك الأحداث على المنتديات
فهو غير مناسب أبداً حتى لو كان الخبر سليم 100%

مع تأكدي تماماً من حسن نية ناقل الموضوع

فرجاءاً لجميع الأعضاء الإبتعاد عن نقل تلك المواضيع تماماً
فليس الإسلام بحاجة لنشرها

**الاشراف العام** · 07-11-2009 03:09 AM

المشاركة الأصلية كتبت بواسطة rembrandt

لاء

هما منعو المواضيع السياسية فقط عشان فيها الحساب وقتى والاذى سريع , اما المواضيع الدينية سبوها عشان ربنا غفور رحيم والحساب فى الاخرة

تعليقك من أظرف ما يمكن شكراً لك،،، ولكن يرجى عدم إتحافنا بمثل هذه التعليقات الظريفة مرة أخرى...

وللعلم الكلمة "سبوها" لا تعني الكلمة التي تقصدها أي لا تعني "تركوها" وفي هذا الكثير من التجني علينا ومع ذلك فنتفهم الأمر بسبب ضعفك في اللغة العربية كما سنتغاضى عن مخالفتك للقاعدة رقم 13 في حقنا،،

"ربنا غفور رحيم والحساب في الاخرة"!! .

**الاشراف العام** · 07-11-2009 03:27 AM

السادة الأعضاء الكرام،،

خرج الموضوع عن هدفه وهو نشر قصة أو رواية للعظة وتحول كما جرت العادة إلى حوار عقائدي!، وهو الأمر الذي يتعارض مع قواعد المنتدى، ولذلك فقد تقرر غلق الموضوع عند هذا الحد.

وشكرا لتفهمكم،،

المشرف العام