بص علي شكل التيجو و شكل ال m11 و قولي مين المفروض يكون اتقل .... و بعد كدة نقول ايه نظام التوفير في المعادن ..... مش كدة ولا ايه -علي رأي فؤاد المهندس -
عرض للطباعة
بص علي شكل التيجو و شكل ال m11 و قولي مين المفروض يكون اتقل .... و بعد كدة نقول ايه نظام التوفير في المعادن ..... مش كدة ولا ايه -علي رأي فؤاد المهندس -
وحضرتك ايه العربيات الى فى السعر دا خدت نتيجه حلوه فى اختبار التصادم اللانوس؟ الفيرنا؟ اللوجان؟ الافيو؟
حضرتك المفروض كنت غيرت اسم الموضوع لانك بتستفسر عن اختبار التطادم مش تقول فشل وندخل منلاقيش حاجه
يا باشا احنا مزعلناش ولا حاجة لا سمح الله
المشكلة ان حضرتك قلت معلومة ملهاش وجود اصلا
الوجان ف اختبار اروبا خدت 3 نجوم من 5
الواحد يغيب يغيب و برده ييجي يلاقي الصداع ده ؟!!!
اهدوا شوية و اتقلوا كده يا شباب
التيجو ممتازة و الm11 ممتازة
و دي ليها طعم و دي طعم تاني خالص
الامان ده مسألة نسبية.........بمعني انه من كام سنة محدش فينا اصلا كان يعرف abs or ebd or esp or air bags
و يا دوب نسمع عنهم او نلاقيهم في عربيات غالية اوي و طبعا استيراد
بس النهاردة بقينا بنتكلم في اختبارات تصادم و كلام كبير اوي !!!!!
انا طبعا لا اقلل من اهمية الامان بس انا قصدي انه 75% من السيارات في مصر من كل الانواع لا فيها abs و لا air bags و لا حتي بالونة اطفال.........و طبيعة شوارعنا حتي السريعة لا تسمح بالسرعات زي الخليج و اوروبا
و الحمد لله انه يوجد سيارات جيدة المستوي صينية بتكنولوجيا اوروبية و يابانية وفرت لنا كل عوامل الامان بسعر ممتاز و هذا هو بيت القصيد........ان نستفيد مما يقدموا و كل علي هواه....تيجو بقي و لا 11m المهم تختار اللي يناسبك
و هي سيارات نجحت في اختبارات التصادم الصينية و هي اختبارات محترمة (بلاش يفضل الجهل بالصين و ريادتها جزء من ثقافتنا عشان منفضلش راكبين جمال في نظرهم !!! )
و السيارات شاسيه و عفشة و موتور ممتازييييييييييييين و كماليات جميلة فعلا........و تقفيل معقول. Fair deal
و ربنا يكرم الجميع يا رب
انا وجدت كام فيديو لاختبار تصادم الm11
بس غالبا كان فى روسيا ومعمول على سرعات اقل من المقررة فى الاختبارات الاوروبية
وموجودة على اللينك ده:
http://www.nilemotors.net/Nile/100589-m11-8.html
انا عايز اقول شهاده لله بس من غير ما حد من اصحاب العربيات الاسبيرانزا يزعلوا.
انا شفت قدام عيني من اسبوع تقريبا حادثه عربيه اسبيرانزا( ايه 113 ) والحادثه ماكانتش كبيره لكن العربيه كانت متدمره ومش لدرجة ان الكبوت باظ ولا الموتور باظ.
العربية اتدمرت لدرجة ان السواق مات واللى راكبين معاه ماحدش كان بيرد وبيخروا دم من كل حته واتصلنا بالاسعاف كذا مره وجت الحمد لله بس مش عارف مصير الناس كان ايه.
منظر الناس اللى جواها كان بشع وفعلا لازم الواحد يهتم باختبارات الامان.
التعليق بتاع ان الشاسيه مافيهوش معدن ده صحيح 100% انا شفت العربيه معجونه من قدام والعربيه كلها مترحله لورا والدركسيون في نص كرسي السواق.
كل ده في حادثه انا شايفها متوسطه كانت قدام جنينة الفسطاط مع ميكروباص اليترامكو والاكصدام بتاعه اتني شويه بس.
طبعا الناس هتقول ان الميكروباص جامد جدا وحديد والكلام ده كله بس مش لدرجة اني لما اعمل معاه حادثه اموت.
المشكلة ياسيدى الفاضل ان العربيات الصينى سمعتها سيئة ومع ذلك تلاقى البعض يقولك اصلها فرز اول بتاع اوروبا مش فرز تالت بتاعت الدول التعبانة
احنا المفروض بتكلم على صانع سيارات محترم يعنى عربياته تبقى واحدة فى كل سوق مش عاملين من كل عربية كذا تشغيلة حسب السوق اللى نازل فيه
وبعدين الa113 دى افشل عربية صينى انا شوفتها فى حياتى ومع كده التوكيل بيكابر ويجيب برضه موديلات تانية ويوهم الناس انها احسن
حتى لو أحسن ... هو المفروض انهم يجربوا فينا عربياتهم ويموتوا الناس اللى دافعالهم فلوس وبعدين يقولك اصل دى وحشة بلاستيك وورق خليك فى الحديد والكوالتى الجامد اهى وصلت
يا ناس قولوا كلام يدخل العقل:majd(4):
طب السؤال المهم لية شيري ما دخلتش ب ولا عربية اختبارات اوروبا
مع ان هيونداي داخلة حتي ب i10 وخدت فيها تقريبا 4 نجوم اللي هية المفروض انها ورق اصلا