فترة التليين لم تحترم

ياريت لو حد يريحنى من القلق اللى انا فيه- الحكايه ببساطه أشتريت ex saloon من حوالى أسبوعين من ناشونال موتورز فرع أسيوط وطبعا أكدولى فى المعرض انها جايه من القاهره متحمله على تريللا بس انا متأكد انها جايه متساقه لأنى لقيت عداد السرعة مش شغال -رجعتلهم تانى وبسؤالى عن السبب قالولى أنهم بيشيلوا الواير بتاع عداد السرعه فى المصنع لما بيعملولها run test و نسيوا يركبوه وراحوا ركبوه- مع العلم بأن العداد كان عامل 19 كيلو متر طب أزاى ماشى مش مهم ازاى -اللى حصل انى أستلمت العربيه
السؤال الآن ايه اللى ممكن يحصل لو اللى كان سايق العربيه كان سايقها بسرعة 150 أو 160 طول المسافه من القاهره الى اسيوط( 400كيلو) وطبعا كان مشغل التكييف طول السكه - هل اللى حصل ده ممكن يأثر عل عمر و كفاءة العربيه؟
عقلى هيشت خلاص

تم تغيير اللون الاحمر الى الازرق
يرجى عدم استخدام اللون الاحمر في المشاركات حيث انه مخصص للمداخلات الاداريه (راجع قوانين المنتدى)
مشرف الياباني ١

في وجهه نظري الشخصية

تليين فاشل = الموتور يقفش

اذا طالما الموتور سليم ومفيش أي أعراض أو أصوات غير طبيعية يبقى لا تقلق

اقتباس:

---

المشاركة الأصلية كتبت بواسطة m_elkhishin

في وجهه نظري الشخصية

تليين فاشل = الموتور يقفش

اذا طالما الموتور سليم ومفيش أي أعراض أو أصوات غير طبيعية يبقى لا تقلق

---

يعنى ايه الموتور يقفش-- العربيه يادوب عامله 500 كيلو و مفيش أعراض و لا أصوات و العربيه ناعمه و حلوه --- لكن انا بسأل على المدى الطويل ممكن يكون فيه تأثير سلبى على الموتور؟

متقلقش خالص .. انا اسمع الشركة اصلا بتركب الموتور فى العربية متليين ...
بس موضوع عداد السرعة الى مش شغال دا عيب منهم يعنى .. انتا كدا متعلافش العربية عاملة كام كيلو ... دا حتى لو ماشية 2000 كيلو هتعرف منين ...
بس مادام العربية كويسة وكلة تمام يبقى الف مبروووك واستمتع بالعربية

متخافش... حتى لو اللي انت خايف منه ده حصل مش هيحصل حاجه للموتور. متقلقش

على المدى الطويل
هتلاقى ان عمر العمرة للموتور اقل شوية من موتور مماثل
واقل حاجة بسيطة يعنى بدل ما تعمل عمرة على 250 الف
ممكن تعلمها على 225 او 230 الف
لكن ده مش هيبان معاك خالص وما تقلقش منه

اقتباس:

---

المشاركة الأصلية كتبت بواسطة roffa1

يعنى ايه الموتور يقفش-- العربيه يادوب عامله 500 كيلو و مفيش أعراض و لا أصوات و العربيه ناعمه و حلوه --- لكن انا بسأل على المدى الطويل ممكن يكون فيه تأثير سلبى على الموتور؟

---

يا باشا صدقني مفيش أي مشكلة لا على المدى القريب ولا البعيد.

أنا عمري ما شفت فى كتالوج أي عربية انك متشغلش التكييف أول 1000 كيلو، هو دايما بيقولك يفضل متزودش السرعة عن رقم معين عشان الاجهاد ميزدش على الموتور في ال rpm العالي وده للوقاية فقط من أي احتمالات لحدوث مشاكل،

موضوع التليين ده بيتخاف منه فقط عند عمل عمرة للعربية عشان الصنايعيية بيبقوا واخدين المقاسات مش بدقة عالية فبيكون في نسبة احتكاك عالية لو ملينتش صح تعمل كوارث

اعتقد انه طالماً مفيش اى حاجه مش طبيعية فى اداء العربيه يبقى مفيش داعى للقلق

ماتقلقش يا باشا مافيش حاجة انا ياما جريت وانا في التليين

شكرا الى كل من ساهم ورد عليا و ريح بالى

ولا الهوا، قصة التليين دى كانت زمان لما كانت دقة التصنيع مش بمستوى الأيام دى، حاليا مسألة التللين ممكن تكون مطلوبة فقط لو شارى عربية بتصميم قديم زى الماروتى واللادا مثلا، لكن فى سيارة بمحرك يابانى حديث زى الصنى انسى، ولا الهوا

اقتباس:

---

المشاركة الأصلية كتبت بواسطة sab3aawy

ولا الهوا، قصة التليين دى كانت زمان لما كانت دقة التصنيع مش بمستوى الأيام دى، حاليا مسألة التللين ممكن تكون مطلوبة فقط لو شارى عربية بتصميم قديم زى الماروتى واللادا مثلا، لكن فى سيارة بمحرك يابانى حديث زى الصنى انسى، ولا الهوا

---

1111111111+

اقتباس:

---

المشاركة الأصلية كتبت بواسطة roffa1

عقلى هيشت خلاص

---

يشت لي بس يا أخى لا تقلق طالما أن فلوسك حلال إن شاء الله
أنا لما بانزل أشترى حاجة بتوكل على الله و بتعامل مع البياع بأمانة و لو محستش بأمان بسيبوا و أمشى و لو ارتحتلوا و حسيت إنوا ابن حلال بشترى عشان ربنا يبارك فى بيعته و فى شرائى و بأمانة لا أجد مشاكل قط فى المشتريات لأنى متوكل على الله.

و أنت شكلك انسان طيب فلا تخف بإذن الله حتى لو كانت متساقة مسافة 1000 كم فبركة ربنا تخليها تعيش 1,000,000 كم و احمد ربنا دا ياما ناس بتوصى على العربيات و من التوكيل و محجوزة ةهى لسه فى الميناء أو الغاطس و تعدى كل التست و التظبيط و تطلع برضوا فيها مشاكل.

اطمن و نام انت راجل طيب :verygood:

لا تقلق خاااااااااااااااااااااااا ااااااااااااااااالص !

والله يا باشا انا تاني يوم جبت الشارك كنت بجري بيها 180 ومن يوم ما جت لغاية النهاردة كيك داونات وبهدلة ولا حصلها اي حاجة الحمد لله يا باشا متحوطش الموضوع في دماغك لان الحمد لله عربيتك ماشية تمام