اقتباس المشاركة الأصلية كتبت بواسطة se_coralsea مشاهدة المشاركة
طبعا كلامك صح و بأتفق معاك في جزء كبير منه خاصة فيما يتعلق بالاجهادات و نسب الامان و لكن مش معني كده اننا نجهد العربيات بتاعتنا زيادة يعني مش معني أن الاسانسير مصمم أنه يشيل لحد 600 كجم و أنه لعوامل الامان مكتوب انه يشيل 450 كجم أننا نحمله ب 600 كجم ليه ؟؟
لأن ال safety factor اللي حضرتك ذكرته ده موضوع لسببين :
- الاول هو أن الاسانسير و هو جديد مش زي بعد سنة او سنتين أستخدام و ده نتيجة لتعرض أجزائه لأحمال متغيرة بتسبب الكلل اللي بيؤثر في العمر الافتراضي
- أحمال او اجهادات مفاجئة و ده بيكون في حالات نادرة لكن التصميم بيعمل حسابها بوضع نسبة الامان تلك

أضف الي ماسبق حاجة مهمة كمان ...
ان مثلا في العربية الهيونداي أو الدايو اللي ب 60000 جنيه اكيد الخامات المستخدمة أقل من تلك المستخدمة في عربية ياباني او ألماني ب 100000 جنيه و لكنها نفس الفئة , المقصود هنا أن طبيعة الاستخدام في السيارة الاولي خفيفة و ليست شاقة كما في السيارة الثانية و ده طبعا السبب في أن سيارات الراليات أو الاستخدام الشاق زي اللاند كروزر أو الهامر أو الجيب بيكون لها مواصفات خاصة و بها خامات من نوعية خاصة لذا بتكون مرتفعة في الثمن و معمرة أكثر من السيارات العادية التي نحن بصدد الحديث عنها الان

طبعا الموضوع ده محتاج مواضيع لتوضيحه و مناقشته لكن أسعدني التحاور معك فيه جزئية منه

و تقبل تحياتي
م/ سمير الشهاوي

و انا اسعدنى حوارك الراقى يا باشا و مقدرش اضيف جديد.. تحياتى