سؤال في عمره الموتور اللانســــر الكريستاله مو 99 ؟؟

**ezzzzo1983** · 26-10-2009 04:21 AM

السلام عليكم ورحمة الله وبركانه

انا عندي سياره لانسر كريستاله مو 99 اوتوماتيك وعايز اعملها عمره موتور
طبعا الكل مستغرب موديل 99 ويتعملها عمره أرد وااقول حسبي الله ونعم الوكيل في غش البنزيناااات في الزيوت وبالأخص بنزينه موبيل اللي في روكسي حطيت زيت ال 10.000 وحصل اللي حصل وطااار بيستن في الموتور بعد المشي بالسياره 3500 كيلو ..

سؤالي وياريت الافاده

مين احسن ميكانيكي مشهور بعمرة اللانسر ؟؟

وهل حالة الموتور بترجع كااام في الميه بعد العمره ؟؟

وهل لو جبت موتور استيراد افضل ام العمره ؟؟

الرجا الافاده

وشكرا للجميع

**cuppo** · 26-10-2009 05:16 AM

بص انا كنت سال ميكانكي و قالي حسب اللي بيعملك لعمره
قالي ممكنواحد يخليهالك زي الفل و واحد وي الزفت
بس اي موتور اسيراد هيجي هيكون برده مقربمن الانتهاء
لو كان في الخير مكان رماه الطير
شوف ميكانيكي كويس اوي و اعملها و توكل علي الله
ده رايي

**AYED500** · 26-10-2009 04:10 PM

ezzzzo1983

اه يا جماعه فين الردود الكل بيدخل يبص علي الموضوع ومفيش اي ردود

**mohamedway** · 26-10-2009 04:28 PM

طبعا ربنا يعوض عليك و لكن انت أثرت نقطة هامه جدا عاوزين ردود الأعضاء عليها و هى الزييييييييييييت؟

هل حضرتك متأكد ان الزيت هو السبب و إنه فعلا كان مغشوش؟
هل الزيت ده إلى هو Mobil1 ولا حاجه تانيه
أنا بأسمع عن غش ال Mobil1 بس أنا باحطه من البنزينه اللى حضرتك قولت عليها ده بقالى 80000كم بدون مشاكل و ليه واحد قريبى شغله له علاقه بشركة إكسون موبيل و قالى إن كل بنزينات موبيل إللى فيها ON THE RUN تبع الشركه الأم و مالهاش صاحب معين و رقابتها و إدارتها مباشره مع الشركه الأم فا مفيش مجال و لا مصلحه للغش و تجربتى 80000كم بتؤكد ذلك بس فى النهايه كل شىء جايز فى البلد ده و الغش وارد طبعا عشان كده عاوزين التأكد من حضرتك بالنسبه لموضوع الزيت ده و تفيدنا عشان ميحصلناش اللى حصل لحضرتك و مرة تانيه ربنا يعوض عليك.

**slimbig** · 26-10-2009 04:39 PM

بص رأيي الشخصي و ده بردو رأي ناس تانيه كتير ان موتور استعمال خارج (و ليس خلع خلي بالك خلع يعني مخلوع من عربيه محليه) أحسن بكتير من عمره و أرخص لأنو متعملش فيه شغل (في أغلب الأحيان) و مبيبقاش ماشي كتير زي مواتيرنا هنا, العمره فعلا على حسب الميكانيكي بس بصراحه انا مثقش فأي ميكانيكي يقفل الموتور زي ماكان لأن معظم الميكانيكيه شغالين بالفهلوه (مش كلو بردو) و ربنا يوفقك

موضوع الزيت ده إيه بالمناسبه ؟ انت متأكد 100% ان السبب هوا الزيت, دي تبقى كارثه

**A.Gameil** · 26-10-2009 06:05 PM

إيه موضوع الزيت ده ؟؟
حد يا جماعه يعرف حاجه عن الموضوع ده يقولنا

**HeMa_LanCeR** · 26-10-2009 06:27 PM

طيب ممكن اعرف ايه الاضرار اللي حصلت للموتور عندك
وعلي فكره حتي لو الزيت مضروب ميخليش الموتور يجيب عمره غير في حاله انه نقص
لكن طول ما في زيت هيشتغل زي الفل حتي لو انتهي عمره لأن اي زيت لما بيفقد اللزوجه لدرجه ان يبقي مالوش لزمه دي محتاجه عمر افترضي وكيلو متر عالي جداااا

**AYED500** · 26-10-2009 07:25 PM

في بنزينتين موبيل اللي وانت جاي من روكسي ورايح علي الخليفه المأمون
ده اللي انا حطيط عندهم زيت ال 10.000 واللي عرفته اني مكنتش اول واحد يحصل معاه كده انا سمعت من ناس اصحابي انهم في اغلب الوقت بيغشوا في البنزين كمان , انا عموما بطلت التعامل معاهم تماما ولو كان معايا نفس علبة الزيت لا كنت قدمت فيهم مذكره لحقوق المستهلك وطلعت علي وزارة البترول ..
عموما انا الان بتعامل مع شيل ....l وبصراحه محترمين اكتر من موبيل ..
المهم يا جماعه انا محدش فادني لغاية دلوقت في الردود عن الاسئله اللي سألتها فووووق اه محدش ((عمر)) عربيه لانسر في المنتدي ( :

الرجا الافاده من فضلكم
انا قلت الاستاذ ابراهيم حيفدني يا ريت ردك يا غالي واضح من نشاطك في المنتدي أنك فاهم اوي في اللانسر وشكرا

**Ghamrawy** · 28-10-2009 12:13 AM

ممكن تقولنا ايه الاضرار بالظبط ؟؟

**hishamkenawy** · 28-10-2009 02:43 PM

احسن حاجة تشترى ايستيراد موتور نضيف تاخد معاك ميكانيكى نضيف ويجبلك موتور كامل بمشتمالاتة احسن بكتييير من اى عمرة
عمر المتور اليابانى مايرجع تانى ذى الاول من حيث النعومة والصوت