الموضوع: احنا عايزين إيه من المرور

كلام جميل جدا وجزاك الله خيرا


---------------------------------
برجاء ازالة اللون الأحمر من التوقيع
اللون الأحمر مخصص للمداخلات الإدارية فقط

ليه محدش فكر هو بيدى كام للحكومة وخصوصآ المرور عشان ياخد اللى هو عايزه
يا جماعة احنا عندنا لو قوانين المرور ومخالفاته اطبقت فعليا والله كلنا هنصوت ونشتكى لطوب الارض ويمكن نرمى عربياتنا ونبطل نركبها
هو سؤال لكل اعضاء المنتدى انت كام مرة دفعت المخالفات اللى عليك بالكامل من غير ما تعمل عليها خصومات

أولا انا كنت في السعوديه وغرامه كسر الاشاره حوالي 900ريال يعني اكتر من الف جنيه بس السؤال بقى سواء في الكويت سواء في السعوديه ممكن عسكري واقف في الشارع بدفتر مقطع وكقم بيقطع وعنده قصر نظر يعقد يكتب نمر العربيات اللي رايحه واللي جايه علشان لو مسلمش كل يوم كذا نمره هيترزع كذا قلم على قفاه يفقدوه النظر اكتر واكتر
انا لما كنت في السععوديه وكنت اعمل مخالفه كان لازم عسكري يوقفني وياخد الرخص ويكتب لي المخالفه ونوعها ومكانها وزمانها ويديني صوره ويبقى معاه الأصل يسلم في اداره المرور بتاعته
لكن في مصر بنعمل خصومات ليه علشان انا موش مقتنع بالمخالفات دي اساس وموش فاكر عملتها امتى ولا ازاي انا جالي مخالفه كسر كمين في ميت غمر وانا عمري مارحت ميت غمر ولا شفتها وقالوالي ملناش دعوه لازم تخلص القضيه في نيابه ميت غمر رحت نيابه ميت غمر وكيل النيابه طلب من الموظف يطلع ليه كارته المخالفه علشان يطلع القضيه الموظف ملقهاش علشان الفار البجل اللي نايم فيالمكتب قرقض الورق بالذمه ده كلام ولا ده عصر الكومبيوتر ولا العبور نحو .............

و انا كنت في الامارات و كنت بسوق عربيه هناك و قعدت هناك سنتين و نص ما شوفتش عسكري مرور واحد مقابلني!!!!!!!علشان هناك عند كل اشاره في كاميرا و لو كسرت الاشاره بتسجل عليك مخالفه او رادار برضه جوه البلد او براها ممكن بععد 5 دقايق تفتح النت و تدخل رقم العربيه و الرمز المروري لو اخدت مخالفه بيقولك انت اخدتها الساعه كام بالضلبط و فين!!!دا غير كده ان الطرق هناك غير الطرق هنا بالمره و بتجبرك انك تمشي باسلوب حضاري علشان لو عربيه شرطه شافتك و انت ماشي غلط ايا كانت العربيه دي مرور او تحريات او اي جهاز بتوقفك و تاخد رخصك...و علي فكره مخالفه سيارات الشرطه هناك ضعف مخالفه السيارات العاديه علشان المفروض رجل الشرطه يكون اكثر انظباطا..
و قبل ما امشي من البلد كان فيه نظام جديد عملو انك لو كسرت اشاره اول مره بتدفع غرامه و تاني مره غرامه و حبس شهر و العربيه تنحجز شهر و تالت مره تتكنسل بره البلد خالص و الرخصه تنسحب منك(الرخصه بتمشي في دول مجلس التعاون الخليجي كله) و العربيه اللي راكبها تتصادر سواء عربيتك او عربيه شركه.شفتو بقي القانون هناك عامل ازاي بس هنا في مصر ما ينفعش يطبق اي حاجه من دي اعمل الاول شبكه طرق نضيفه و واسعه زي البلاد المحترمه و حط كاميرات احسن علشان هنا الضمير البشري معدوم و ساوي الناس ببعض يعني ما يبقي مافيش وسايط ولا مجاملات ولا محسوبيات و دا ابن فلان و دا قريب علان ممكن ساعتها اننا نرتفي بالمرور.
دا احنا لما كنا بنمتحن سواقه هناك علشان الرخصه فيه ناس كانت بتقعد بالتلات سنين تطلعها و كانو سواقين هنا في مصر و دي مهنتهم.انما عندنا هنا هما تلات دقايق و تطلع ترازي في مخاليق ربنا في الشارع.
انا من رايي ان كل واحد يروح يجدد الرخصه يمتحنوه من اول و جديد امتحنات جد مش شويه قراطيس يعديهم يبقي كده بيعرف يسوق!!لو بصينا حنلاقي اكتر من 30% من اللي بيسوقوا ماعندهومش خلفيه كويسه و شويه حلوين برضه مايعرفوش ايه اللي تحت الكبود .لازم نغير كل دا الاول

[quote="KiNgMaX"]

بس ليه محدش فكر هو بيدى كام للحكومة وخصوصآ المرور عشان ياخد اللى هو عايزه

يا صديقي أحنا بندي للحكومه إللي هيه عاوزاه وأكتر وأكيد حضرتك مابتدفعش ضرايب عشان كده فاكر إن أحنا عايشين على قفا الحكومه

أنا هاصور لحضرتك شيكات المرتب بتاعتي وأحطهالك عشان تشوفها بنفسك وتعرف إن الحكومه بتاخد مني ما يقرب من 25 ألف جنيه سنويا يعني اكتر من ألفين جنيه شهريا ضرائب وغيري وغيري كتير جدا بيدفعوا ضرايب اكتر من كده بكتير جدا

وحتى الموظفين الصغار إللي باخدو ألف جنيه في الشهر بيدفعوا ضرائب حوالي 100جنيه شهريا يعني كله بيدفع والحكومه مش بتجبي علينا وكنها بتخصص الميزانيات بطريقه خطا يبقى مش مشكلتنا احنا

احنا بندفع الضرائب للحكومه وهيه تفرقها بمعرفتها على الوزارات لكن مش هانمشي أحنا نوزع الضرائب بتاعتنا على كل وزاره وهيئه في مصر




لنا الله يا مصر

تفعيل نظام الغرامات الكبيرة وتحسين خدمات المرور والطرق