+111111111111111111
عرض للطباعة
طيب طالما فيه 2 جاهزين، أنا بكره فى القصر العينى .. هل ممكن حد يجيبه لى هناك وأدفع مصاريف الانتقال؟
يبقى دلوقتى فيه 2
hamed_73
Egyzizo
بالنسبة لصورة للغطاء بتاع اللوجان تحديدا....الزميل " بشوى " هو الوحيد إللى أعرفه عنده الغطاء لإنه قال إنه جابه من التوكيل...لو يتفضل مشكورا بتصويره و رفع الصور يكون شىء رائع
لو حد عايز يعرف شكل الغطاء بشكل عام..ممكن يراجع موقع الشركة Top Cover Egypt
و داخل الموقع يوجد Car Cover Gallery
عموما الغطاء بيتعمل من خامة منسوجة مسامها ضيقة جدا لا تسمح بدخول أتربة و تتميز بوجود طبقة فضية لامعة لكى تعكس أشعة الشمس و طبقة لمقاومة المزيد من الغبار و القليل من الماء من الجهة الأخرى
لكن الخامة نفسها خفيفة لعدة أسباب ( خفة الوزن - سهولة التركيب و الخلع - سهولة الغسيل - لا يحتاج لمكان تخزين كبير )
الغطاء كله مش بيعدى كيلو و نصف لعربيات أكبر من اللوجان السيدان
يوجد أماكن خاصة للمرايات تسهل تركيب و خلع الغطاء
يمكن غسيله فى أى غسالة عادية ( بدون صابون )
بعد طيه....يمكن حمله بقبضة يد واحدة و لا يحتاج سعة تخزينية تذكر
الغطاء به أستك أمامى و أستك خلفى لإحكامه على السيارة
اللوجو بتاع رينو بيكون مطبوع بالعرض فى مكان الزجاج الأمامى
الغطاء بيتم تفصيله على مقاس السيارة بالظلط...كل سيارة لها غطاء خاص بها تحديدا
يوجد حزام أمان لمزيدا من الإحكام و مانع للسرقة
يأتى الغطاء فى حقيبة خاصة به من خامة قوية جدا لكى لا يسبب اتساخات فى السيارة نفسها أثناء التخزين و هذه الحقيبة تكون مطبوعة أيضا بلوجو " رينو "
لو حد حابب يشوف الغطاء بنفسه...هناك خياران...يا إما فى التوكيل ...يا إما يخطف رجله لمدينة 15 مايو فى المنطقة الصناعية ( مقر المصنع )...
و للعلم....العقيد خالد - أحمد شاركى - أيمن مومو - محمد مصطفى - أحمد عبد المقصود... عندهم نفس الغطاء لكن للميجان..ممكن تسألوهم على الخاص لو متحرجين منى و لا حاجة....
يا ريت لو حد تانى ناوى على الغطاء...أو حد يعرف حد ناوى لكن مش واخد باله من الموضوع يكسب فى أنا ثواب...لإن لما واحد بيطلب منفردا غطاء و مش بيكزن فيه مخزون منه بتكون مشقة عليا أنا شخصيا و على المصنع إنه يعمل غطاء واحد منفردا فى وسط الطلبيات الكبيرة الحجم...لذا أنا عايز أستغل فرصة إن التوكيل بالفعل لسه طالب امبارح و أدخل طلباتنا معاهم
أكدب عليك لو قلت ينفع
لإن مندوب التوصيل بيتحرك وفقا لخطة مسبقة...يعنى هو بالفعل عنده تسليمات بكرة
لو فى إمكانك تروح لحلوان...أنا ممكن أكلمهم الصبح بحيث يكون فى حد عنده فكرة بقدومك و الحاجة تكون جاهزة...
السكة سهلة من على الكورنيش...لكن طويلة نوعا ما خصوصا للناس من خارج القاهرة
لو وقتك يسمح...يبقى خير و بركة...لو ما يسمحش يبقى نفكر فى حل تانى
لكن لو قلقان على إنك تتوه...فما تقلقش خالص
باشا اعتبرني حاجز واحد وعايزه على وجه السرعة لان العمارة اللي ادامي بتتبني وعايز احمي العربية
كده بقينا ثلاثة
بالنسبة للاستيكر انا كلمت mmamdouh
,وهو قالي ان مفيش استيكرات دلوقتي مش عارف اعمل ايه
ححاول اكلم شاركي...
أووه...أزمة Stickers و لا إيه....
يمكن الشوية إللى مع محمد ممدوح يكونوا خلصوا و يارب يكون فاضل شوية لسه مع شاركى
كده أصبح العدد 3 ...
زى بعضه ، ممكن أروح ان شاء الله ..
بس هيبقى عن طريق مترو الأنفاق ، أو أى مواصلة سهلة تقترحها علشان مش هيكون معايا العربية بكره
بس خليهم يحاسبونى بسعر المنتدى ، وأنا أضمن لك انك هتلاقى أكتر من 5 ، حتى شوف بقوا 3 فى ساعتين بس.
ولو على الستكر أنا ممكن أسيب تمنه عندهم أمانة وحد من الزملاء يجيب ستكر ليا وليه وياخد الأمانة لما يروح يستلم الغطا بتاعه ويتكرم بارسال الستكر لى عن طريق البريد.
يا ريت لو فيه تليفون حد اتصل بيه الصبح علشان التأكيد ، ابعته لى ولو برسالة على الخاص.