لماذا عدم تصنيع سياره مصرية الي الان

**hamedo0** · 15-11-2007 12:56 AM

المشاركة الأصلية كتبت بواسطة ahmedsrs

شكرا" علي الرد السريع بس اكيد فية حل غير الحكومه في في رجال اعمال محترمين في البلد ولا لا

ياعم رجال اعمال ايه رجال الأعمال دول كل واحد عاوز يهبر اي حاجة ويخلع على بره هو لسه هيعمل مصنع والحكومة عاوزه تبيع اى حاجة وخلاص وتقعد ايد ورجل نضيفة

انا حاسس في نظره تشائم في الموضوع

**hamedo0** · 15-11-2007 01:00 AM

انا والله فرحان بردود بس حاسس انها محبطه المهم هو مافيش حد يعرف اى دراسه اتعملت للموضوع ده اقبل كده

**MMamdouh** · 15-11-2007 10:43 AM

we lack the "quality" so their is no way in hell we can build our own car

دا احنا حتى مبنعرفش نجمع عربية من غير اخطاء يبقى حنصنعها ازاى اصلا

MMamdouh

**MMamdouh** · 15-11-2007 11:05 AM

لا مش غلطان ولا حاجة... فى ناس كتير سالت السؤال دة بس الاجابة سهلة

المشكلة مش فى معرفة السبب لانة واضح زى الشمس... المشكلة فى حلة لان دى زى ما تقول عادة عند كل المصريين اللى بيحبوا الفهلوة و بالتالى حيبقى الهدف ان يبقى فى عربية مصرية واقفة فى معرض و مش مهم العربية دى حتعيش قد ايه ولا تقفيلها شكلة ايه ولا ادائها شكلة ايه

كفاية انك تبص على عربية مجمعة محليا زى الشاهين حتلاقى التجميع فى الضياع و حاجات كتير شكلها مش راكبة صح او يمكن حتى مقاساتها مس متناسقة مع بعض اصلا فى حين ان عربية زى الاوبل كورسا بتفتح ازازها سنة لوحدها لما تقفل الباب لان العزل محكم لدرجة ان الباب مش حيقفل لو الازاز مقفول

فيه فرق كبير جدا بين مفهومنا للصناعة و مفهوم الناس المتقدمة للصناعة و طول ما المفهوم دة مش حيتغير حنفضل محلك سر

MMamdouh

**mina_ramsis** · 15-11-2007 11:11 AM

كفاية انك تبص على عربية مجمعة محليا زى الشاهين حتلاقى التجميع فى الضياع و حاجات كتير شكلها مش راكبة صح او يمكن حتى مقاساتها مس متناسقة مع بعض اصلا فى حين ان عربية زى الاوبل كورسا بتفتح ازازها سنة لوحدها لما تقفل الباب لان العزل محكم لدرجة ان الباب مش حيقفل لو الازاز مقفول

اول مرة اعرف ان الكورسا فيها الحكاية ديه اعتقد انه موديل مانزلش مصر ولا ايه

**zezo13178** · 15-11-2007 11:21 AM

انسي موضوع العربيه المصريه ده تماما لان حتي ده لو تم الناس مش حتقبل عليها يا راجل ده العربيات الصيني بالنسبه للمصري حتبقي عامله زي ال bmw

**hamedo0** · 15-11-2007 11:25 AM

المشاركة الأصلية كتبت بواسطة mido_honda

انسي موضوع العربيه المصريه ده تماما لان حتي ده لو تم الناس مش حتقبل عليها يا راجل ده العربيات الصيني بالنسبه للمصري حتبقي عامله زي ال bmw

عيب عليك ياراجل ده المصريين احسن ناس بيركبو عربيات في العالم ده عدد المرسيدس و بي ام الي في مصر مش موجود في المانيا نفسها دي الكمليات البتركب في المرسيدس في وقت من الاوقات كانو بيشفو المصريين عاوزين اية