الموضوع: معدل تسخين العربية

مرحباً أنا عضو جديد
علي فكرة لما بسخن العربية عندي 30 ثانية فقط وامشي بلاقي صوت الموتور يعلي وعداد rpm يعلي علي 2000 لفة في الدقيقةأو أكثر
وبعدين ساعات بيحصل عندي رجرجه بالعربية تحس انها بتقطع فبرجاء الإفادة
بالمناسبة أنا عندي لانوس 2008 وعامل بيها 16400 كيلو متر وبعمل صيانة بالوكيل ( ابو غالي موتورز )
فهل هذا طبيعي فى الدايو أم عيب
وكمان منذ يومان بعد تشغيل العربية حصل حاجة غريبة جداً ..... حصل ان موتور العربية كان بيعلي ويوطي ثم يعلي ويوطي ثم اطفئت المحرك وشغلتة عمل كدة مرة أخري وبعدين مشيت بالسيارة ومسألتش رجعت تاني كويس
برجاء الرد

طيب التقطيع ده عباره عن صوت تفتفه عادم خارج من الشكمان

أولاً شكراً علي الرد
ثانياً:- قمت وفتحت كبوت العربية لاحظت انه فيه ريحة بنزين من عند الرشاشات كتير قوي ومع العلم انني لااضغط علي دواسة البنزين ابداً ولما أبدء في تشغيل المحرك اقوم بتشغيل الكونتاكت علي الوضع اون مدة ثانيه إلي ثانيتان ثم اقوم بمباشرة تشغيل المارش فى العادة
ودي أول مرة تحصل للعربية
وشكراً

لا كده أنت يجب أنك تروح التوكيل
لمراجعة رباط مواسير الرشاشات
وتأمين تسرب البنزين بين المسطره والرشاشات
ونصيحه متروحش والعربيه دايره
كنوع من الأمان
أو تشوف ميكانيكى يجيلك لعمل الازم عند بيتك قبل تشغيل العربيه
لو كان التوكيل بعيد عليك
وصعب تودى العربيه مقطوره
لأننا منضمنش أى شورت كهربى مفاجىء أو أى مصدر شراره لا قدر الله وفيه بنزين طالع كده

شكراً علي النصائح يا / مهندس سمير
الي حصل ده......حصل مرة واحده يوم السبت ال فات فقط ولم يحصل مرة اخر وشكراً

مش عارف أأقول أيه لحضرتك الصراحه
أحتمال كان فيه شوائب كتير فى البنزين وكانت عامله سدد فى الرشاشات

..... حصل ان موتور العربية كان بيعلي ويوطي ثم يعلي ويوطي ثم اطفئت المحرك

وسلكت
على أساس كان فيه ضغط كبير على سيلات الرشاشات اللى راكبه على المسطره
وخلصت المشكله كده
هما بيحطوا أيه فى البنزين ولاد الأيه دول
زلط مثلا .....منهم لله