عرض للطباعة
السلام عليكم
انا بموت في حاجة اسمها سوبارو دنا حتي بحوش علشان علي التخرج اشتريها ان شاء الله طبعا مع مساعدات خارجية
و النهارده بكلم مع واحد صاحبي علي العربية " و هو فعلا فاهم و محترف في العربيات " فقالي العربية معليهاش كلام لكن ملاكها اسرائيلين ؟!!!
فهل حد عنده معلومه اكيده في الموضوع ده ؟!!؟!
المعلومه الاكيده ان سوبارو شركه يابانيه ١٠٠٪
المعلومه الاكيده ان سوبارو مش بتتعمل خارج اليابان غير في امريكا و للسوق الامريكي فقط
المعلومه الاكيده ان الاسرائيليين شعب جبان جدا و بيخاف على نفسه جدا و بما ان العربيات السوبارو بتتميز بالامان فمبيعاتها عاليه في اسرائيل
معلومة خاطئة 100% ... أعذرنى صاحبك بيصدق الإشاعات ...
-
الإشاعة دى ماشية من سنة 2004 تقريبا وسمعتها من صاحب محل اكسسوارات عربيات وقتها كنت أعرفه .. و سمعتها تانى فى 2008 من صاحب معرض ... وللاسف الناس مصدقة ..
-
السبب وراء الإشاعة إن إسرائيل فيها أكبر فرع سوبارو .. وللاسف هما بيقسموا إسرائيل تبع ال middle east : فبالتالى أكبر موزع شرق أوسط هى إسرائيل ... وكمان عربيات الشرطة هناك فورستر ...
-
-
لكن ما تخفش سوبارو يابانية 100% وتصنع فى اليابان فقط ..
يااااااة دي اشاعة قديمة و سببها ان السوبارو في اسرائيل منتشرة بطريقة غير طبيعية و خاصا الليوني موديل 1984 و قي رفح تحديدا تقريبا كل العربيات اللي ماشية هناك ليوني و فورستر
و الاشاعة دي انا سامعها من 6 او 7 سنين بس اطمئن السوبارو ياباني 100% و مملوكة لتويوتا و شركة فوجي للصناعات الثقيلة
وللعلم بردو ان من اكتر العربيات اليابانية اللي ماشية في اسرائيل و معمولة عربيات شرطة وممكن اكتر من السوبارو كمان المازدا بجميع موديلاتها
ضحكتني يا راجل و انا ماليش نفس، دي اكيد طريقة جديدة لضرب الماركة دي، لان البيزنس في العصر ده مالهوش لا جنسية و لا دين ولا وطن، يعني مش بعيد يكون في مالك لنسبة من اسهم السوبارو اسرائيلي، لكن اكيد الكلام ده ينطبق علي جميع الماركات الاخري و علي رأسهم الماركات الامريكية و يليها الاوروبية، و خاصة ان رجال الاعمال الاسرائيلين منتشرين في العالم كله و غاويين الدخول في شراكات في جميع مجالات البيزنس الناجحة، و لو جربت تعيش بره المنطقة العربية هتلاقيهم حواليك في كل مكان من اول السوبر ماركت لحد اضخم الشركات، و لو هتدور ورا كل ماركة فيها شريك اسرائيلي ولا لأ يبقي لا هتركب عربية و لا هتلبس هدوم ولا .. ولا .. الخ
للتوضيح علشان محدش يفهمني غلط: انا مش بشجع التطبيع، و لكن طالما ان الماركة من اي دولة و مش اسرائيلية، يبقي مش لازم امشي اراجع علي جنسية كل شريك او مساهم في الشركة
أسف علي التدخل يا جماعة مع إني مش تبعكوا في حاجة لكني متخصص في مجال الإسرائيليات وبقول لكم إن سوباروا ملهاش دعوة بإسرائيل غير أنها العربية رقم واحد هناك سواء في المبيعات أو في الأسعار الكويسة أو في السرقات فلو نسبة السرقات للسيارات في إسرائيل 100 عربية شهرياً ففي 79 عربية منهم سوباروا ولكم أن تفخروا :)
يابانيه 100% .. حلال الله اكبر
شكلنا كده حندبح يا كاستن :beatdeadhorse5:
بس ربنا يستر في السرقات والحراميه عندنا ميعرفوش
انا لسه مسروق من علامتين السوبارو من كام يوم وكنت مستغرب هل الحرامي يعرفها اصلا ولا هو عجبتو النجوم اللي في عز الضهر دي :)
اعتقد انها أشاعة فعلا.. وياريت اللى عنده أى حاجة بتقول ان ملاكها اسرائيلين يجبلنا دليل .