ممكن حد يساعدنى
أشترى خليجى ولا وكيل مع شرح العيوب والمميزات لكل واحد مع العلم طبعا ان الخليجى أرخص نوعا ما
وهل هى عربية الوكيل هى هى العريبة الخليجى؟ قصدى فى الميكانيكا والتصفيح والكلام ده للأن فى فرق فى الجنوط طبعا انا عارفه
معلش أصلى عمرى مشتريت خليجى وكمان الضمان عندنا فى مصر مفهومة مختلف وهل خدمات الضمان تساوى فرق السعر ده وفروق توكيل أرتوك عن مراكز الخدمة للأنى كنت بسأل عن التأمين واليانز قالولى انهم عندهم الورش بتاعتهم بيصلحوا فيها
فياريت حد يوضحلى وشكرا مقدما
انا معرفش فرق الكماليا ولا فرق السعر فى الفانتازيا الخليجى و المصرى ...
بس الفروق الى لا جدال عليها (دى عن تجربه a5 مصرى و خليجى)..
1-الخليجى اوطى على الارض بحوالى 3 سم و متعبه فى المطبات ...
2-التصفيح فى الخليجى بيختلف حسب بلد الاستيراد ..عربيتنا خليجى مصفحه باكاااااامل من تحت من اول الموتور لحد الاكصدام الى ورا فيبر ...و المهندسين فى التوكيل كانو مستغربين اوى (بيقولو دى اوروبى مع ان الورق بيقول انها سورى)...
3-الخليجى عفشه انعم شويه من المصرى ولكن لا تزال عفشه ناشفه ..
4-الضمان كل فايدته انه بيغيرلك قطع الغيار على حساب الشركه ده فى حاله ان العطل عيب صناعه و ليس سوء استخدام او انتهاء عمر افتراضى ..
و مش بتدفع مصنعيه (بس مش متاكد من دى)...
5-المصرى الكااااامله فيها GPS
الف شكر يا استاذ أيمن على الرد والأهتمام
هو الفرق حوالى 7 الاف جنيه (ده فى أعلى فئه) والراجل قالى الخليجى الكامله فيها gps برضه.
فهل رائيك ان الضمان يساوى الفرق ده؟
انا فى رأيى الضمان ملوش اى لازمه ...
هى مخاطره طبعا انك تجيبها من غير ضمان ...
بس العربيه ما شاء الله فى السوق بقالها كتير و لم تظهر بها عيوب صناعه..
ال a5 بتاعنا 43 الف كم و الحمد لله من غير اى عيب صناعه ...
بالنسبه لموضوع انك مش بتدفع مصنعيه ...(لو الكلاد ده حقيقى)..
برده مش مستاهله لان المصنعيه فى الصيانات الكبييييييييييره زى 60 الف و 120 الف كم هتبقى حوالى 200 جنيه و يمكن اقل ,,,فى الصيانات العاديه بتكون من 30 ل 50 جنيه ...
الاهم بقى من ده كله ..
هتعرف تركب العربيه و هى واطيه ؟؟
بتحك فى المطبات العاليه (لو العربيه فاضيه)..
و هتحك فى اى مطب لو فيها 2 بالغين ورا ..
و اوعى وشك بقى لو 5 افراد و الشنطه مليانه ....
دى النقطه المهمه و هو ده الفيصل ...
لو تعرف تركبها عادى و بلدك مفيهاش مطبات ..
يبقى هات الخليجى و انت اولى بالفرق...
لو مش هتعرف تركبها هات مصرى و تبقى اشتريت دماغك بالفرق ..
انت عارف شوارع الزمالك مشاء الله اغلى حى فى مصر واوسخ شوارع فى مصر فعلا الفكرة فى موضوع الوطيان ده اقولك أامن اجيبها مصر بما انها اعلى ولا حد له رأى تانى؟
وشكرا مرة تانية يا استاذ خالد للأهتمامك
م/أحمد فؤاد
انا تحت امرك فى اى حاجه و مبروك مقدما ..
بس اللي اعرفه ان الفنتازيا فيها مشاكل فعلااقتباس:
انا فى رأيى الضمان ملوش اى لازمه ...
هى مخاطره طبعا انك تجيبها من غير ضمان ...
بس العربيه ما شاء الله فى السوق بقالها كتير و لم تظهر بها عيوب صناعه..
ال a5 بتاعنا 43 الف كم و الحمد لله من غير اى عيب صناعه ...
مشاكل زى ايه ؟؟
فى ناس بتعتبر ان العفشه الناشفه و السحب التقييل عيوب فى العربيه ...اقتباس:
المشاركة الأصلية كتبت بواسطة ahmed hassan
انا اقصد ان مفيش اعطال فى العربيه ..
طبعا فى حالات خاصه بس مقدرش اقول مشكله فى الفانتازيا كلها ..
و يا ريت لو حضرتك تعرف عيوب معينه قولنا عليها ..
عشان الوالد فانتازاوى مستقبلى :b4_592:
كان فيه عضو في المنتدى بيشتكي من ان الموتور بيعلى و يوطى لوحده على السلانسيه و كمان فيه نتشه في الفتيس لما يكون على الستيب ترونيك.
و التوكيل قاللو مفيش حل للموضوع ده
ياريت الى قابله مشاكل فى الفانتزيا يقولنا
وبيقولوا ممكن تشترى خليجى وتشتريلها ضمان من شركة أسمها aaa وده بيدخلك أرتوك كمان حد يعرف الشركة دى ولو يعرف اخبارها ايه؟
تعبتكم واسف للأطالة
هي طبعا طبعا .. الوكيييييييييييل من غير تفكييييييييير .. دي عربية غالية ولا قدر الله لو العربية فيها حاجة هتعورك جامد لو ميش تبع الوكيل .. لان اي حاجة فيها غالية.
بمناسبة اللي حصل معاه حاجة .. هو حصل مع واحد صاحبي .. وانا هستأذنة احكلكم .. لتعميم الفائدة باختصار كدة لان الموضوع طويل
هو الراجل مرة واحدة كدة الالرمات اللي في العربية بقيت بتطلعة مرة الاي اس ار ومرة الاي بي اس وشوية حجات تانية قلي عليها ميش فاكرها وكان بيشيل كابلات البطارية الالرمات تروح وشوية ترجع تاني .. لغاية مرة واحدة الالرمات ظهرت ومرضيتش تروح.
الراجل راح التوكيل وبعد اعتذارات .. وهو بصراحة قالي الناس كانوا في منتهي الاحترام معاه .. والتعامل مع العربية كان سريع جدا يعني راح 10 الصبح مشي الساعة واحدة الضهر
ميش هطول عليكم علشان اكيد عايزين تعرفوا العربية طلع فيها اية .. هي طلع فيها اربعة سنسور مشيعين .. والناس بتوع التوكيل قالولة ممكن كمان تكون السرة بتاعت العجل اللي قدام اللي بتتربط عليها اشارة الاي بي اس فيها مشكلة فمش هنستني لما انت تجرب علشان نتاكد وهنغيرهالك هي كمان كفاية المشكلة بتاعت السنسور .. ومع كثير من الاعتذار للراجل على هذا الخط وعيب الصناعة.
على فكرة مرة تانية الراجل راح ارتوك اوتو اللي في غمرة .. وبيشكر في الناس اللي هناك جامد جدا وسرعة الاستجابة العالية .. (شوية دعاية .. لول)
على فكرة محدش بقي يقول .. يعني عربية غالية ذي دي والمفروض انها محترمة يطلع فيها عيب صناعة .. دا وارد ولو بنسبة 1 في ال 1000 بس المهم لما يحصل هتعرف تاخد حقك ولا لا وهترجع العربية ذي مكانت ولا لا..
المهم شوف انت بقي الليلة دي لو حصلت معاك في الخليجي هتلبس في كام الف يا جميل
وربنا يسترها معانا كلنا .. وبعتذر لزميلي اني حكيت موضوعة دون اي استئذان .. بس على الله تعم الفائدة
:3_3_102[1]::ask:
انا كنت فى نفس الحيرة دية من 4 شهور وبعد بحث مطول تاكدت ان الضمان احسن بكتير من الخليجى للاتى
1 العربية اعلى ب4 سم هن الخليجى ودة مهمة جدا فى المطبات بتاعتنا
2- التصفيح حديد مش فيبر وطبعا لو الفيبر اتكسر مش حتلاقية
3-الضمان دة شى مهم جدا انا بعد ما اشتريت العربية بشهر الزجاج الخلفى جالة سرطان واتكسر وبعد محاولات اخدت فلوسة من ارتوك اوتو1800 جنية بمعن ان الضمان دة بيغطى اى عيب صناعة فى العربية وارد ان هو يحصل حتى لو عربية بورش
4 طبعا الخليجى فية اوبشن بينقى اقل من الوكيل ودة كان فى الموديل بتاعى tp وطبعا على سبيل المثال وليس الحصر
حساس المطر
حساس ضغط الاطارات (هام جدا)
المرايات الضم
البلوتوث
الحاجات دية كلها بفلوس كتيرة وممكن تبق مش موجودة فى الخليجى
دة طبعا غير كماليات تانية ان مش فاكرها
5-طبعا سمعة معظم تجار الخليجى مش قد كدة وتحس ان هما بيشتغلوك لان معظمهم الى كان فران او سمكرى اوبتاع كوارع وبقى تاجر عربيات