الموضوع: والله حرام عليكم

اقولك كلام بما يرضي الله هات فليشيا موديل الفين شرط تكون بحالة نظيفة وتوكل علي الله -- ولو حبيت تجيب فليشيا موديل اقل من ذلك يجب عليك فحصها فحص تام وحاول ما تنزيلش عن موديل 97 علي فكرة انا عندي السيارتين ما بنفرطش فيهم بنتداولهم بيننا في الشركة اللي بيشتري جديد بيبيع لاخوه العربية بتاعته والعربيات مريحانا جدا لاننا اشتريناهم الموديل الفين من الزيرو وال 97 من اول يد وارد المانيا فبصراحة العربية الفليشيا لما بتصح بتكون ممتازة ولما بتبقي بحالة سيئة بتأكل الاخضر واليابس فنصيحتي ليك فحص العربية تماما قبل الشراء وان كانت تمام توكل علي الله دون تردد
والله من وراء القصد

أعرف أصدقاء مقربين (أكثر من واحد) كانو بيشكروا جدا في الفيليشيا. و أنا استعملت سيارة فيفورت لمدة طويلة (التي هي أقل من الفيليشيا) و كانت ممتازه
بس أنا ليا عتاب عليك ..
أنت متخيل انك هتقول اسم عربيه فتجد كل الناس بتمجد فيها أو كل الناس بتسب فيها !
طبعا الناس بتختلف في أراءها و أولوياتها و أزواقها و الطبيعي تسمع أراء مختلفة و تاخد منها الي يناسبك.
مثال بسيط .. ممكن واحد يعيب في سيارة أنها ناشفة في المطبات و هذا الذم يجعلك تعجب بالسيارة لأن معناه ان عفشتها جامدة و هتناسب مشوار المزرعة بتاعتك

نفسي نتفادى كلمة "حرام عليكم " لأن لها أماكن أولى تستعمل فيها
لأ و كمان بتحلف ..

حبيبى المحتار من أراء الناس فى الفيلشيا .
فى مقوله شهيره جدا لفيلسوف (الأخرون هم الجحيم) يعنى اسأل و اسمع لكن عقلك يناقش الكلام و ينقحه و يستخلص منه المفيد انما تسيب عقلك لكل كلمه توديه مشوار يبقى طبعا هاتحتار
انت اكيد سمعت كلام كتير و ده طبيعى لأن زى أخونا ماقال لو كل الناس مجددت فى عربيه صدقنى مش هاتعرف اصلا تشتريها ..
عموما انا عندى فيليشيا و كان فيها شويه مشاكل لكن بعد ماعرفت السبب و صلحته العربيه زيها زى اى مليون عربيه تانيه مافيهاش مشاكل متوطنه فيها اقصد ان الفيليشيا مافيهاش عيوب تصنيع مثلا او عيوب تصميم بتؤدى الى مشاكل مستعصيه و دائمه و لا حل لها
بالعكس العربيه ممتازه جدا و زى الفل المهم تهتم بيها و لو فيها حاجه غلط صلحها هاتمشى زيها زى اى عربيه
لكن خلينى اديلك نصيحه مفيده هى الكشف الدقيق على العربيه و اذا كان فيها اى مشاكل فى الشاسيه او الموتور و الجيربوكس ابعد عنها لأن اى شىء اخر سهل و بسيط التكاليف و يتصلح مافيش مشكله لكن طبعا اعمل حسابك تخصمه من تمن الشراء .. اوعى تسمع كلام حد يقولك يا عم بسيطه حتى لو عايز تغيرلها موتور ممكن .. هو طبعا كل شىء ممكن بس بفلوس و تكاليف ووقت ووجع قلب ..
يبقى انت عايز عربيه فيليشيا بالذات اوك افضل دور و عاين لحد ماتلاقى عربيه سليمه او فيها حاجات بسيطه يعنى مرايه مكسوره خبطه فى الصاج كاوتش قديم فانوس مشروخ يعنى بسيطه
يعنى انت المشكله اللى قدامك حاليا مش فيليشيا او غيرها المشكله انك تعرف تكشف على العربيه او تلاقى حد موثوق منه بيفهم يكشفلك عليها
و ربنا يوفقك

المشاركة الأصلية كتبت بواسطة nezamy71

اقولك كلام بما يرضي الله هات فليشيا موديل الفين شرط تكون بحالة نظيفة وتوكل علي الله -- ولو حبيت تجيب فليشيا موديل اقل من ذلك يجب عليك فحصها فحص تام وحاول ما تنزيلش عن موديل 97 علي فكرة انا عندي السيارتين ما بنفرطش فيهم بنتداولهم بيننا في الشركة اللي بيشتري جديد بيبيع لاخوه العربية بتاعته والعربيات مريحانا جدا لاننا اشتريناهم الموديل الفين من الزيرو وال 97 من اول يد وارد المانيا فبصراحة العربية الفليشيا لما بتصح بتكون ممتازة ولما بتبقي بحالة سيئة بتأكل الاخضر واليابس فنصيحتي ليك فحص العربية تماما قبل الشراء وان كانت تمام توكل علي الله دون تردد
والله من وراء القصد

انا متشكر ليكم جدا على النصائح الجميلة والمفيدة وانا بتأسف جدا على اسم العنوان بس بعض الاعضاء جابولى احباط من العربية دى وانتوا جددتولى الامل فى العربية . متشكر ليكم مرة تانية

ليا سؤال بالنسبة لفليشيا موديل 2000 هيا انجكشن طب ولو هيا انجكشن اعتقد انها بتكون اصعب على الميكانيكى ولو حصل عطل لقدر الله بتكون تكلفة تصليحها اعلى بكتير وممكن يكون سعرها كام دلوقتى لو حالتها جيدة . متشكر ليكم وآسف للمرة التانية .

الحمد لله