الموضوع: بالله عليكم أريد مساعدة لشراء Gen2 مستعملة..

المشاركة الأصلية كتبت بواسطة master_formats

السلام عليكم يا حبايبي الجينتاويين والبروتوناويين....
أنا "محمد مختار" .. بروتوناوي و جينتاوي من زمااااان ... بس من بعيد لبعيد..
لأني مكانش معايا تمن العربية بس والله بعشق الـ gen2 من أول نظرة.. ولما باشوفها في الشارع قلبي بيتخطف ...:b4_007::b4_007::b4_007:

اهلا وسهلا بيك يا باشا و ان شاء الله تنضم لينا قريب جدا باذن الله

وأنا دخلت المنتدى ده علشان هو فيه مجموعة كبيرة من عشاق الـgen2 و البروتون مثلي... يعني حسيت إني في بيتي ووسط أهلي و اخواني...
المهم... مش حاطول عليكم... أنا محتاج أجيب عربية محترمة .. وبقالي كتير بدور ومحتار و حلم حياتي كان الـ gen2 الجمييييلة بس مكانش معايا فلوسها...
وخلاص كنت حاسترخص وأشتري (لانوس) لأني قلت طالما مش حاقدر أركب عربية باحبها يبقى أركب أرخص و أوفر حاجة وأوفر...
لغاية ما بالصدفة أكتشفت إن المستعمل في الـgen2 ممكن يكون في أول الستينات كدة..

وأنا معايا 50 وممكن أتصرف في الباقي إن شاء الله...
بسسسسس..........
أنا واقع في عرضكم تساعدوا أخوكم علشان دي تحويشة العمر يعني مش هزار..
1- أولاً إزاي أعرف مواصفات العربية؟؟ يعني مثلاً في قدامي واحدة 2007 وواحدة 2008 ولسة ماشفتهمش لكن الراجل قاللي في التليفون إنها مانيوال و لما سألته هي فيها abs قاللي آه مع إني كنت متصور إن الabs بينزل في أعلى فئة فقط ودي أوتوماتيك....
يعني ... حاجات زي دي .... خايف ينضحك عليا...

اولا الجين كله في abs ولو اوتو مثبت السرعة موجود لحد 2008 بس

2- برضه لأن الـgen2 عربية رياضية وشبابية ممكن تكون -لا مؤاخذة- مفحوته.. وبعد ما أشتريها أتدبس في تصليحات و تغيير عفشة و خلافه و أنا مش حمل ده خالص (خاصة مع أسعار قطع الغيار المولعة :i_angr1[1]: )

لازم تروح تعمل تشيك في التوكيل و هما هيقولولك كل الي في العربية

3- برضه -معلش استحملوني أنا أخوكم- عاوز أعرف الفرق باختصار بين موديلات الـ gen2...
يعني أركز في موديل معين أو أبعد عن موديل معين... أنا اللي أعرفه إن 2006 كان فيه مشاكل لأنه أول موديل نزل... الكلام ده مظبوط ولا إيه؟؟

ركز في الجديد احسن لان كل ما زاد الموديل قل العيوب الي فيه

ربنا يبارك لكم ... وادعولي أتوفق في gen2 كويسة مافيهاش مشاكل وصاحبها بيتخلص منها.. وإن شاء الله حتلاقوني ناطط لكم في أي تجمع جينات... :e_braces[1]:

ان شاء الله تنضم لينا قريب و دا يكون شرف لينا

المشاركة الأصلية كتبت بواسطة master_formats

نسيت أضيف:
4- لأهل الخبرة : لو اشتريت 2007 gen2 مثلاً..
بالخبرة كدة إيه المصاريف اللي ممكن أتوقعها؟؟؟
يعني إيه اللي ممكن يكون استهلك فيها و أجد نفسي مضطر أغيره؟؟ مثلاً الكاوتش متوقع بس حاجات تانية زي التيل مثلاً أو حاجات في العفشة ممكن تكون استهلكت في الفترة دي؟؟؟ لأني لآزم اعمل حسابي في الفلوس برضه...



وشكراً مقدماً...
ملاحظة: أنا مش عارف ليه معرفتش أعدل في الموضوع... فلو أحد المشرفين يقدر يضيف النقطة دي للموضوع بيقى جزاه الله خير..

حسب لو وصلت لاخر ال 80000 هتبقى داخل على عفشة زي الفل و حبت حاجات في الماتور و اكيد هو هيكون مغير الكاوتشات

لو اقل من ال 60000 فا هيكون كاوتشات و تيل و تبص على العفشة و حبت حاجات كده و صيانة ال60 و السيور و الكاوتش لانه هيكون محتاج يتغير

و بعدين في الفحص الي انت هتعمله في التوكيل هتلاقي توصية بالحاجات الي محتاجة تتغير

اولا : اهلا بيك ياباشــــا ... ومنور بروتون والبروتوناويـــه كلهــــــا

واسفيــن عالتاخيــر فى الـرد

.
.

ثانيـــا : نرد على استفســـارات حضــرتــك ....

1- شوف يامعلم ... الجين2 من اول مانزلت وهى بتنزل بــ 4 فئات وهم :-

-مانيوال كامله
-اوتو كامله

-مانيوال كامله سبورت باكدج
-اوتو كامله سبورت باكدج

*الفرق بين العاديه والسبورت (قبل 2009) ان السبورت فيها - اسبويلر وعتب وكساحات - زياده .. وكان تمنها اغلى حوالى 5000

وبالتالى .... وانت بتدور فى الجين2 المانيوال ...

ياهتلاقى جين2 مانيوال عاديه او جين2 مانيوال سبورت باكدج(ودى اللى فيها اسبويلر وعتب)

.
.

- شوف كده العربيه دى --


ودى كمان

المشاركة الأصلية كتبت بواسطة r2tarek

السلام عليكم

انا عربيتى موديل 2008 كامله اسبورت اتوماتيك اعلى فئه وعامله 15000 كيلو بالأضافه الى فرش جلد وزينون لكل الانور تعتبر فى حاله الزيرو وانا كنت شريها فى شهر 10 2008 بحوالى 98000 جنيه ومطلوب حالينا 80000 الف جنيه العربي مرجود فى الجراج
وشكرا

.
.

للتعرف على المزيد من كماليات السياره ...يرجى قراءه --

------
------

2- هنبقى نوديك فى اكتر من مكان عشان تكشف عليها كويــس ان شاء الله

------
------

3-يعنى طبعا كل مايكون احدث يكون افضل ... بس انت محدد مبلغ معين واظن انك ممكن تلاقى حاله كويسه بالمبلغ دا مو 2007 او ممكن حتى تلاقى 2008

------
------

4-زى مامحمد ماقالك ... حسب الكيلوات اللى ماشيه

واكيد العربيات اللى هيكون فيها مشكله فى العفشه اوعى تفكر فيها اصلا ... لان اكيد هتكون محتاجه اكتر من عفشه (ودا باردوا بيعتمد على الكيلوات اللى ماشيه العربيه)

وانا كذا مره اشوف عربيات جين حالتهم حلوه وسعرهم معقول ... فلا تقلق هتلاقى حاجات كويسه بس دور كويس .

------
------

ملحوظه : - لو عاوز فعلا يكون يقع فى نصيبك عربيه حلوه ونظيفه ... ماتستعجلش ودور فى اماكن كتيره ... وان شاء الله هتلاقى حاجات كويسه.

ملحوظه : - وكمان حاجه المانيوال فى الجين فى موديلات ماقبل (2009) افصل ... فدور فى المانيوال احسن ... الا لو انت حابب الاوتو اكتر.


------
------

يارب نكون قدرنا نفيدك

واحنا تحت امرك فى اى استفســــــــــار

تحيـــــــــــــــــاتـــ ـى