زبون جديد :) باشتري لادا من الاسكندرية

**a7madramadan** · 25-10-2009 11:36 PM

انا باشتري اول عربية ليا و موش عاوز اقول الحاجات الي شدتني للادا لأن انا هنا في قسم اللادا هابقى زي ما بيقولو بابيع ميه في حارة السقايين :))

المهم انا في الاسكندرية .. بس ما اعرفش اييه التوكيلات الي اجيب منها اللادا ... موش عاوز اتسرع و ازعل في الآخر

انا كل الي باسمعه الآتي : مصري/روسي انا ميزانيتي موش هتفرق كتير ... بس عاوز اجيب العربية الصح موش عاوز ادفع فلوس في حاجات زيادة ... التكييف سمعت انه هيسخن العربية و موش بالقوة دي الباور يستاهل ثمنه و كام الفرق ؟؟

و كام الاسعار بتاعة الموديلات عشان انا موش عارف الأسعار خااااالص و ياريت تكون اسعار حقيقية عشان موقع كونتاكت كارز قسم اللادا واقف من زمان ما جددوهوش من كذا شهر ... يا ريت بس اي حد يكون جاب او شرى لادا الفترة دي يقول الاسعار

و مشكورين على مواضيعكم المفيدة جدا :)

**a7madramadan** · 25-10-2009 11:42 PM

الشك الي عندي من ناحية الروسي/المصري بيقولولي ان كل الروسي 1500 و المصري 1600

لو ده صحيح هل ال 1500 يستاهل الفرق مع التقفيل الروسي ؟؟

**Ahmed_Emad** · 26-10-2009 12:18 AM

للأسف مش متابع الأسعار بس عامة أنصح حضرتك بالروسي، تقفيلها أفضل ومفيهوش مشاكل ومضمونة عن التقفيل المصري

عناوين وأرقام تليفونات شركة الأمل (توكيل لادا في مصر) - فرع إسكندرية :

الاسكندريه العامريه الكيلو 27 طريق القاهره الاسكندريه الصحراوى العامريه مرغم
4703330

سموحه 64 تعاونيات سموحه
4202727 - 4258015

**Ahmed_Emad** · 26-10-2009 12:23 AM

بالنسبة للروسي هيا فعلاً 1500 سي سي، وحتى أغلى من المصري الـ1600 ! بس صدقني الفرق يستاهل فعلاً :)

**a7madramadan** · 26-10-2009 06:32 PM

شكرا يا أحمد و انا كده شكلي هارسى على الروسي

بس عندي سؤال غريب شوية هوه الروسي الجديد بتيجي مع باور ستيرينج ولا لأ ؟ و هل يستاهل الفرق و كام الفرق ؟

و شكرا يا احمد كمان مرة :)

و يــــــــــــــاريـــــــ ـــت لو حد معاه آخر الاسعار

**Ahmed_Emad** · 26-10-2009 08:42 PM

الروسي بينزل من غير أي حاجة خالص بس أكيد ممكن يركبولها باور حسب الطلب بما أنهم بيركبوه للعربيات المصري هنا في التوكيل، وبيزود تمن العربية ألفين أو ألفين ونص تقريباً

أنا شخصياً ماهتمتش بحكاية الباور دي وانا باشتري عشان انا متعود على اللادا من زمان، بس هو أكيد هيبقى إضافة مفيدة لو حضرتك معندكش مانع انك تدفع المبلغ الزيادة

**a7madramadan** · 28-10-2009 05:13 PM

انا لسه راجع حالا من مشوار باشوف أسعار اللادا 2107 في الاسكندرية

شركة الأمل :
الروسي : 1600cc بدون أي كماليات فرش قماش اينجيكشن فقط الموجود 50500
تعديل الموتور للكاربيراتير +1000 موش عارف لييييييه ؟؟؟ هوه ده حقيقي ممكن تتعدل ؟

المصري : 1600cc كاسيت + سنتر + فرش جلد كاربيراتير 47500

أسعار الكماليات :
ممكن اختيار واحد فقط من الاتنين
باور 3000
تكييف بارد فقط 3300

أنا الي هاشتريه مصري عشان فرق الميزانية كبير قوي لو هاجيب كاربيراتير روسي (4000 + 500 سنتر و قزاز كهرباء تقريبا) كتير..

عاوز رأيكم هوه فعلا المفروض اصبر و ادفع فرق 4500 جنيه ؟؟

المصرية (في جرين بلازا) :

الروسي 54000 بدون كماليات
المصري 49000 كاسيت + سنتر .... بيتهيقلي مغليينها قوي ..