الموضوع: تقييم كياوي قديم لمركز صيانة غبور (ابو رواش)

لا املك الا ان اقول حسبى الله و نعم الوكيل فى مركز ابو رواش من الاخر يا جماعة و بتجربتى الشخصية (عربيتى ماتريكس 2008 ) لو معاك و اسطة حلوة فى المركز نفسة بخلص فى ساعة زمن ساعتين لو الشغل كتير فى العربية و امبارح السبت 31/10 رحت اعمل صيانة ال 40 الف ومكلمتش اى و اسطة كل المسئولين اجازة يوم السبت فرحت زى اى عميل عادى حجز رقم 2 و رحت فى معادى الساعة 8.5 صباحا عارفين خرجت الساعة كام 3.45 مساء ودة اية بعد ما دخلت لوهبة مدير قاعة الصيانة و اتحايلت على المهندس الى استلم العربية فى الموبيل مرة و اتنين و تلاتة و فى الاخر و الله العظيم بعد 7 ساعات العربية خارجة بنفس الشكاوى الى دخلت بيها و الى اى ميكانيكى خايب يعملها فى ساعة زمن مش 7 ساعات و دفعت 604 جم منهم 373 جم مصنعيات و حساب البوفية 22 جم
حسبى الله و نعم الوكيل

هما الاخوة بتوع غبور ماسمعوش عن اختراع جديد اسمه العلاقات العامة ، المفروض ان الناس دي هما المسئولين عن رسم الصورة الذهنية عن الشركة لدي العملاء الحاليين و المحتمليين ، انا مش عارف ازاي شركة زي غبور عندها توكيل بينقط دهب ذي هيونداي تقع في اخطاء عبيطة زي دي تلافيها مايكلفهومش تلاتة نكلة ، ازاي يبقي في كلام بيتقال عن الشركة ومافيش حد بيرد عليه سواء بالاعتراض او بالاعتذار ، انا كعميل غير راضي عن الخدمة ممكن اطفشلهم على الاقل عشرين واحد اعرفهم ومخلهمش يشتروا عربيات منهم ، مع ان رضائي سهل جدا ، ويتلخص في انهم يقدموا خدمة محترمة تليق بأسمهم ، وبتكلفة طبيعية ومفهومة وبعيدة عن شبهة النصب والابتزاز ، صعبة دي ، انا جربت توكيلات كتيرة قبل كده ، وكلهم قادرين يقدموا الخدمة دي بسهولة وبدون مشاكل.

انشاء الله ربنا يكرمنا في مركز صيانة معتمد في اكتوبر يرحمنا من صيانة غبور.