هو انت بتوجه الكلام ده ليا انا
انا متراقب ولا ايه يا رجالــــة
ده بقى فى عربيتى وعربية والدى الحوار ده
عرض للطباعة
هو انت بتوجه الكلام ده ليا انا
انا متراقب ولا ايه يا رجالــــة
ده بقى فى عربيتى وعربية والدى الحوار ده
انا ساعات بحس اني مجنونة كتير بعد ما اقفل العربية واطلع البيت خلاص انزل تاني واطمن اني قفلتها او اخلي اي حد من العيلة يبصلي عليها
ده غير كده كمان اول ما احط المفتاح في الشنطة اعد افتحها مليون مرة اتأكد انه موجود وموقعش ده مرض بجد وعايز علاج
ومش في العربية بس ده في حاجات كتير بس مش عارفة ايه سببه ياااااااااااه ده انت جيت علي الجرح
ده انت جيت علي جرح ناس كتيره اوي
انا بقي بعمل نفس الكلام بدور علي البيبان باب باب في ال ١٢٨ و الزجاج كله علشان مفهاش سنتر
و في النيو اكسنت لوينها بسنتر بردو لازم اتاكد انها مقفوله بس مش كل البيبان بفتحها يعني :ma: بس موصلتش لموضوع الشنطه او اني الف ٤ مرات و اقعد ادوس علي مفتاح الوك بعد ما اقفلها ٤ او ٥ مرات كمان ده
و بعد حتي ما اغطيها اقعد احط ايدي علي الزجاج علشان اتاكد انه مقفول وساعات كمان بعد ما اعمل ده كله و اوصل لالاسانسير بتاع العماره ارجع تاني ابص و اعمل الي عملته تاني
وكمان بتحصل معايا في باب الشقه اقعد اجرب في المفتاح ٥٠ مره و اشد المقبض علشان اتاكد انه مقفول بعد ما اكون قفلت بالمفتاح شفت المصيبه بقي :(
بس هو فعلا مرض بجد نفسي وخصوصا فعلا لما بتكون مرهق
بس بجد حاول مره في مره و فعلا لازم تحط في دماغك مش هيحصل حاجه
و واحده واحده هتيجي
بس الموضوع ده لو فضل مع الواحد هيبهديلو بجد سوري يعني بس بعد كده هتشك في كل حاجه و في كل واحد و كمان ممكن مع اقرب الناس ليك
ربنا يستر
ههههههههه
ازيك يا دولا حبيبى
ياراجل بما اننا ماروتيه زى بعض فانا لازم اعمل الواجب
-الشنطه : ماتشلش المفتاح من كالونها الا و انت قافلها بيه بعد ماتحط اللى عاوزه
الحركه دى اتعلمتها لأن كان زمان الواحد بيفتح و ينسى المفتاح فى الباب من بره ,, وفى مره ابن خالتى كان جاى يزورنا و لقى المفتاح ,, و فعلا فتح ودخل و لك ان تتخيل الخضه و انت بتبص للناس حواليك و بتعدهم لعل و عسل فى حد ناقص يكون هو اللى جاى وتلاقيهم كاملين متكاملين حواليك بيبصولك نفس النظرات ههههههه
- الأبواب و الأزاز : وانت لسه جوه بعد ما تشد الهاند او تعشق انا اتعودت المس بايدى كده ع السريع حرف الأزاز من فوق للابواب ,, طبعا اوقات بلاقى ايدى بتعدى لبره العربيه اقوم قافله و هكذا , طيب خلاص قفلت ازازك ؟ لومفيش سنتر وانت نازل بايدك من حرف الأزاز من فوق ايدك ع المسوجر وقتى ,, ولو فى سنتر بعد تشييكه الأزاز اقفل و بعينك فى السريع المح المسوجرات وهم بايتين فى حضن الأربع ابواب قبل ما تبعد عن اللى جايبالك الكافيه دى ههههه ( العربيه ) هتتجنن يالوردكده لو سبت نفسك ههههه
شويه هتلاقى نفسك خدت ع كده و مش هتلاقى داعى للقلق لأنك هتبقى فاكر كويس انكشيكت ع كل حاجه
بالمناسبه انا لسه مصلح السنتر من كام يوم ,, كان الباب اللى ورا صابع المسوجر بتاعه مبقاش بينزل خالص يعنى الباب علطول مفتوح ,, و فضلت كده حوالى شهر او اكتر و بركن العربيه كده من غير اى قلق !! مش عارف انتو اللى محبكينها ولا انا اللى معنديش ريحته
انا ارجح الأحتمال 2 هههههه
ساعات بتحصلي الحالة دي بس مش قوي كدة لأن الحاجات اللي بعملها بتلقائية لو حصلت وانا مندمج في التفكير في حاجة مباخدش بالي إني عملتها أصلا ومبفتكرش غير بعدها
وانا مشكلتي اني بحط الشنطة علي الكنبة ورا وبعدين انزل اخدها وامد ايدي من ورا اقفل المسوجر اللي قدام علشان هو اللي بيقفل السنتر ، فا ساعات لو طولت شوية علي ما اخد الشنطة انسي اقفلة ، بعد كدة بقيت اول ما افتح الباب اللي ورا اقوم قافل الأول وبعدين اعمل اللي اعملة
أكتر حاجة كانت بتهبلني ساعات اني ممكن اركن وانا بتكلم في التليفون واجي نازل من العربية اقعد ادور علية لما اتجنن راح فين دة ، وانا اصلا بتكلم فية
وكتير قوي بقي وانا ماشي وبتكلم برضو المكالمة تخلص وانا لسة حاطط التليفون علي ودني منزلوش غير بعدها بثواني لما اخد بالي ، الواحد لسع خلاص
علاجكوا عندى
بس الفيزتا غالية 100 جنيه
الدوا ب 400 جنيه
تجيب انذار من اللى بشاشة
ده هيوريك على الشاشة
العربية ما تقفلتش
العربية اتقفلت بصوت
العربية اتقفلت سايلنت
العربية اتقفلت اوتوماتيك
بس خلاص
لو بعدت خالص عنها وعايز تطمن
تبص فى الشاشة وتطمن