الموضوع: فشل M11 في اجتياز اختبارت التصادم Euro NCAP

المشاركة الأصلية كتبت بواسطة elsherif_2000

خلينا نتكلم بالعقل برضة العربية دي من ناحية الامان هية مش في مستوى عربيات كتير بنفس التمن ولكن احسن برضة من عربيات كتير في فئتها و الحاجة اللي ممكن تطمنا شوية ان اللي مصمم العربية هو Pininfarina
ودة مصمم عالمي فعلى الاقل هايكون معدل الامان فيها اكتر من 516 و لكن بردة دون مستوي السيارات الامنة

Pininfarina | 2000

2007
At the 2007 Shanghai Auto Show Pininfarina took front stage with several models born from the cooperation with its Chinese customers: the Luzun and HF10 minivans designed for AviChina Auto Corporation; the Brilliance Junjie sedan; the Changfeng Liebao SUV; the Chery A3 and A3 sport

ولو شركة شيري عايزة تثبت اقدامها في اسواق كتيرة من العالم لازم تجتاز ال euroncap حتي لو خدت عدد نجوم قليل

لأ PININO FARINA ملوش دعوة بالأمان ... الراجل بتاع تصميمات ....يعني شكل العربية .... وبينقى معاه مواصفات معينة علشان تدفق الهوا وال حاجات دي ... أما الأمان فـدة دعمات صلب في أماكن محسوبة علشان تنقل الصدمة من وش العربية وتوزعوا على باقي الجسم...... وأمان الأبواب وحسابات كتير .
والأمان كذا مرحلة جزء قبل تصميم الشكل علشان وجزء بعده ...

ومن الآخر برده العربية دي معدتش أي اختبار أمان في أي بلد محترمة ....ولا ال euro ncap .... وماحدش يقولي الصين .... ده ييبلوه ويشربوا ميته .

والله الواحد زهق من المناقشه مع العالم الى عقولهم متحجره وراكبين لكزس ب 16 ايرباج خلاص البلد كلها ركبت مرسيدس وبى ام وفولفو ومعدش غير بتوع اسبرانزا انا والله مش عايز ابقى زى الاعضاء الى بتشتم وهم راكبين عربيات الواحد ميكيفهوش منتدى عشان يقول عيوبها(ياخى بيتك من ازاز متحدفش الناس بالطوب) وشاطرين بس يفتوا فى اى حاجه الصين الى بتتريق عليها اقتصادها اقوى من اقتصاد بلدك 100 مره وبيصنعوا طيارات وصناعات ثقيله وانت بلدك مابتصنعش استيكه صحيح هم لسه بادئين فى العربيات بس هيثبتوا رجلهم على الطريق والى بيتكلم على الامان احنا من 10 سنين فى مصر كنا بنركب عربيات فيها فرامل بس وغبور لحد الان الى هو اكبر موزع فى مصر عربياته بتنزل من غير abs دا غير عشراتالموديلات من السيارات فيها عيوب ثبات او فراملاو بتنزل ناقصه مواصفات امان وان كانت ماركات كبيره وكلنا عارفينها نقوم نيجى احنا نمسك اى حاجه للاسبرانزا عشان نشتم فيها وخلاص!! والله شى عجيب
الاخوه الى بيشتموا فى اسبرانزا حضرتك معاك فلوسك ومتشتريهاش الحكومه مش فارضاها عليك ومش عايزينك تنصحنا احنا مبنفهمش حاجه وهنشتريها
واسف لو اسلوبى فى الكلاد حاد بس اغلب الناس دى مش راكبه s500 عشان تشتم فى الاسبرانزا وماركات تانيه غيرها

يا سيدي أنا عن نفسي مش معايا s500 ولا حاجة وعلى فكرة أنا معنديش عربية للأسف , ومش معايا فلوس علشان أشتري عربية أصلا .... ولو الإسبرانزا دي بتاعت الناس الفقرا أقولك ماشي كل واحد وظروفه ... وربنا يرزقك بال s500 و الموضوع مش موضوع إني اذكى , ولا بهاجم الصيني وخلاص .....
بس إنت عندك 100 عربية أحسن واضمان و أأمن .... بس هو العند وخلاص
وعلى فكرة أنا مش بكلم اللي اشترى العربية خلاص ....ربنا يباركله فيها ويحفظه من شرها ..... ولا بتكلم مع اللي راكب دماغه ومصمم يشتريها هو حر ....ربنا يوفقه.....
أنا بكلم اللي لسة ماشتراش ...ومحتار وعايز حد ينصحه نصيحة ل وجه الله و برده أهو سمع الكلام اللي فيه علم ومنطق وسمع الكلام بتاع أنا سايق العربية وأنا شايف إنها كويسة ..... لمجرد إنه معلوماته عن العربيات واخدها من الميكانيكي بتاعه أو من واحد صاحبه أو سمع من الراجل اللي بيبيع العربية ومكلفشي نفسه يقرأ أي حاجة عن العربيات وبيفتي وخلاص.
وبرده هو حر في قراره أهو بس يبقى سمع كلام حد بيحاول يقرأ ويتعلم .
أصل يا باشا دي امنانة العلم اللي ربنا حيحاسبني عليه وبرده ربنا حيحاسبك على نصيحتك .... فـفكَّر كويس قبل مايدي نصيحة ...علشان لو واحد دعا عليك بسبب نصيحة غلط قلتها في ساعة مكابرا....وربنا يصلح الحال.... تحياتي للجميع .

مهندس / إيهاب علام

حضرتك الغرض من كلامى مش انى اهاجم اى حد يشتم فى اسبرانزا لا كل واحد له رأيه الشخصى وهو حر فيه بس انا شايف ان نفس المواضيع بتتكرر والناس لا تتناقش نقاش اقرب للموضوعى والنقدى 99% من الناس بتشتم وخلاص واتناقشت معاهم قبل كدا فى ناس اقتنعوا وناس لا وبعدين حضرتك السوق فى مصر اقل من المتوسط اصلا له معايير خاصه يعنى تقريبا كل العربيات الى تحت 80 الف نفس القصه يبقى ازاى نقول عربيه افضل من عربيه بكتير والكلام دا وحضرتك عارف كل عيوب العربيات الى فى الفئه دى يعنى اسبرانزا منزلتش عربيه فى فئه بى ام الفئه الخامسه وناس جابتها لا كل اسعارها فى اقل فئه الى هى مليانه عيوب وحضرتك بتقول عندى 100 عربيه اضمن وافضل من اسبرانزا هاتلى 10 اسماء بس فى سعر ال a113 مثلا عربيات افضل بكتير؟؟؟؟؟


وبعدين حبيت اوضح حاجه اسبرانزا مش عربيه ممتازه ويمكن مش جيده جدا بس هى جيده بالنسبه لسعرها وتعتبر صفقه رابحه وهى كدا على اد امكانيتها منجيش بقى ندفع 50 الف ولا 75 الف ونقول عايزين عربيه اسبيشيال اوردر دا الكلام بقى الى يحرق الدم وبعدين الشعب المصرى اكتر شعب فى العالم ركب عربيات لا علاقه لها بالامان او الثبات والدليل 128 والعربيات بتاعه الفتره دى كلها ليه لان سعرها معقول واثبتت انها كويسه وسعر كويس والناس مش مستنيه منها كتير وبعدين حضرتك بتقول خايف تنصح الناس بعربيه سيئه كلامك سليم بس هتنصحهم بايه فى الفئه دى معلش انت مش مطالب تكمله من جيبك عشان يشترى عربيه ممتازه لا معروف ان الفئه دى كدا والى عايز عربيه بمواصفاته يدفعلها وكل شى معروف فى السوق
ياريت متزعلش منى وتكون فهمت وجهه نظرى ونفسي قبل مانتكلم نبص للموضوع من جميع الاتجاهات وربنا ان شاء الله يرزقك بالعربيه الى تتمناها قريب جدا
اسف على الاطاله